اسكريبتات الحور♥👑✨

متنساش النجمه بتاعتي يسكر منك ليها ★♥

-سليم مدمن
أوقات كتير بتصدمنا الحقيقة بنكون مش متخيلين ان احنا كنا مخدوعين كده أو ان الناس اللي كانو في نظرنا حاجة كبيرة جدا خيبو أملنا فيهم
=أنا مطلوب مني ايه دلوقتي ياعمي
-سليم هيرجع بكرة وانتي الوحيدة اللي هتقدري تساعديه
=ازاي هيرجع ده كان رافض ينزل مصر خالص
-كلمته وقلتله اني تعبان وعايز أشوفه أنا عارف ان اللي حصل
قاطعته=لأ ياعمي متكملش أنا هحاول أساعده ده مهما كان  ابن حضرتك
*وانتي هتعملي ايه دلوقتي يافطمة
=ولا حاجة يانورا هساعده انتي ناسية اني دكتور في مصحة لعلاج الإدمان
*انتي ناسية سليم عمل ايه
=لأ مش ناسية بس هو ابن عمي محمد اللي هو صاحب بابا وكمان عمي محمد انتي عارفة هو غالي عندي اد ايه
*طبعا طبعا
ضربتها بالمخدة اللي جمبي
=امشي يارخمة
وقفنا كلام بسبب دخول مرات بابا فجأة
-ايه وقفتو كلام ليه
=ولا حاجة ياطنط سماح
-طنطن ايه ده أنا أكبر منك بخمس سنين بس
بصتلها بسخرية فسكتت
قمنت الصبح بكمسل على صوت زعيق مرات بابا
=نعم عايزة ايه
-قوميس يختي أنا مش الخدامة اللي أبوكي جابها قومي جهزي نفسك ميدو جاي يتقدملك
بصتلها برخامة
=وأنا مش موافقة
-وانتي تطولي ده كل البنات تتمناه
سبتها ولبست ومشيت لبيت عمي محمد
=خير ياعمي
-سليم رجع
للحظة حسيت ان مفيش أكسجين في الجو في حرارة في وشي حسيت بيه ورايا فلفيت وشي ليه عيوته دبلانة وتحتها أسود كتير جسمه بقا ضعيف بس لسه عيونه حلوة رغم انها مطفية
+ازيك يافاطمة
=بخير ياسليم بخير
استأذنت ومشيت قبل مادموعي تنزل كنت ماشية على البحر ودموعي بتنزل على حاله والحال اللي وصلنا ليه دلوقتي كان متقدملي بناء على طلب والده وقتها كنت بلبس ضيق وحجابي مش كامل وقالي اني لو متغيرتش مش هيشرفه انه يتجوز واحدة زيه ووقتها رغم حبي ليه رفضت بكبرياء أنثى مجروحه
عيطت أكتر لما افتكرت قسوة كلامه يومها وبعدين سافر قبل ماعيوني تودعه
روحت البيت بس اتفاجئت ان المدعو ميدو قاعد في بيتنا كنت داخلة أوضتي لكن وقفتن على صوت بابا
-ايه يافاطمة مش تسلمي على خطيبك
=خطيبي مين
رفع ايده
-أنا
اتأملته كان شاب لابس سلسلة وبنطلون مقطوع من على الركبة ولابس انسيال في ايده
=أنا مش موافقة
اتكلم بابا وكأنه مسمعنيش
-يلا ياحبيبة بابا المأذون جاي في الطريق اجهزي
زعقت=أنا مش هتجوز الكائن ده
اتفاجئت بقلم  على وشي جريت على أوضتي ومرات أبويا ورايا كانت بتضربني وهو بيتفرج كنت بحاول أدافع عن نفسي بس مقدرتش على دراعي اللي كلن أزرق جامد وفجأة بقا وارم
خرجت وسابتني أخدت فوني وكلمت عمي محمد
=عمي بالله الحقني هيجوزوني دلوقتي بالله عليك
كنت قاعدة ورا الباب بعيط بوجع لحد ما اغمى عليا فقت على الماية اللي مبهدلة لبسي
قمت لأني مش متحملة ضرب تاني لكن لما خرجت كان قاعد برا مع بابا وعمي محمد
كان بيشدني من دراعي عشان أقعد فاتألمت بصوت عالي وقتها رفع عيته تجاهي وعرفت وقتها من تعبيرات وشه ان أثر أصابعهم لسه على وشي
قرب من بابا بهدوء وشال ايده من على دراعي
+فاطمة مش هتتجوز الواد ده
-بس هو دافع مهر كبير وكمان هي خلصت دراسه وبتشتغل شغل مش بيجيب فلوس وأنا بصراحة مش هصرف عليها أكتر من كده
+هدفعلك اللي انت عايزه وهتجوزها أنا
دموعي نزلت بقهر للدرجاي الكل بيبيع ويشتري فيا سبتهم وجريت على البلكونة وأنا بعيط
+أنا آسف
=على ايه ياسليم انت بس هتطلع جدع معايا
