اسكريبتات الحور♥👑✨

متنساش النجمة حجي قبل ما تقرأ يا قمري★♥

اسكريبتات الحور

" واقفة على الإستيدج وصوت التصفيق مالى القاعة، واقفة فخورة بنفسي وفخورة بـ اللِ وصلتله بعد مُعاناة ... رفعت إيدي عشان يوقفوا التصفيق،
- دلوقتِ أقدر أعرفكم بنفسي.
- واحد من اللِ قاعدين رد: إحنا عارفين حضرتك يادكتورة، حضرتك غنية عن التعريف.
- ابتسمت: معلش بردو الشُغل شُغل وأنا بحب أأدي شُغلى  على أكمل وجه وكمان فى ناس هنا جديدة ميعرفونيش.

انا " الدكتورة ملك محمد عبد الكريم " عميدة كلية أداب جامعة االقاهرة .. وبما أننا فـ  ندوة وكل واحد بيعرّف نفسه فـ أنا عايزة أحكيلكم حكاية بنوتة .. كانت عادية مش اللِ هى بيرفيكت ولا مُمتازة ولا أنها بتطلع من الأوائل من وقت م اتولدت ولا حاجة .. لكن حاليًا قِدرت توصل لـ حاجة محدش كان متصور إن واحدة زى دى تقدر تحقق كل دا.
- لقيت الكُل سكت وبيسمع بِإنتباه والهدوء بقى مالى القاعة،
أخدت نفس عميق وغمضت عنيا وابتديت أفتكر قصة البنت دى.
-----------
" كانت بنت قاعدة بتترجى والدتها:
- مايان: ياماما انا آسفة والله بس أنا مش عارفة هما ليه مش بيكملوا معايا؟
- عايزة تعرفِ ليه! عشان ببساطة أنتِ واحدة فاشلة.
- لا أنا مش فاشلة.
- لا فاشلة ومش فالحة فـ حاجة غير العياط جبتلك مُدرسين كتير ومفيش ولا واحد بيكمل معاكِ شهر واحد حتى! كله بيهرب مِنك كأنك واحدة منبوذة.
- مايان بعياط: لا لا أنا مش منبوذة أرجوكِ متقوليش عليا كده.
- مش عارفة انتِ طالعة لمين كدا دى أُختك فى كُلية طب وأخوكِ مُهندس والمدرسين كلهم كانوا بيحبوهم وبيشهدوا بيهم لكن أنتِ مفيش حد بيطيقيك لا وكمان معندكيش صُحاب مهو صحيح هيصاحبوا فيكِ إيه!! واحدة ف تالتة إعدادى ومش عارفة تِحفظ جدول الضرب!!

" خرجت وانا فضلت واقفة مكانى باصة للفراغ اللِ فى الأوضة ودموعى مغرقة وشي وجسمى بدأ يترعش وصدى صوتها عمّال يتردد فى ودنى " محدش بيطيقك، كله بيهرب مِنك كأنك واحدة منبوذة " ، " كله بيهرب منك كأنك واحدة منبوذة" حطيت إيدى على ودني عشان أمنع الصوت دا وانا عمّالة أصوت وأخبط على ودنى: لا أنا مش منبوذة مش منبوذة.
محستش بنفسي غير ودماغى خبطت فى الأرض وسمعت صوت ياسين أخويا وهو عمّال يقول اتصلوا بالدكتور بسرعة، وماما واقفة عمالة تعيط وتبوس إيدي: أنا آسفة يابنتي والله قومي وأنا هعملك كل اللِ أنتِ عايزاه بس قومى.

" واحدة واحدة الصورة بقت مشوشة قُدامى ومبقتش شايفة حاجة"
-----------
- ها يا دكتور حالتها عاملة إيه دلوقت؟
- هى كويسة حاليًا عدت مرحلة الخطر بس أنتوا إبعدوها عن أى ضغط لأن نفسيتها مش كويسة أبدًا.
- نقدر نشوفها دلوقت؟
- أيوا اتفضلوا.
-----------
- مايان إصحى، قوليلى إيه اللِ عمل فيكِ كدا؟
- يا.. س .. ياسين.
- ايه يا حبيبتي انا معاكِ أهو.
- وحشتني.
- وأنتِ كمان يروح قلبي.
- متسافرش تاني عشان خاطري.
- حاضر أنا هعمل أجازة وأقعد معاكِ .. ايه اللِ عمل فيكِ كده يامايان؟