اسكريبتات الحور♥👑✨

متنساش النجمه يقمري ★♥

ندي .  علشان تبقي عارف هنتطلق كلها اسبوع
يزن. انتي متخلفه ولا هبله ولا في دماغك حاجه
ندي . علي العموم كلها خمس شهور
يزن . جدعه كده اعقلي شايفه الأوضه اللي في وشك دي روحي إتخمدي فيها
ندي  دخلت الأوضه وهيا ما زالت بس بتفوق من اللي هيا فيه بتقول لنفسها ازاي
استوووب هنا
انا ندي خريجه هندسه والدي يبقي أمجد العقاد صاحب أكبر الشركات بتاع رجال الأعمال بيزنيس يعني  والدتي اتوفت من وانا لسه في ثانوي بس مكنش في اي حد أقدر أحكيله حتي بابا نفسه كان دايما مشغول بشغله  وفي الاخر جوزني بس من غير ما حتي أقول لا علشان يسافر برا في شركته الجديده وهو مطمن عليا
فاقت من ده كله علي دموع نازله تلقائي من خدها
كيف لا تدمع وهيا وقلبها لا يتمنون ما هم فيه الان
عدي اول يوم علي خير
ندي . بقولك يا إنت قولتلي إسمك اي
يزن . إسمي يزن
ندي . طيب يا إسمك يزن احلف بالله
يزن . أه فيه إي لكل الصدمه اللي علي وشك دي
ندي . إسمك حلو الصراحه
يزن . كنتي عاوزه إي من الاخر
ندي . فصيل ما علينا بس عاوزه أكل
يزن . وانا مالي
ندي . بقولك عاوزه أكووووول يا أخ إنت حلوف مبتحسش
يزن . متحترمي نفسك بقي إي حلوف دي يا
ندي . إسمي ندي وندي عاوزه تاكل nada need food
يزن . يا روشه إنتي
ندي . من يوم ما وعيت علي الدنيا وانا كده
يزن . حد قالك إنك رغايه
وهنا بدأت تعيط هيا مش رغايه هيا بس
بس عاوزه حد تتكلم معاه باباه مشغول مامتها متوفيه أصحابها اللي في كليه مكانتش مختلطه بيهم اصلا هيا نفسها تتكلم بتلقائيه زي ما اي حد بيتكلم بس حتي هو لما قال انتي رغايه هيا مفيهاش حاجه بس أهي جمله بسيطه أهي ممكن تخليك بس تعيط لمجرد إنك ربطتها بحياتك أد إي إحنا بساط يا جماعه
يزن . في إي بس
ندي جريت علي أوضتها علشان بس تهدي
يزن . احم احم الاكل اهو
ندي . اهو ده الكلام
يزن . هرموناتك عامله شغلها معاكي
ندي . هرمونات مين بس هات الاكل اللي في إيدك ده 
يزن . تعالي ناكل سوا
ندي . لا ده بتاعي أنا بس
يزن . هتاكلي بيتزا لارج لوحدك ؟
ندي . عندك مانع
يزن . اه عندي انا جعان زيي زيك
ندي. طيب ما كنت تاكل مستنيني أنا اللي أطلب منك إني جعانه علشان تبين إنو أنا ضعيفه وإنت قوي صنف معفن
يزن . إيه إيه حرام عليكي عقلك حتي كفايه كلام يا ستي خلاص مش هاكل
ندي . كلك ذوق
خرج يزن من الأوضه وندي جريت رواه
ندي . ليه طلبت بيتزا بالذات ليه مش فراخ أو كده
يزن  إتلجلج شويه في الكلام وبعدها قال .لا عادي
ندي . أصل أنا بحبها
يزن . طيب حلو
كلي في الرسيبشن برا وانا هدخل أوضتي
يزن دخل الأوضه بتاعته وهو بيقول في نفسه الحمد لله عدت علي خير
استوووب برده هنا
انا يزن خريج كليه طب دكتور مخ وأعصاب إتقدمت لندي ومن أول ما إتقمدتلها والدها وافق وانا نفسي استغربت من السرعه دي
فلاش باك
يزن . عمي شكرا بجد إنكم وافقتوا باذن الله الخطوبه هتبقي الخميس الجاي إيه راي حضرتك
أمجد . معلش يا إبني خليها كتب الكتاب أنا مسافر ومش.هينفع واحده زي بنتي تقعد لوحدها في بيت زي ده هيبقي جميله عليا أشيلهالك حتي كلها خمس شهور وانا هاجي وابقي طلقها  ها رايك يا بني
