اسكريبتات الحور♥👑✨

متنساش النجمة حجي قبل ما تقرأ يا قمري★♥

اسكريبتات الحور

هو مش هيبطل يخطف قلبى بقا؟!!

هو مين ده؟

هيكون مين يعنى يامريم!! .. قُصى يامريم قُصى حبيبى وان شاء الله قره عينى

بطلى جنان يالين هو اصلا مش شايفك

مهو ده ال مجننى أنه مش شايفنى .. بقالنا ٣ سنين معاه وفى نفس المكتب ومش شايفنى

هو مش بس مش شايفك يالين هو مش عارف انك موجوده اصلا فى دنيتنا

قومى امشى يامريم .. قومى روحى

الحق عليا انى بعرفك الحقيقه .. رايحه تحب لى واحد اسمه قُصى دون عن ال ٦ مليار وقُصى

طب والله لو مسكتيش يامريم لهعيط .. ده انا عملت المستحيل .. صور وبقيت اتنيل وانزل، استورى وحطيت، تخيلى نزلت البقاء لله وحتى مدخلش سأل ...

ايه ده هو فى كده؟

اه والله يامريم والبعيد مش بيحس .. بيضحك مع دى ويتكلم مع دى وياجى عندى مش بتشاف .. أنا شفافه مش بتشاف

طب ماتجربى تكلميه

ايه!!

ايه .. ادخلى كلميه بااى حجه

اكلمه طيب أقوله ايه!!

بصى هو مش الشركه عامللكم رحله .. ادخلى اسأليه انت هتروح ولا لا؟ .. وكده يعنى

صح انتى صح

يلا ..

لا مش دلوقتى

ياست اخلصى .. ولا انتى مستنيه أما يدخل مره عليكى المكتب ويعزمك على خطوبته

ايه!! .. ده انا اتجلط يامريم

لا يالين هو مش محور الكون .. وفى ناس كتير تتمناكِ انتى بس ال عقلك مصورلك ده لازم تكونى جامده .. احنا هنحاول نلفت نظره بس نفع نفع منفعش خلاص

أيوة الفت نظره ازاى؟ .. أصبغ شعرى مثلا اصفر ولا اقصه خالص

ده انا ال هقص لسانك ال بيخليكى تتكلمى من غير ما تفكرى لثوانى ركزى يالين انتى هتدخلى تكلميه وتحاولى تقربى منه تعرفى حاجات عنه وكده .. ويلا سلام بقا عشان ماما متزعقليش انى اتآخرت، وابقى احكيلى

اممم طيب .. سلام

فتحت وتس واترددت كتير قبل مااعمل الخطوة دى بس انا مضطرة ليها .. بس لا أنا هستنى لما اروح الشركه ونتكلم هيكون احسن

تانى يوم روحت الشركه وانا فى قمه الشياكه لبست بنطلون جينز وعليه شيميز اسود ستان كاجول وحزام فى النص ولميت شعرى ديل حصان وكوتشى ابيض رياضى بكعب عشان أبين انى طويله وكده .. كنت خايفه من الخطوة ال هعملها بس لازم اتجرأ واحاول أقرب منه .. قربت من مكتبه بكل هدوء

قُصى .. ازيك عامل ايه

ازيك يالين

ايه ده هو يعرف اسمى؟!! ... يعنى عارف انى موجوده امال فى ايه؟!!
‏
‏ أنا الحمد لله .. المهم بقولك انت هتطلع معانا الرحله ال عملاها الشركه؟

اممم والله مش عارف يالين؟!!

اممم اصلى شايفه أنها هتبقى رحله جميله ومنها نتعرف وكده ونفك شويه عن جو المكتب الكأيب والجو ده .. ونزور اماكن جديده وكده وفى كمان معرض كتاب وكتب جميله جدا نقدر نشترى منها الكتب وكده ..

معرض كتاب!!..

اه .. معرض الكتاب

انتى بتحبى الكتب؟

اه جدا ..

وقرأتى ايه قبل كده؟

قرأت روايه أُحبك ياقصى

الكتاب اسمه احبك ياقصى!!

لا ياقصى .. الكتب اسمه "أحبك" .. انت قصى فأنا بقولك اسم الكتاب

اه .. وعايزة تشترى كتب ايه بقا؟!

عايزة اشترى روايات كتير اوى مثلاً .. كتاب احبك ولا تبالى

اسم الكتاب احبك ولاتبالى!!

اه .. عشان هو حلوف

حلوف!!

اه لايبالى

هو مين ده؟!

البطل ياقصى البطل هيكون مين؟

اممم .. أنا كمان بحب الكتب

ايه ده بجد!! .. قرأت ايه بقا؟

بحب اوى روايه عشقت مجنونه، واسير عينيها السود

ايه!! .. اسمها اسير عينيها

اه ماانا عارف .. انا بقولك أنا اسير عينيها السود

هى مين دى؟!!

البطله يالين البطله

اممم .. طب هتروح؟

أنا فعلا لازم اروح .. بس اروح ازور والدك

والدى!!

اه والدك عشان اطلب ايدك منه

ايه!!

بقول انى لازم اروح اتقدملك من والدك، واقوله انى بحب فى حلوفه

بتحبنى؟

مسكتى فى بحبك وسيبتى حلوفه، أيوة يالين بتنيل بحبك اول مااتنيلتى جيتى المكتب وانا معجب بيكى .. بس محبتش أبين ليكى وفضلت اراقبك بصمت وأشوف زفت صورك ال عماله تنزليها وانتى قمر كده .. وعارف عنك حاجات كتير .. زيى مثلا انك مش جريئه لدرجة أنك تسألينى انى هروح ولا لا واحنا عمرنا ماكلمنا بعض .. واعرف انك مش اجتماعيه وملكيش أصحاب غير مريم وحنين ال معانا هنا .. وانك طول الوقت هاديه .. بتحبى الايس كوفى ودايما بتيجى بيه ومتقدريش تقعدى من غير الشيكولاته والمكسرات، بتلبسى كعب عشان تبينى انك طويله .. بتحبى تلبسى اسود .. بتسرحى كتير، وانا لست ابآلى عزيزتى .. أنا بس كنت مستنى انك تاخدى اى خطوة واعرف منك بتبادلينى نفس الشعور ولا لا ..

وعرفت!!

أيوة .. ويلا بقا ابقى عرفى اهلك أن الحلوف ال لا يبالي جاى يتقدملك عشان نروح سواا معرض الكتاب ونشترى الكتب ..

لا ماخلاص مش هجيب احبك ولا تبألى .. أنا هجيب روايه انت لي