كان هيتكلم بس قطع كلامه صوت سماح
-أبوكي بيقولك تعالي هيكتبو الكتاب دلوقتي
كنت ببصلهم وكأني بحلم وهصحى هيكون كل حاجة كويسة
كتبو الكتاب وأنا بحاول أستوعب إني مش بحلم فوقت على صوت عمي محمد
-هوني على نفسك يابنتي اللي حصل حصل
كنت بعيط بصمت لحد مابابا اتكلم
-يلا هتمشي مع جوزك
كنت واقفة قدام باب بيتنا المقفول وأنا بعيط
كان بيحاوط دراعي فبعدته بألم
+مالك
=دراعي بيوجعني أوي
+تعالي هنروح المستشفى
مشيت معاه من غير ما أجادل لأني كنت موجوعه فعلا كشفنا والدكتور قال اني عندي تمزق في الأربطة
روحنا مع عمي محمد بيته
-خلاص ياحبيبتي متزعليش
حضنته=بابا باعني ياعمي كله بسبب مراته
-ادخلي انتي نامي دلوقتي وارتاحي
حاولت أناملكن معرفتش كنت واقفة في البلكونة وأنا بشرب نسكافيه
+دراعك عامل ايه دلوقتي لسه بيوجعك
=شوية
+أخدتي المسكن
=احم لأ
غاب شوية ورجع في ايده المسكن ومايه
=شكرا
سكتت شوية وبعدين اتكلمت
=تحت عينك أسود أوي إيه السبب
اتوتر+من السهر والشغل
سكت وهو كمان سكت بتوتر
+هنسافر بكره بليل
=هنسافر فين
+هرجع ايطاليا وانتي هتسافري معايا
وافقت لأني مكنتش حابة أقعد هنا وكمان عشان ابدأ معاه رحلة العلاج
فات أسبوع من وقت ماسافرنا كنت داخلة الأوضة عشان أقوله ان الأكل جاهز لكن اتفاجئت ودموعي نزلت لما لقيته ماسك كيس البودرة ومقرب من الترابيزة جامد
اتفاجأ لما شاف الماية نازلة على البودرة واتعصب
+ليه عملتي كده
=حرام عليك ياسليم ليه عملت كده
+ملكيش دعوة بيا
تاني يوم الصبح بعد مانز فتشت البيت كله وأخدت كل الأكياس اللي كان مخبيها
كان راجع البيت متعصب واتعصب أكتر لما ملاقاش الأكياس
+ليه أخدتيهم
=لازم تتعالج
+مش عايز أتعالج
=هتتعالج غصب عنك ياسليم
جسمه بدأ يتشنج وبيكسر في كل حاجة حواليه كان بيترجاني وهو بيعيط فحضنت وشه بايدي وأنا بحاول معيطش
=أرجوك ياسليم خليك قوي
أغمى عليه فجأة دخلت أوضته بصعوبة وفوقته بعد ماحطيت أكل ليه وشيلت أي حاجة ممكن يأذي بيها نفسه وقفلت عليه بالمفتاح
عدا شهر وهو في الأوضة بيصرخ وبيعيط كان دايما بيخبط على الباب وبيزعق هو ميعرفش اني ببقى قاعدة على الباب دايما
كنت داخلة أحط الأكل بس لقيته مغمى عليه ومش بيفوق
علقتله المحاليل وهو نايم كنت ببص لوشه اللي بقا ضعيف جدا واتنهدت التحاليل بيتقول انه شبه اتعافى
كان بيفوق فاتكلمت
=حمدلله عى سلامتك كده تخضني
+أنا آسف
=قوم بس يابطل وأنا مش زعلانة
كنت بأكله فمسك إيدي وحطها على شفايفه
+شكرا
اتكلمت بتوتر
=العفو يلا كمل أكل
كان قاعد جمبي واحنا بنتفرج على فيلم لكن الهوا اتسحب فجأة من حواليا لما حط راسه على رجلي
=سليم
+أرجوكي عايز أنام
صوته خلاني سكتت وحطيت ايدي في شعره وهو نايم أد ايه برئ ورموشه حلوة مش شبه الأطفال بس كان جميل
الأيام كانت بتعدي بسرعة وهو اتعافى ورجع لشغله
=سليم
+عيونه
كنت بحاول أضبط نفسي عشان أتكلم
=طلقني
كان بيبصلي بصدمة وغضب فاتكلمت
=انت دلوقتي بقيت كويس وأنا وفيت بوعدي لعمي
+هو بابا كان عارف
=اه وعشان كده قالك انه تعبان وانت رجعت
+بس هو مقالش كده
=أومال قال إيه
+قال إنك هتتجوزي عشان كده رجعت
تجاهلت كلامه
=طلقني
+لأ
=ليه مش أنا واحدة مش هيشرفك إنها تكون مراتك
نزل عيونه+أنا آسف
عيطت=عارف ياسليم انت لو كنت نصحتني كنت هسمع كلامكوكنت هقتنع والله أنا عمري ماحد قالي لبسك غلط ولا المفروض أكون عاملة ازاي
اتكلم وهو بيضمني