لما تكون بتحب واحده ومتابع تفاصيلها اكيد مش هترفض حاجه زي دي بس شعور إستغراب علي فرحه انو أخيرا حلمك اتحقق مع ازاي والدها يقول فرحها الخميس الجاي
باك
يزن سجل في النوته بتاعته وقال
١/٩/٢٠٢١
كنت علي وشك الوقوع لكن قد حُل الأمر كم أتمني أن تستطيع أن تري ما في داخل قلبي لكن ما باليد حيله  هيا عظيمه
تاني يوم
يزن . اصحي علشان ماما جايه تباركلنا
ندي . ده انت سئيل يا أخي جاي تصحيني من النوم علشان تقولي كده
يزن . متاكده انو انتي مهندسه
ندي . بالختم
يزن . طيب يلا
يزن خرج وندي بتقول في سرها الله يخربيت دي جوازه
ندي . اذيك يا طنط
والده يزن . اذيك يا عروسه ايه الحلاوه دي
ندي . شكرا يا طنط
والده يزن . خليها ماما اعتبريني زي والدتك يا حبيبتي الله يرحمها
ندي.  الله يرحمها يا طنط
يزن حاول يغير الموضوع علشان ندي متعيطش
ودي حاجه حلوه أوي إحنا كبشر بنحبها يعني لما نلاقي حد عاوز يسعدنا مش راضي حتي يخلي دمعه تنزل مننا دي حاجه غاليه أوي علي قلبنا بمعني أصح حزنك ده هو أسوء حاجه في حياته
يزن . طيب يا ماما ادخلي كده انتي وانتي اعملوا الغدا وانا هستناكوا هنا
والده يزن . طيب يلا يا ندي
ندي راحت مع والدته ورجعت ليه تاني
ندي . شكرا
يزن . علي ايه
ندي . علي النهارده
يزن باستعباط .اللي هو ايه برده
ندي . تبا
يزن . امشي يا ندي
ندي . بقي كده تدبسني مع الحجه في الاكل
يزن . غوري من وشي
ندي . بيعاملني بطيبه وإحساس
يزن . شكلك ودانك مخرومه
ندي . سلام هساعد مامي
يزن . بيتريق عليها مامي
ندي . يزن بقي
يزن ......
ندي.  خلاص يا عم همشي بدل ما انت ساكت كده
يزن . ايه ده مكرونه نجرسكو
ندي . أقعد وذوق
يزن . بسم الله
ندي . ايه رايك
يزن . مين عملها
ندي . انا
يزن . كنت متاكد
ندي . طعمها حلو صح
يزن . طعمها بصي من كتر حلاوتها شبعت
ندي . أقعد وكل واعمل زي الروايات وحتي لو الكل قال وحشه انت تكمل من غير ما تقول كلمه ولما تخلص تقول سلمت يداكي يا عزيزه قلبي
يزن . نعم عاوزاني أقول ده كله
ندي . اه وماله
والده يزن . يا ولاد خلصوا وكلوا وبعدين مكرونه اي اللي وحشه يا يزن
ولسه بتزوقها وشها كله احمر من جمال المكرونه
ندي . طيب عن اذنكوا بقي انا اكلها لوحدي  انا لمكرونتي ومكرونتي إلي
يزن . قابليني إن كلتيها
ندي . طعمها وحشششششش
والده يزن .طيب يا ولاد عاوزين حاجه
ندي . لا شكرا يا ماما
يزن . استني يا ماما هنزل أوصلك
يزن نزل يوصل مامته وكانت ندي في الفتره دي اخدت الاكل من السفره ونضفت المكان ودخلت المطبخ تغسل المواعين
يزن دخل الشقه مره واحده وهيا مكانتش سامعه صوت المفاتيح فدخل عليها المطبخ ولسه هيقولها عاوز أشرب مايه
ندي . أحي حرااااامي
يزن .حرامي ايه يا بنتي
ندي . الحقني ياااض هتخطف
يزن .يا بنتي انا اهو قدامك حرامي مين
ندي . حبيت أعيش في الجو بس
يزن . طيب أنا جعان
ندي . وانا
يزن . اعرف طريقه أكله كنت بحب أعملها أوي لنفسي لما ماما تبقي برا البيت
ندي .ايه هيا
يزن . كوسه بالبشاميل
ندي . عندي كوسه ايوا حلو وعندي البشاميل واللحمه
