اسكريبتات الحور♥👑✨

النجمة بتاعتي يصاحبي مش كل شوية هنشحت منكلم النجوم اومال لو مكنتوش القمر بذات نفسه هتعملو فيا اية....؟ 😂😂♥✨

حتىٰ لو أحبني أهل الأرض جميعًا، لا أريد سوىٰ حُبه..♡
#بقلمي
_ انتِ وافقتي بجد؟!!
_اي يجنىٰ خضتيني، في باب بنخبط عليه.
_ريم قولي انك بتكدبي وموافقتيش علي عُمر.
_ أكدب لي أنا وافقت عليه..
_ ريم دا معاه طفلة.!
_ ايوه قدر انتي عرفاها..
"كانت بتبصلي وكأني بعين واحدة، انا عارفه انها مش موافقة بس انا موافقة وأهلي موافقين معادا ماما بصراحة"
_ ريم انتي عارفة أنه مش هيحبك .!!
_ الاه ليه كدا هو انتي دخلتي جوا قلبه؟!
_ لا مدخلتش بس انا عارفه أنه مش هيحبك انتي كنتي صديقته وبس لاكن ....
" كانت بتتكلم بعصبية وبتجرح في قلبي وهي مش واخده بالها وبعد كدا سكتت مكملتش كلامها "
_ ما تكملي قولي أنه حب صاحبتي، اللي انا كنت معرفاها اني بحبه مش كدا ؟
_يحببتي انا مش قصدي أجرحك انا بحاول أفوقك بس.
_ وانا مُصره علي رأي هتجوزه .
_ يختااي عليا.
" فضلت طول الليل تقنع فيا أنه أرفض بس انا ثابتة علي قراري، انا مهزقة وبحبه. "
ماما بزهق_ ريم عمر عايزك بره..
رديت باستغراب_ اي دا ايه اللي جابه؟!
_  معاه قدر عايزها تتعرف عليكي..
" ماما قالتلي كدا وطلعت قفلت الباب، ماما مش موافقة انا عارفه بس محدش عارف اني لسه بحبه وعيزاه، لبست هدومي وطلعت لقيت بنوته صغيره عامله شعرها كحكة وبتأكل آيس كريم وقاعدة علي رجل عُمر "
_ قدر.
" رفعت وشها ليا وعُمر كمان نزِلت من علي رجله، وبدأت تلف حواليا وكأنها بتقيمني وحاطه صوباعها الصغير علي دماغها علامه علي التفكير وانا كنت واقفة ثابته ومبتسمه شاورتلي بصوباعها اني انزل لمستواها"
_ اسمك اي؟!
_ اسمي ريم.
_ امممم
" حطيت ايديها في جيبها وطلعت تمرة وأديتهالي"
_اكسريها
"كل اللي في الأوضة ضحكوا بما فيهم مامتي، اخدت التمرة منها كانت طرية وكسرتهالها"
_ أتفضلي.
" بصيتلي وفتحت عينيها جامد وفجأة سقفت وهي بتضحك وانا كمان ضحكت علي ضحكها"
_ هتخلينا أكل شوكولاته كتير .
_ وهأكلها معاكي..
_ والشيبسي!!
_ والشيبسي بس مش كتير عشان متتعبيش..
" ضحكت وحضنتني وبعد كدا بصت لعُمر اللي كان متابع الحوار من الأول"
_ بابي انا موافقه.
" ضحكنا كلنا واخدتها جبتلها شوكولاته ، وانا وعُمر محدش فينا بيكلم التاني انا مهتمه بقدر وهو بيتكلم مع بابا لحد ما بابا قالي.."
_ ريم اي رأيك كتب الكتاب يبقي أخر الاسبوع.
"بصيت لعمر شويه لقيته مش بيبصلي اصلًا "
_ اللي حضرتك تشوفه.
_ خلاص علي بركة اللّه
"بارك الله لكما وبارك عليكما وجمع بينكما في خير"
" عدي الاسبوع وفوقت علي كلام المأذون، بس أنا خفت وكأني لسه مكتشفة الغلط اللي انا عملته، كنت واقفة سرحانه لما لقيت حد بيحضن رجلي "
_ قدر .!
_ أنتي مامي دلوقت.!
" بصيت لعُمر اللي كان بيسلم علي الناس، أي دا فين حضن كتب الكتاب بتاعي أي الكروتة دي "
بصيت لقدر وأنا بلعب في شعرها_ ايوه يروح ماما..
" سلمت عليٰ أهلي وعلي جني اللي كانت حالفة ما هي جايه بس كانت أول واحده موجوده، ماما وجني كانوا بيبصولي بعتاب بس أنا مسكت أيد قدر ونزلت لقيته واقف عند عربيته"
_ يلا يقدر تعالي أركبي..
