اسكريبتات الحور♥👑✨

متنساش النجمه بتاعتي يسكر منك ليها ★♥

*وبينا معاد لو احنا بعاد اكيد راجع ولو بينى وبينه بلاد🎶♡ .........
كنت بسمع عمرو دياب لان هى بتحبه وبتحب أغانيه
من وقت ماسبنا بعض وانا معرفش عنها حاجه رجعت فترة من الزمن ورا وافتكرت اول يوم شوفتها فيه وهى راجعه من الكليه وبتغنى لعمرو دياب
Flashback.......
_ اللى عنده ضحكه زى ديا واللى لون عيونه مش عاديه يجى هنا جمبى يجى ليا احكيله اللى شوفته انا بعنيا اموووت اموووت
= فى الضحكه دى
_ انت مين يلا
= انا مازن
_ اعمل اى يعنى بتغنى اغنيتى لى
مازن بضحك : لى هو عمرو دياب عاملها ليكى وانا مش عارف ولا اى
_ اى الظرافه اللى انت فيها دى وبعدين انت مالك انا بغنى اى اللى خلاك تدخل فى اغنيتى
مازن : عايزة الصراحة
_ ي ريت
مازن بغمزة : اصل صوتك جامد وقلت مينفعش اسيب القمر يغنى لوحده
_ لا والله دا انت مجنون بقا انا ماشيه
مازن : طب استنى بس اسمك اى
_ ملكش دعوه
( فات على اللقاء دا اسبوع وبعدها شوفتها فى فرح واحدة صحبتها بس كانت واقفه برا تقر يبا مبتحبش الأغانى التانيه لانها كانت بتغنى لعمرو )
_ فى أماكن السهر انا قمرى طلع واشتهر
مازن بمقاطعه: والناس يقلقوا لو ظهر بيغطى على الحلوين
_ هو انت يبنى حل عنى بقا انت ورايا ورايا
مازن بضحك : وأنتى فاكرة نفسك كاترينا كيف ولا اى عشان افضل وراكى انا جاى العيد ميلاد معزوم بردوا زيي زيك الا لو انتى بقا جايا كدة من غير عزومه
_ ياالله عالرزاله لا يا بيه جايه معزومه زي حضرتك
مازن: الله يباركلك
= رهف يا رهف انتى يبنتى فينك
رهف : انا اهو يا رنا
مازن : اسمك رهف
رهف بزهق : انت مالك
رنا : اى دا مازن الدمنهورى ازيك عامل اى محدش شافك من ايام الجامعه
مازن : ازيك يا رنا عامله اى معلش بقا الشغل وكدة
رنا : اها ربنا يعينك بس اى الحلاوة دى يا عم مازن
مازن : اومال يبنتى
رهف بقرف : ربنا يشفيك انا ماشيه يا رنا هتيجى ولا أمشى لوحدى
رنا : لا استنى انا جايا معاكى اهو باى يا مازن اكيد هنبقى نتقابل
مازن : اكيد ان شاء الله
رهف ( مشيت انا ورنا ومن وقت مامشينا وهى ماسكالى سيرته مازن اى ومازن اى ومازن اى )
رهف بزعيق : خلاص يا رنا فى اى
رنا: فى اى يا رهف مالك
رهف : مفيش حاجه خلاص انا آسف انى عليت صوتى عليكى
رنا : لا عادى ولايهمك بس انتى كويسه
رهف : اها الحمد لله يلا انا هطلع بيتنا بقا عشان هموت وانام
رنا : ماشى تصبحي على خير
رهف : وانتى من اهله
طلعت بيتنا ونمت على طول مسيبتش لنفسى فرصه انى افكر فيه
مازن ( بعد مامشيت فضلت اتمشى فى الشوارع لحد ماتعبت وبعدين روحت انا مش عارف انا بلف وراها لى وبضايقها بس يمكن عشان هى مختلفه حستها مش شبه البنات فيها حاجات خاصه بيها هى وبصراحه انا بحب اضايقها وهى ترد عليا المهم روحت البيت دخلت لقيت ماما قاعدة وبابا بيقول لها متعمليش كدة )
مازن: السلام عليكم ورحمة الله وبركاته
ابو مازن : وعليكم السلام
مازن : مالك يا ماما فى اى
ام مازن: مازن انا قررت خلاص انت هتتجوز بنت طنط صافى
مازن: لا طبعا هو اى دا انا مش بحبها ومش عايز اتجوزها
ام مازن : أنت لو متجوزتهاش يا مازن لا انت ابنى ولا اعرفك ولا عاجبك اللف ورا البنات
مازن بصدمه : بلف ورا البنات انتى بتراقبينى
ام مازن : اومال عايزنى اسيبك للبنات الصايعه تلف عليك وتخليك تتجوزها
مازن : اى اللى انتى بتقوليه دا اى دا ماتتكلم يبابا
ابو مازن : والله يا مازن بقنعها من الصبح تغير قرارها بس هى رافضه
مازن بعصبيه : ماهو انا مش عيل صغير عشان تجبرونى على حاجة وكمان دا قرار مصيري لا طبعا انا مش موافق
ام مازن : خلاص يا مازن دا آخر قرار عندك انا ولا امك ولا اعرفك
مازن ( انا مش عارف اى اللى بيحصلى دا دى امى امى اللى المفروض عايزة سعادتى هى اللى عايزة تدمرنى دخلت اوضتي وانا دماغى مش بتبطل تفكير ازاى اتجوز شاهى دى ولا من النوع اللى بحبه ولا فيها اى حاجه مميزة تقريبا مشيت مع نص شباب مصر طب ورهف هسيبها لغيري ازاى هتحمل انها تكون مع غيرى يالله انا مبقتش عارف اعمل اى
عدى على الموقف دا اكتر من اسبوع ماما من وقتها مش بتكلمنى وبتتجاهل وجودك ولا اكنى موجود
اخر ماتعبت ومن كتر الضغط وافقت وافقت ان انا اخطب شاهى بقيت عامل زى اللى رايح لحبل المشنقه بنفسه وخطبت شاهى بس اللى مكنش فى الحسبان انها تكون فى الخطوبه تقريبا جت مع رنا انا شوفت فى عينيها نظرة مش قادر احدد هى عتاب ولا خذلان ولا حب ولا اى
رهف : مبروك
شاهى باستعلاء: الله يبارك فيكي يا حبيبتي عقبالك
رهف : ان شاءالله قريب
( خطبت شاهى وفضلت معاها اكتر من شهرين وبعدها سبتها مقدرتش افضل معاها وأكمل وانا قلبى مع غيرها وامى زعلت فى الأول وبعدين اتقبلت الواقع من آخر مرة شوفتها فيها وانا معرفش عنها حاجه هى سافرت عرفت من رنا انها سافرت أمريكا ومن وقتها مشوفتهاش
Back
مازن : عدى على اخر مرة شوفتها فيها 3 سنين
_ ولسه بتحبها يا مازن
مازن : بعشقها يا كريم وهفضل مستنيها لاخر يوم فى عمرى اكيد هترجع اكيد
كريم : ربنا يريح بالك يا صاحبى ويجمعك بيها على خير
مازن : ي رب
كريم : انا ماشى انا بقا
مازن : ماشى مع السلامة
كريم : سلام
مازن ..... وانتى معايا اعملى زى ماانتى عايزة ماانتى فى الحنيه لازم تاخدى جايزة 🎶💔