اسكريبتات الحور♥👑✨

متنساش النجمه يقمري ★♥

- ابقي طمنيني عنك هاا، حمزة مش هيحلّك لأنك خرجتي من غير ما تعرفيه.
- لازم تفكريني يعني! يا ستي بحاول انسى وادخل اتصدم به في البيت.
'ضحكت عليا وهي ماشية'
- لكِ الله يا حلوة، يلا سلام.
- سلام يـختي، سلام!

'طلعت وانا بتسحب، فتحت الباب بـشويش، النور مطفي زي ما سبته لما كنت خارجة يبقى لسة مرجعش، قفلت الباب وفتحت النور وروحت ناحية الأوضة، ولقيته فيها!'

- نوّرتي.
'ابتسمت بـخوف'
- بنورك، أنت هنا من امتى؟
- من نص ساعة، 'فضل باصص لي شوية وانا واقفة عند الباب وخطواتي بترجع لـبرا' تعالي.
- هه؟ آجي؟
- ااه تعالي.
'ابتسمت بـقلق وانا خايفة اهز راسي بالنفي حتى، فاتكلم وهو بيقوم من على السرير'
- قرّبي.
- بلاش.
'لقيته راح قعد على الكنبة اللي قصاد السرير، فضل باصص لي شوية وبعدين اتكلم وهو مركز نظره عليا'
- طب خايفة ليه طالما مغلطتيش؟
'اتوترت واتكلمت وانا ببص في كل اتجاه الا عنده'
- بس..بس انا غلطت.
- لما عملتي ايه بقا؟
- لما خرجت من غير استئذان.
- طب ما انتي عارفة ان دا غلط اهو.
'حاولت أبرر موقفي واتكلمت بسرعة وصوت عالي نسبيا'
- بس انت عارف اني بخرج كل يوم في الوقت دا!
'بـرّق لي وفضل ساكت شوية، وبعدين اتكلم بعد ما عدل جلسته'
- بس كل يوم بتعرفيني انك خارجة، غير انك بتخرجي وقت ما نكون في العادي مش وقت ما احنا متخانقين واي حركة تنرفز الطرف التاني هتسبب خناقة جديدة يا مريم.
'مريم؟ ااه، شكله مش طايقني الوقتي..أختفي ازاي الوقتي يا ربي! انا عيلة صغيرة والله ومش قد البهدلة منه والله'

'بصيت له بـخوف واتكلمت بـخفوت وصوت يكاد يوصل له'
- طب آسفة.
'ضيّق لي عيونه وهز راسه بمعنى مسمعش'
- تاني كدا؟ مسمعتش!
- آسفة.
- مريم بتتأسف؟ لحظة يشهدها التاريخ بـصراحة.
- مسامحني؟
'بص لي شوية وبعدين قام من على الكنبة وجه وقف جمبي عند الباب'
- لا، لما تتعلمي الأول هسامح بجد.
- ايه!
- اللي سمعتيه، غيري هدومك يلا عشان نتعشّى.
'بصيت له قبل ما يخرج واتكلمت'
- وانت متعشيتش ليه لحد الوقتي؟
'بـعد عيونه عني واتكلم وهو ماشي في الممر بين الأوضة والصالة'
- معرفتش آكل من غيرك، وكنت قلقان عليكي فـمقدرتش اعمل حاجة غير اني استناكي.

'فضلت باصة له وهو رايح ناحية المطبخ، هو دخل المطبخ من هنا وانا دخلت الاوضة من هنا وغيرت هدومي، لما خرجت لقيته بيحط الاطباق في الصالة على الطاولة وكان لسة هينادي عليا بس لقاني في وشه'

- اقعدي يلا.

'قعدت جمبه زي كل مرة، وزي كل مرة قطّع لي الخبز عشان أبدأ أكل، فضلت باصة له شوية وهو بيقطع الخبز فـلاحظ كدا وبص لي'
- كُلي.
'حمحمت وبدأت أكل'
- شكرا.
'هز لي راسه وسكت، بعدها بثواني خدت بالي انه بيرفع راسه يبص لي وبعدين يبص في طبقه تاني لحد ما هو اتكلم'
- عملتي ايه برا؟
- اتمشيت من هنا لحد المسجد، وكنت مع ليل.
- كويس.
- قابلنا طفل صغير واحنا عند المسجد، كان بيعيط وبيتمنى انه يروح لربنا.
'سـاب الأكل وبص لي، كانت عيونه واسعة من الصدمة، فكملت وانا باكل'
- والدته بتعامله وحش واصحابه بيتنمروا عليه ومش متقبلينه، فـكان بيعيط.
- وعملتي ايه؟
- قعدت معاه شوية ومعانا ليل، كلمته شوية وخليته يضحك وبعدين اجى اخوه او والده تقريبا وأخدُه وروّحوا.
- وبعدين؟
- رجعت مع ليل، وصلتني وبعدين روّحت.
'رجع لـهدوؤه تاني وهو بياكُل'
- تمام.
- آسفة.
'بص لي بـطرف عينه'
- على ايه؟
- على كل حاجة حصلت مدايقاك مني الوقتي.
- ماشي.
- مسامح؟
'بص لي بعد ما صب لنا عصير'
- لا، 'مـد إيده بالعصير' اشربي عشان تروحي تغسلي اسنانك يلا.

'خدت منه العصير شربته وانا متابعاه بـعيني، كان بيبعد عيونه عني عشان ميبصش ليا، حطيت الكُبايـة على الطاولة وقومت اغسل اسناني'

'اتكلم وهو بيقوم'
- متنسيش علاجك.
- طيب.

'غسلت اسناني وروحت المطبخ اطلع العلاج من التلاجة، ثواني وكان واقف جمبي بيتابعني وانا باخد العلاج، بصيت له بـطرف عيني ونزلت كُبايـة الماية'

- خلصت، هتنام ولا كمان شوية؟
- كمان شوية.
- طيب.
'كنت هخرج من المطبخ بس رجعت له تاني ووقفت قدامه، كان بيلف بـعيونه في كل اتجاه الا انا'
- في حاجة ولا ايه؟
- انت مش بتبص لي ليه؟
- عادي يعني، في حاجة؟
- بُص لي وانا بتكلم.

'بص لي فـابتسم تلقائيا، حـاول يخبّي ابتسامته بس كل مدى تزيد وتظهر أكتر فـضحكت له، لقيته بـيغمض عيونه بـغُلب وهو بيسند على الـرُخامة'

- خير؟
'ابتسمت'
- كل خير ان شاء الله.
- يا نـعم؟
- حـمزااة!
- يا قلبُـه، خلاص بقا مسامحك.
'ضحكت بـصوت عالي'
- ايوة كداا.
'بـرّق لي'
- هاا؟ صوتك! على النهاردة مرّتـين لو تاخدي بالك!
'بصيت له بـكسوف وضحكت ضحكة صغيرة'
- إني آسف يا باشا والله.
'ضحك لي وهو بيمسك إيدي وبنخرج من المطبخ'
- يـلا عشان تنامي، بُـكرا لازم تصحي بدري عشان تروحي المستشفى، المرضى بيستنوكِ كل يوم.
'ضحكت'
- وانت مش بتستنّـاني زيّـهم؟
'غمّض عينُه وضحك'
- مريـاام.
'ضحكت وانا بدخل الاوضة وبقفل بابـها في وشه'
- خلاص خلاص، دا أنت قفّوش يـا جدع!

#ابْـنـةُ_نُـوح
#مـريـمـةة