_ لا أنا هركب مع مامي ..
"بصلي عُمر بصدمه بس أنا ابتسمت واخدتها في حضني "
_ ماشي يحببتي تعالي أركبي ورا ريم هتركب معايا قدام..
رفعت وشها ليا وقالت_ ماما أنا عايزة أركب جنبك..
عمر بعصبية ‏_ قدر وبعدين بقا يلاا..
_براحة علي البنت أنا هركبها علي رجلي..
_ لا طبعا هتركب مكانها..
_ وأنا عيزاها تقعد علي رجلي..!
" بصيلنا احنا الاتنين ولقدر اللي واقفة ورايا ومسكاني وشفايفها مقلوبة بزعل"
_ خلاص اللي أنتوا عايزينه.
_ يلا يقدر هتركبي معايا..
" ركبنا وقعدت قدر علي رجلي وهي ضهرها لعُمر "
_مين حبيب بابا ؟!
_مش أنا.
" ضحكنا أنا وعُمر وهي لسه مدياله ضهرها "
_ أنتي زعلانة مني ولا اي؟!
_ هو أنت عملت حاجه تزعلني..!
" بصيتلها بصدمه وعُمر ضحك بصوت عالي وهي ضحكت علي ضحكته، شدها من علي رجلي وقعدها علي رجله"
_ خلاص أنا اسفة يقدري .
_ امممم، مامي أسامحه..!
_ معلش يقدر سامحيه المرة دي .
_ امم اوكي.
"وصلنا البيت ونزلنا وقدر عماله تسحبني لحد الشقة وهي فرحانه "
_ دا بيتنا يامامي..
_ قدر متقوليش مامي عشان طنط ريم متزعلش.
"بصيت لعُمر باستغراب وقدر بصيتلي بزعل"
_ لا يروحي قولي مامي مش هزعل..
" بصلي بأستغراب لاكن قدر سقفت وحضنت رجلي تاني"
عمر بهدوء_ طيب يقدر يلا عشان أنيمك عشان الحضانة.
رديت بسرعه_ ممكن أنيمها أنا ..!
_ ايوه يمامي.
" ابتسمت لعُمر واخدت قدر ودخلت أنيمها وبعد كدا طلعت عشان اخد لبس عشان انام بيه، لقيت عمر في البلكونه وبيشرب قهوته"
_ عُمر أنا هنام فين ؟!
لفلي وهو بيشاور بعينه علي أوضة _هنا .
" بدأت ألف في الشقة كانت أوضتين وأوضة الرسيبشن والصالة، والصورة بقت واضحة قدامي وفهمت"
_ محتاجين نتكلم مع بعض شويه..
" وقفت جنبه ومحدش فينا اتكلم لحد ما هو قطع الصمت دا "
_ اسألي يريم..
_ روح فين يعُمر..؟
_ ماتت .
_ لا يعُمر روح عايشة مماتتش .
_ بالنبسالي أنا وقدر روح ماتت..
_ أنا عايزة افهم.!!
بصيلي وهو بيقول_ هربت من مسؤولية قدر، بعد ولادة قدر روح مكنتش عارفة تتعامل معاها وقالتلي انها عايزة تمشي سيبتها، قولت هتغيب فتره وترجع عدي ٥ سنين ومرجعتش أنا ربيت قدر لوحدي بس هي بقت محتاجة أم وانا مش هعرف أققوم بدور الأم دا أبدًا دي بنت لو كان ولد كان الموضوع هيبقي سهل شويه ..
" مكنتش مصدقة أن في أم قدرت تتخلي عن طفلتها لمجرد انها مش اعرفه تتعامل معاها ازاي ضيعت ذكرياتها معاها بالشكل دا "
_ طيب وأشمعنا اختارتني أنا .؟
رفع عنيه ليا اللي بقاله شهر مش بيرفعها فيا_ عشان متأكد انك هتبقي حنينة علي قدر أكتر من أمها.
طبطت علي ايده وأنا مبتسمه بهدوء_ متقلقش قدر في قلبي قبل عيني.
" بصلي وابتسم وكأنه اطمن بوجودي"
" وعدي اليوم وصحيت علي صوته هو وقدر"
_ دي مش ضفيرة دي كحكة .
_ يابنتي ما هي حلوة مش بعرف أعمل الضفيرة مالها الكحكه.
_ وأنا مش هروح الحضانة غير لما تعملي ضفيرة زي سوسو صحبتي .
_ أرحمي أمي العيانه .
صوتت قدر وهي بتقول _ اعملي ضفيرة
‏_بس أنتوا الاتنين خلاص، تعالي يقدر هعملك ضفيرة.
