اسكريبتات الحور♥👑✨

متنساش النجمه يقمري ★♥

_إسكريبت ")♥️.

- يا بنتي حرام عليكِ تعبتيني اقعُدي معاه مش يمكن المرة دي ترتاحي وتريحيني انا وابوكي قبل ما نمُوت!
_يوه يا ماما قُولتلك كذا مرة متقُوليش كدا ربنا يطول في عمركُم .
- طيب علشان خاطري احنا كل مرة بنسمع كلامك ونسيبك على راحتك اسمعي مرة كلامنا احنا واقعدي معاه، اهو على الاقل لما ترفضيه يبقي ليكي حق .
_ حاضر يا ماما حاضر حاجة تاني!
- لأ يا حبيبتي يحضرلك كل خير يا رب أنا هطلع ابلغ ابُوكي يحدد معاه ميعاد .

زي أي بنت جالها واحد ومكانتش بتفكر في أنها ترتبط بحد حاليًا ولكن ارضاءًا لمُحايلات أهلها اضطرت ..

جه اليُوم المُحدد وقعدنا اتكلمنا كعيلتين في شتىٰ الأُمور وبعدين سابونا لوحدنا في البلكونة بتاعة الصالُون وأمهاتنا وأخواتنا يُعتبر لو همسنا جمبهُم هيسمعُوا كُل حاجة ورغم ذلك كانوا بيتكلمُوا وواخداهُم المواضيع تمامًا عننا فمكانوش مركزين معانا وماما على عكس طبيعتها كانت واحدة عليهم جدا! ..

كان فيه كُرسيين ومنضدة في بلكُونتنا بما انها واسعة، والقعدة فيها ترُد الروح، مكنتش اتمنى أن حد يدخل معايا ويُعد فيها غير الحد اللي قلبي يختاره ويرتاحله الاول وبعدين ندخُل فيها سوا، لكن ماما أصرت بجُملتها _ مفيش غير البلكُونة يا مي وابوكي وباباه هيقعدوا في الصالة وانا وأخواته ومامته جمبكُم في الصالون _  كُنت فاهمه ماما كويس وأنها قاصدة تدخله المكان اللي بحبه جدا عن باقي الاماكن في الشقة .

كُنت مكسوفة وملجومة بلساني مش عارفه أقوله اتفضل وواضح إنه كان مستني أقولها ولما مقُولتهاش اضطر هو يتكلم ويقتحم سكُوتي :
- مش هتقُوليلي اتفضل طيب؟ خلاص أقُولك انا! اتفضلي .

شدلي الكُرسي اللي جمبي علشان اقعُد، قال يعني بيعمل فيها چنتل مان ودي أساسًا مُجرد كراسي بلكُونة مش كُرسي عربية مثلًا ولا حاجة .

قعدت ولاقيته قعد قُصادي .
كُنت بحاول اتحاشىٰ النظر ليه، اول مرة اقعُد مع واحد في رُؤية شرعية دايمًا برفُض من برة برة ولذلك مش عارفة اتكلم ولا أنطق بحرف ولا عارفة ازاي بيتصرفُوا في المواقف دي!
دقيقة
اتنين
تلاتة!

- مي!

اضطربت من صُوته اللي سمعته فجأة!

- ماهُو مش هنعُد طُول الليل ساكتين ألاه! أنا مش بعُض يا ستي اتكلمي معايا، كلميني مثلًا عن مجال دراستك طمُوحك، أو اسأليني عن أي حاجة عايزة تعرفيها عني .

_ بُص! بصراحة بقى من الاخر كدا ومتزعلش مني انا مش عايزة اتجوزك .

- !!!

_ اه والله زي ما بقُولك، انا اسفة لقلة ذُوقي يعني، بس!  ..... بُص بصراحة اول مرة اعُد مع حد ومعرفش بيتصرفوا ازاي في المواقف دي فَ بقول انا اوفر عليا وعليك التوتر دا كله واقولهالك بصراحة أنا مش عايزة اتجوز .