+أنا كنت غبي والله حقك عليا متزعليش طب اديني فرصة طيب يمكن تحبيني ده أنا أتحب والله
=معاك شهرين ياسليم ولو فشلت هتطلقني
سبته ومشيت بغيظ من نفسي للدرجة دي مش قادرة أبعد عنه
كنت بتفرج على التليفزيون وهو جاي تجاهي كنت بحسبه هيتكلم لكنه حط راسه على رجلي ونام
=سليم
+مش قادر والله أنا أدمن إني أنام كده
كان مغمض عيونه وهو بيحاول يكتم ابتسامته يشبه لأطفال المشاغبة
ملامحه ارتخت فعرفت وقتها إنه نام كنت بمشي إيدي في شعره وأنا بتكلم
=ليه عملت كده ياسليم أنا حبيتك بجد انت أذتني بكلامك وسفرك لكن لما رجعت وشوفتك بالحالة دي ده اللي سحب روحي مني
كنت واقفة في البلكونة بشوف المطر المدينة هنا باردة جدا والبشر فيها كأنهم آلات وكأنهم اتخلقو للعمل وبس
افتكرت أيام ماكنت في اسكندرية كل يوم الصبح صوت القرآن اللي شغال في المحلات والمواصلات أسلم على عمو الطيب صاحب محل الورد فيهديني وردة أقابل صحابي واشتغل وبعد يوم طويل بكون في طريقي راجعة البيت والشمس بتغيب وأمشي اللي ينور طريقي هو نور المحلات وصوت الست في كل مكان
""بعيد عنك حياتي عذاب
ما تبعدنيش بعيد عنك
ما ليش غير الدموع أحباب
معاها بعيش بعيد عنك
بعيد عنك حياتي عذاب" حتى المطر كان دافي
دموعي نزلت من إحساس البرودة اللي وصل لقلبي لكن لقيت منديل بيتمد تجاهي وبيمسحلي دموعي
+أميرتي زعلانة ليه
=سليم تعالى نرجع اسكندرية انت عندك شغلك هناك أنا حاسة هنا بالوحدة وكلهم وحشوني
+أنا كنت ناوي أعمل كده وبرتب أموري بس الموضوع هياخد وقت
=تمام
+جعان
=نعم
حط إيده في شعره+جعان
=تعالى هعملك بيتزا
+دلوقتي
=يلا ورايا
كان واقف جمبي وأنا بحطها في الفرن
+أخيرا خلصنا
=الحمد لله
+نفسي أفهم احنا قاعدين جمب الفرن ليه أنا اتشويت
ابتسمت=عشان نشوفها وهي بتستوي
+أنا خارج خليكي انتي
=ولد اقعد
+حاضر
=إيه رأيك
+جميلة جدا
=طبعا يابني عشان أنا اللي عملتها
+تبا للنرجسية
=طب عقابا ليك انت اللي هتعمل النسكافيه
كنا قاعدين في البلكونة بعد ماعمل النسكافيه
+هما السبب
=هما مين
+أول ماجيت هنا وسيبتك كنت مضايق من نفسي اني جرحتك كنت مضايق من اللي قولته كنت غبي وافتكرت اني كده بحبك وعايز مصلحتك وإنك كده هتبقي أحسن افتكرت إنك مش مهمة بالنسبالي لكن وقتها ان الدنيا بكل الوسع اللي فيها ضيقة على قلبي وانتي مش موجودة وقتها كنت مصدع وكنت سهران مع صحاب أخدت منهم برشامة صداع وطلعت مش للصداع ومن وقتها وأنا اتعودت عليها كنت بعاقب نفسي اني جرحتك
دموعي نزلت=انت كنت بتعاقبني أنا مش بتعاقب نفسك
ضمني
+أنا آسف اني جرحتك أرجوكي سامحيني
=كله هيعدي ياسليم
سابني ونزل وهو مضايق كنت واقفة في البلكونة وهو بيعدي الطريق وفجأة عدت عربية وخبطته
كنت بجري على السلم وأنا هقع اكتر من مرة حطيت راسه على رجلي كان بينزف من كل جسمه حط إيده على خدي
+أنا آسف سامحيني
=سليم اتنفس متخافش انت هتبقى كويس
عيونه دمعت
+والله بحبك
غمض عيونه وأنا بعيط طلبتله الاسعاف واتنقل المستشفى وفضل في العناية المركزة يومين لحد مافاق
كنت داخلة الأوضة وهو قاعد ورجله متجبسة ودراعه كمان
ضحك+كنت بتذليني بالبيتزا أديني كنت هموت يختي
ضربته على دراعه
=بعد الشر عنك
+دراعي متجبس حرام عليكي
دمعت=كنت هموت من خوفي أعمل فيك إيه
ابتسم وهو بيمسح دموعي
+حبيني
ضحكت=طب منا بحبك
"أسيرة في قلبك حتى أني أحببت الجرم الذي أوقعني داخل أسرك"

#حواديتي