‏" بصولي الاتنين بصدمه تقريبا كدا الاتنين كانوا ناسيين اني موجودة "
‏بصت قدر لعُمر وهي بتقول _ اخيرًا حد هيعملي ضفيرة مش كل شويه كحكة هيجيلي السكر منك ..
‏"مش معقول دي طفلة في حضانه دي ست صغيرة"
‏_ حلوة الضفيرة..!
‏" راحت عند المرآيه وهي بتضحك بسعادة "
‏_ أنا بقيت شبه روبانزل لما عملت ضفيرة صح..
‏_ ايوه صح ، روبانزل دلدلي شعرك..
‏" ضحكنا احنا الاتنين وهي بتنط في حضني وعُمر واقف ساند علي الباب وشايل شنطة قدر وبيضحك "
‏_ يلا يا روبانزل الغلابة الباص وصل..
‏_ حاضر باي مامي..
‏_باي يروح مامي.
‏" وصلتهم لحد باب الشقة وقدر نزلت تجري علي السلم"
‏_ هتعوزي حاجه من تحت.!
‏_لا مفيش لو كدا هرن عليك .
‏"فجأة لقيته حضني وباس رأسي وهو بيقول"
‏_لأول مره اشوف قدر مبسوطه كدا ..شكرًا.
‏" نزل وسابني في الصدمة بتاعتي لحد ما فوقت وأنا بضحك جامد، بدأت اكتشف شقتي كان زي ما طول عمري بتمني بلكونة واسعة وفيها ورد جوري وكرسين نقدر نقعد بليل مع صوت أم كلثوم، وكان المطبخ واسع وفيه طرابيزة وكراسي نقعد عليها وبيت علي طريقة كلاسيكية وشيك اوي،  بجد بقا البيت وصاحب البيت في قلبي "
_ مامي أنا جيت..
‏طلعت من المطبخ بسرعه لما سمعت صوتهم _ يروح مامي حمد الله علي السلامة.
‏" قربت مني وحضنتني وأنا كمان حضنتها "
‏_ يلا خشي اغسلي ايدك ووشك عشان تأكلي ، بتحبي المكرونه بالبشاميل.!
‏_ اللّه بحبها اوي .
‏_ طب يلا بسرعه..
‏" جرت علي الحمام وأنا متبعاها بأبتسامة،  لقيت حد بيحضني من ضهري اتنفضت في وقفتي وسمعت صوته وهو بيهمس "
‏ ‏_ وأنا كمان بحبها اوي.♡
‏سألته وأنا قلبي بيدق_ هي اي؟!
‏قالي وهو بيبعد _ المكرونة بالبشاميل.
قولت وأنا بحاول أخد نفسي_طيب غير هدومك يكون الاكل اتحط.
‏" جريت من قدامه وسامعة ضحكته سندت علي الرخامة وأنا مش مصدقة اللي حصل لحد ما قاطعني صوت قدر "
_مامي فين الأكل .؟
‏_حاضر يقدر.
‏" حطينا الاكل وبدأنا نأكل وقدر كل شويه تعبر عن جمال الاكل وتقوم تسقف وتقعد تاني وحقيقي كنت فرحانة لفرحتها"
‏_ تسلم ايدك يريم الاكل جميل.
‏" مسك ايدي وباسها وشال طبقه ودخل المطبخ، والله الصدمات دي كتيرة علي كتكوت ضعيف انا هقوله بحبك وافضحكوا "
‏_مامي الأكل جميل اوي .
_ بالهنا والشفا يروح مامي .
" مسكت ايدي وباستها زي عُمر كمية لطافة مش طبيعية"
**********
" عدي شهر وأنا وعُمر قربنا اوي من بعض بقينا بنقعد مع بعض في البلكونه بعد خناقة المذاكرة مع قدر لحد ما تنام ،والاتنين مش بيبطلوا خناق هي غيرانة عليا منه وهو غيران من قربنا احنا الاتنين لبعض، أنا بقيت مسئوله عن طفلين مش طفلة واحدة والله"
_يلا سلام يمامي يلا يعُمر.
_ أي عُمر دي هو أنا بلعب معاكي .
_ خلاص متزعلش هنسميك عُمر القماص .
_ شوفتي اخدت الكلمه منك اهو .
_ الاه وأنا مالي يا لمبي .
" ضحكنا والاتين حضنوني ونزلوا، بعد فترة لقيت الباب بيخبط "
_ ايوه جايه .
" فتحت الباب وكانت روح واقفة بتبصلي بغضب زقتني ودخلت سيبت الباب مفتوح ودخلت وراها"
_ أنتِ جايه هنا لي ؟!
_ جايه لجوزي وبنتي أي لتكوني فاكره انك اخدتي مكاني خلاص لا فوقي أنا لسه مرات عُمر ودي بنتي..
