اسكريبتات الحور♥👑✨

متنساش النجمة حجي قبل ما تقرأ يا قمري★♥

اسكريبتات الحور

- هتتجوز واحدة يومين وتموت؟
أمال عاوزني أسيبها.
- لا روح ضحي بقلبك ومشاعرك
متنساش إن المريض أهم سبب لشفائه النفسية والدعم المعنوي .
- أنـت مفكر نفسك في رواية؛ هتقعد جنب الـسرير تدعيلها فتصحى؟
مش بعيد عن ربنا ياسيدي.
- يابني دي طمعانة في فلوسك هي وأبوها.
هما أصلاً ميعرفوش إني غني وانا ضحكت عليهم وقولتلهم إني فقير يا أيمن!
- ده ليه إن شاء الله؛ خوفت تجرحهم بفقرهم؟
مش لازم تعرف ليه وياريت متتكلمش عنهم بالطريقة دي.
- خلاص ياسيدي أنا آسف بس بكره هتندم ياعمر وهفكرك.
إن شاء الله
...
سيبته قاعد على الترابيزة وحطيت محفظتي ومفاتيحي في جيبي وقومت؛ مهما حاولت أوصف مقدار الخيبة اللي جوايا مـش هـتكون زي اللـي في قلبي، حـاسس إني في مـسلسل هندي وأحداثه كلها خيال من كتر الأيام الغريبة اللي مريت بيها .. وبسبب الـتنمر عـلى شكلي بقيت عـايش بخاف مـن الناس؛ حتى اللي بيعاملني كويس بيتصنع ده عشان فلوسي!
خطبت مرتين ومع الوقت عرفت إنهم معايا عشان هيعيشوا عيشة ملوك؛ بس لما كنت بقول لواحدة منهم البسي واسع وبلاش تهزري كتير في أماكن عامة كانت بتظهر على حقيقتها وكأنها بتقولي " على آخر الزمن أنت اللي هتؤمرني؟ "

أنا مكنتش وحش في يوم مع حد بس كان نفسي اللي يحبني يتجاهل " سواد بشرتي وطولي ونحافة جسمي "
وصلت لمرحلة من كتر الضغط اللي بشوفه من الناس قررت أعيش متنكر في شخصية شخص عادي، أخلص شغلي وأرجع البيت ألبس أقل لـبس عندي وأنزل الـشارع عادي بدون عربيتي وكـنت بركن مشاعري في جنب مع أي بنت عارفة إني غني؛ كان لازم أقابل واحدة تحبني وتتقبلني زي ما أنا ولو ملقتهاش مش هتجوز عادي.
..
فـي يوم خـلصت شغل ونزلت أزور مكان جديد مـن الأماكن اللي أتعودت ازورها فوقفت التاكسي وركبت؛ كان السواق شخص بسيط جدًا .. ابتسم في وشي ببشاشة وفتحلي الباب
قعدت أتكلم معاه ومحستش بطول الطريق؛ حس مني الحزن فسألني عن سبب شقائي وزعلي؟
فقولتله " الدنيا عمرها ما كانت مريحة ياعم؟ "
- اسمي حازم يابني؛ ثم إنك إزاي عاوز الدنيا تبقى مريحة؟
يعني إحنا جينا الدنيا نعيش زعلانين؟ٰ

أنا عمري ما أقدر أقنعك بأنها جميلة؛ لأنها خلقت للابتلاء.
أنت عاوزني أقنعك بحاجة ربنا قال عليها في القرآن " كماء أنزله الله من السماء فاختلط به نبات الأرض = فأصبح هشميًا تذروه الرياح "
متصور المشهد: هشيم نريده جمالًا ؟
- بس أقدر أقنعك بأنها مريحة.
إزاي حاجة مش جميلة تبقى مريحة؟
- الكعبة لونها إيه؟
أسود
- بترتاح فيها؟
جدًا
- عرفت بقى إنك تقدر تخلي حياتك مريحة، الرضا هيخليك تعيش مرتاح حتى لو حياتك كلها بلاء ومش جميلة غير كدا هتبقى شقاء في شقاء.
خدت نفس عميق وغمضت عيني وكأن روحي بتتنفس من رحيق الجنة وقولت:
- معقولة هيجبرني؟
رد بهدوء وقال " رب القلوب موجود؛ معقولة هيخذلك؟ "