يزن . فل اوي هغسل ايدي واجي اعمله معاكي
ندي . ليه شايفني مش ست بيت شاطره
يزن . لا طبعا ازاي تقولي كده قصدك أوكس ست بيت
ندي .  وانا افتكرك هتقولي كلام حلو يا حبيبي
يزن . قولتي اي
ندي . وانا افتكرتك هتقولي كلام حلو
يزن . لا مش دي اللي بعديها
ندي . يا
يزن . بطلي غباء قولتي اي
ندي . يلا نعمل الكوسه
يزن ضحك حتي لو هيا مرضتش تقولهالو مره تانيه بس اهو علي الاقل سمعها منها
يزن . بدأوا يعملوا الاتنين واكلوا ودخلوا ناموا
دخل زين أوضته وكتب
٢/٩/٢٠٢١
حاجه حلوه أوي لما تسمع جمله نفسك تسمعها مش من اي شخص لا من شخص محدد شعور حلو حتي لو ممكن بهزار بس سمعتها ختم الجمله بتاعته وبيقول
قالت حبيبي وقال قلبي حبيبة قلبك أرضتني بجملتها
صحيت من النوم
ندي . يزن
دخلت أوضته ملقيتهوش
ندي . انا حتي مش معايا رقمه ارن عليه
ندي . قعدت روقت أوضتها وهيا بتحاول إنها تنشغل علشان اتعودت علي وجوده
يزن .ندي
ندي . انت ازاي تخرج من غير ما تقولي
يزن . انتي بتحاسبيني ولا اي
ندي . مش بحاسبك بس
يزن . مبسش يا ندي
يزن . اسف مكنتش أقصد إنو ازعق بس معلش
ندي . لا عادي ولا يهمك
ندي دخلت علي اليوتيوب اتعلمت اكله جديده وعملتها
علي السفره
يزن . تسلم إيدك
ندي . الله يسلمك
يزن .لسه برده زعلانه
ندي . مبحبش
يزن بيقولها . مبحبش حد يزعقلي
ندي . انت عرفت منين
يزن. ايه لا عادي يعني عادي
ندي . عد كام كلمه عادي قولتها
يزن في عقله الحمد لله مخدتش بالها
ندي . لسه زعلانه برده
يزن . نتفرج علي الادين
ندي . واد انت جامد يلا
يزن . يلا
ندي . يلا ايه الاول شغل نتفليكس وانا هعمل فشار واجيب دفايه علشان الجو البرد ده واجيب اتنين بيبسي وتبقي احلي قاعده بروقانها
يزن . والله انتي اللي جامده يلا بس انا هساعدك انا هجيب الدفايه وانتي اعملي الفشار
ندي . اشطه يلا
اتفرجوا علي الادين
وجات الاغنيه وجاسمين والادين بيقولوا
Ever moment . Red ... Letter
كل لحظه رساله حب
ندي . أكتر كلمه مقربه لقلبي بتتحقق معاك قالتها وهيا بتنام
يزن . بصلها لاقيها نامت علي كتفه
شالها زين ووادها أوضتها وقالها في سرها أنا بحب جملة
For you and me
من أجلك ومن أجلي
دخل أوضته وكتب
قالت وهيا نايمه  كل لحظه رساله حب مش مهم حتي لو نعسانه بس فرحت قلبي
وقال
فرحة قلبي تُفرح القلب وتجعله وهاجاً عندما يسمعها
ندي صحيت من النوم
ندي .يزن انت ازاي تشيلني
يزن . في اي يا بنتي انا لسه صاحي من النوم
ندي . ايوا ازاي تشيلني برده
يزن . بتتكلمي علي اي بجد نعسان
ندي . طيب نام نام
نام يزن وصحي
يزن . كنتي بقي مصحياني ليه
ندي . كنت عاوزه أعرف شيلتني ليه
يزن . كنتي نايمه
ندي . كنت تسيبني نايمه
يزن . حاضر خلاص لما تنامي تاني هسيبك
ندي . لا
يزن . لا ايه
ندي . ولا يهمك خلاص
يزن . تعالي نخرج شويه
ندي . أجمد زوز كده كده
يزن . دلوقتي بقيت زوز
ندي . احلي زوز كمان يووووغتي هقوم البس
يزن . طيب يلا
لبسوا الاتنين وندي كانت طالعه بس هيا شدت انتباهه بتفاصيلها الرقيقه بمشيتها البسيطه وهيا بتقوله الاوت فيت عجبك ولا لأ الهيلز بتاعها والطرحه والشنطه اللي كلهم لايقين علي الطقم وعلي قلبه