_ يعني أنتي بقالك ٦  سنين غايبة وجايه دلوقتي تقولي جوزي وبنتي أنتي بتستهبلي .!!
_ اغيب ٦ او حتي عشرة ملكيش دعوه، ومتهيألي تلحقي تلمي هدومك وتمشي من هنا عشان زي ما اخدت عُمر منك أول مره هأخده تاني .
_ أنا مش همشي من هنا دا بيتي وعُمر جوزي وقدر بنتي أنتي اللي ملكيش مكان هنا اطلعي براا ..
ضحكت بسخريه _ اوووه باين عليكي لسه بتحبي عُمر..!
_ ايوه ياروح لسه بحبه وعمري ما بطلت أحبه، أنتي كنتي زي الحرباية اللي دخلتي بينا واخدتيه مني .
_ وليه متقوليش انه حبني أنا ومحبكيش رغم انك كنتي قدامه قبلي .!!
_ أنتي عاملة زي الحرباية بتتلون وانتي عملتي كدا لبستي وش مش وشك عشان عمر يحبك لاكن أنا لا .
_ عُمر أنا لسه في قلبه وبيحبني واستناني ٦ سنين لاكن أنتي مجرد داده عمر جابها لقدر .
" محستش بنفسي غير وأنا بضربها بالقلم علي وشها بصتلي بصدمه وكانت لسه هتنزل بالقلم علي وشي "
_حطي ايدك جنبك..
" بصيت ورايا لقيته عمر واقف عروق رقبته بارزة ووشه أحمر، وقدر مستخبية وراه وبتعيط جريت عليها وأنا بشدها لحضني "
_ متخافيش يماما مفيش حاجه..تعالي معايا علي الاوضة.
" اخدتها وانا جسمي كل بيترعش وقعدتها علي السرير وكان عُمر صوته عالي حطيتلها سماعات في ودانها"
_ اسمعي الاغنيه دي جميلة اوي وأنا هجيلك تاني متخافيش ..
"سيبتها وأنا بضحكلها وطلعت برا لقيت عُمر بيزعق وعمال بيزق في روح لحد باب الشقة وهي بتصرخ في وشه "
_ أنا عايزه بنتي يعُمر .
_انسي أنتي معندكيش بنات .
_هرفع عليك قضية يعُمر وهاخد بنتي .
ضحك بسخريه _ أنتي ناسيه انك مضيتي بتنازل عنها.! ايوه أرجعي لوعيك كدا أنا كنت عارف من الأول انك هتعملي كدا اول ما تلاقيني عيشت حياتي، عشان كدا مرضتش اخليكي تمشي غير وأنتي ماضية بتنازل عنها.
" زقها لبرا وقفل الباب في وشها وهي عماله تصرخ برا وتخبط علي الباب فتحلها الباب تاني "
_ ايوه صح ابقي عدي علي المحامي خدي ورقة طلاقك بقالها سنتين عنده .
" رزع الباب في وشها تاني ودخل الاوضة بعد نص ساعه دخلتله كان نايم علي السرير"
_ عُمر أنت كويس؟!
قام ووقف قدامي _ أنتي لي مقولتليش انك بتحبيني ؟!
رديت عليها بعصبية_ مكنش ينفع خلاص.
_ ليه كنتي قولي انك بتحبيني مش يمكن كانت قدر دي بنتك مش بنتها .!
_ بس أنت مكنتش بتحبني أنت حبيتها هي.
_ مين قالك اني مكنتش بحبك مين قالك
بصيت بصدمه وأنا بقوله_ يعني اي.!
_ يعني أنا كنت بحبك وقولتلها عشان كانت صحبتك تساعدني اعرف مشاعرك ناحيتي قالتلي انك بتحبي حد تاني وبدأت تتقرب مني وأنا كنت مجروح الفترة دي وأتسرعت واتجوزتها ..
‏_ وأنت لي تطلب مساعدة من حد انا كنت قدامك .
‏شد في شعره وهو بيقول_ وانتي ليه مقولتيش لي ؟!
‏رديت عليه_ كُنت خايفة انت اللي لازم تقولي مش العكس، كُنت لازم تطمني بحبك الأول.
‏سكت شويه وبعدين قال _انا اسف..
‏_  يعُمر احنا ضيعنا سنين من عمرنا عشان كل واحد فينا متكبر يقول للتاني انا بيحبه.
رد وهو بيغمزلي_ سنين اي أنتِ لسه غزال يغزال.♡
‏_ عُمر.!
‏_بيحبك ولله بيحبك.. ♡
" حضني وهو بيضحك "
_ عُمر عيب كدا  سيب مامي..
" لفيت لقدر ولسه عمر محتفظ بيا في حضنه وبنضحك "
"وما الحب الا للحبيب الأولي...♡"
.