يزن . ايه الشياكه دي
ندي . عجبك بجد
يزن . اه فعلا ذوقك حلو
ندي . حبيبي تسلم
يزن . يلا نخرج
ندي مسكت ايده ونزلت
ركبوا العربيه وراحوا علي أقرب بحر يتمشوا فيه
اثناء  ما هما بيمشوا
يزن . ليله إذيك
ليله . بخير وانت عامل اي
يزن . الحمد لله
ليله . طيب مين دي يا زوز
ندي . زوز إيه ياللي تنشكي في بطنك
ليله. في إي يا يزن بس
ندي . في كتير يا مسهوكه إنتي يلا يا وقالت وهيا بتقلد ليله زوز
يزن . غمز لليله وهو ماشي وقالها استني بس يا ندي ازاي اسيب ليله لوحدها
ندي.  لا ازاي طبعا غور انت وهيا
ومشيت ندي ويزن وقف مع ليله شويه
يزن . كده حلوه أوي جدعه
ليله .  عيب عليك أختك بتسد برده
ندي روحت البيت وهيا بتعيط
يزن . مالك يا ندي بس
ندي . مين اللي بتقولك زوز دي
يزن . وانتي ايه اللي يهمك مش هما كلهم خمس شهور ونتطلق انتي مالك بقي
ندي . لا يهمني يا يزن
يزن قعد جمبها علي السرير
يزن . يهمك ليه بقي
ندي . اما انت عيل رخم انجوي انت وهيا
يزن . طيب أنا نازل
ندي . والله إن نزلت بص مش هيحصلك خير وجريت علي المطبخ
ندي وهيا ماسكه السكينه
ندي . قولتلي بقي إنك نازل فين
يزن . اهدي يا مجنونه لاحسن السلاح يطول
ندي . هو لسه هيطول وراحت نحيته
بس بس اللي حصل عكس كده
وهيا مقربه منه يزن شال السكينه من أيدها
بقيت بس عيونهم هيا اللي تلاقت المرادي
كلام كتير في عيونهم حب وغيره وندمان
يزن . ها بقي كنتي عاوزه اي
ندي . ها لا انزل زي ما انت عاوز عن اذنك
مشي يزن وهيا نامت في اوضتها
يزن . نمتي ولا لسه
ندي . انت لحقت تنزل
يزن . منزلتش أصلا أنا بس كنت عاوز أوريكي حاجه
ندي . إيه
ليله . قبل ما تعملي أي حاجه أنا أخته والله والبطاقه أهي عاوز حاجه يا يزن سلام
يزن . الندله باعتني
ندي . انا مش فاهمه حاجه يا يزن
يزن . تعالي ننام بس وبكره هحكيلك كل حاجه
ندي . استني متمشيش إحكيلي حدوته
يزن . حاضر
قال الحدوته وهيا حضنته ونامت
صحيت الصبح علي نفس الوضعية دي
ندي . يخربيتك إنت إزاي تحضني
يزن . أنا نعسان يا ندي بقي حرام عليكي
ندي . كل ما تحط خلقتي في خلقتك تقولي نعسان
يزن . أهو فوقت عاوزه إي
ندي . إزاي تحضني
يزن . مش انا اللي اتنيلت حضنتك انتي قولتيلي احكيلي حدوته وانا بحكيلك حضنتيني بس كده
ندي . بس كده
يزن . بس كده  ومن غير ما تسألي أنا عارف إنتي عاوزه تقولي إي إي حكايه ليله
ليله تبقي أختي واتفقت معاها علي انو انا وهيا نعمل صحاب خصوصا إنك مكنتيش لسه إتعرفتي عليها لسه وأشوف ريأكشنك عامل ازاي
ندي . وكان عامل ازاي
يزن . كنتي جميله الصراحه خصوصا وانتي بتقولي زوز مين ياللي تنشكي في بطنك
ندي . طيب اوعا يا حبيبي كده
يزن . والله المرادي مش هسيبك يا ندي
ندي.  في ايه خضيتني
يزن . قولتي اي
ندي . قولت حبيبي عندك مانع
يزن . أحلي واحده تقولها
يزن . طب إيه
ندي . إيه
يزن . عاوزه تطلقي زي ما قولتي
ندي . لااااا
يزن . خضيتيني
ندي.  أعيش واخضك
يزن . طب عاوزه اي
ندي . عاوزه أحضنك وبس حضنك حلو أوي يا يزن عوضني عن ماما وبابا عوضني عن أي حد كنت عاوزه أبقي مطمنه معاه
يزن . تعالي معايا
ندي ....
يزن . ده كشكول من أول ما عرفتك فيه من أول ما شوفتك فيه كل حاجه فيه كل تفصيله بتحبيها وتكرهيها فكره إنك عاوزه تعيشي في بيت بسيط تحبيه يكون كله دفا
حلمك أنك تبقي مهندسه حققتيه
اكتر اكله بتحبيها اكتر نوع تمشيه بتحبيها وهو البحر
كل يوم من ساعة ما اتجوزنا كتبتلك كل حاجه فيها
يزن . انا هدخل أنام
ندي قرأت ده كله وقعدت تعيط إنو في ازاي حد ممكن يحب بالشكل ده
ضافت في اخر صفحه بخطها
الحب مش مجرد كلمه والسلام ده شخص ممكن يدي للتاني روحه علشان يعيش مجرد تسمع سيرته تبتسم تبقي عاوزه تعرف عنه كل حاجه وبالمره واحنا بنتفرج انا كنت بمثل إنو أنا نايمه علشان أقولك الجمله اللي انا عاوزاها بلمحلك بس بطريقه غير مباشره وسمعتك برده لما قولتلي for you and me

فمي يحب نطق إسمك وقلبي يهواك وأنا لا أدري أين أنا من كل هذا
الاتنين عدي عليهم سنين وسنين كان في خلاف بس مع كل خلاف كانوا هينين مع بعض حتي وهما زعلانين
كانوا بيطمنوا بعض بيحبوا بعض ميقدرش حد من التاني يستغني عن حضن التاني
عدت سنين عند القبر وقال
كم كنتي قمر في عيني وما ذلتي
ما زلتي معي  لا أعرف كيف أعيش من دونك تركتيني وحيدا في هذا العالم   تركتيني وقلبي يحترق لا بل احترق من غيرك
لم أعد أريد الحياه من دونك ولادنا كبروا بقي نسخه مننا علمتهم الحب علمتهم ازاي يكونوا سويين نفسيا ميأذوش حد يعرفوا يعني إيه حب بجد طمنتهم يا بسمة دربي بإنو في أي مشكله يحكوها

كان عندك 24 سنه لما تم زواجنا
رحلتي عني وانتي 34 سنه
عشر سنين فقط عيشتهم معك عشر سنين كأنهم نصف ليله لا يوم ولا ليله كامله
لا تزال إبنتك متعلقه بكي إبنتك لُجين
وإبنك قصي يسألني عنك
ليتني أستطيع الرد عليهم يا عزيزتي قلبي لم ينساكي يوم فقط أتمني أن أكون بجانب أولادنا كما تمنيتي أنتي يا عزيزتي
الان قد كبروا الان تم عقد إبنتك لجين قد أديت مهمتي الأولي يا عزيزتي
الان رزقت بمولوده أسميناها  خديجه
الان تم عقد زواج ابنك قصي
الأن ابنك انجب ولد أسماه علي اسمي
أصبح اسمه يزن قصي يزن
اليس جميلا يا عزيزتي
الان انا في فراش المستشفي أصبحت قريب منك

الان اصبحت بجانبك
مهما تفارقنا تلاقت أرواحنا