Can I Call You Mine ? (Completed )

Part - 14

Huang Renjun's POV

​ရေလှိုင်းငယ်တို့ လိမ့်တက်​နေတဲ့ ကမ်းစပ်မှာ ရပ်​နေရ​သော်ငြား ထူးဆန်းစွာနဲ့ ​နွေး​ထွေး​မှုကိုသာ ခံစားနေရတယ်။

" Renjun "

ပခုံးသားဆီက အထိအ​တွေ့​ကြောင့် ကျွန်​တော် လှည့်ကြည့်လိုက်တယ်။

သူ .. လခြမ်းပုံစံ မျက်ဝန်း​​ကွေးတွေနဲ့ ပြုံးရယ်ပြ​နေတဲ့သူ။

" Jeno "

​​ပျော်ရွှင်စွာနဲ့ ​ပွေ့ဖက်လိုက်​တော့ သူ သ​ဘောတကျရယ်တယ်။

" လွမ်းလိုက်ရတာ .. ငါသိပ်လွမ်း​နေတာ သိရဲ့လား "

ကျွန်​တော် တိုးဝင်လိုက်တဲ့ ရင်ခွင်ကျယ်ဟာ ​လေပြင်းတစ်ချက်အ​ပွေ့မှာ ​ပျောက်ကွယ်သွားရတယ်။

" Jeno .. "

အထိတ်တလန့်နဲ့ နိုးထလာခဲ့​တော့ ဒါဟာ အိမ်မက်တစ်ခုဖြစ်​နေခဲ့တာပါပဲ။

စိုစွတ်​နေတဲ့ ကျွန်​တော့်ပါးပြင်ကို စမ်းကြည့်​တော့ မျက်ရည်ကြည်အချို့ ပါလာ​လေရဲ့။

ဘတ်(စ်)ကား​ပေါ်က တချို့​သောသူ​တွေရဲ့အကြည့်ကို လျစ်လျူရှုရင်း ​ကောင်းကင်ပြာဆီပဲ မျက်နှာမူထားလိုက်တယ်။

သည်အိမ်မက်ဟာ ​ကောင်းတဲ့လက္ခဏာလို့ပဲယူဆချင်တယ်။

၁နှစ် ...

Jeno အိပ်စက်အနားယူ​နေခဲ့တာ ၁နှစ်​တောင် ကြာမြင့်သွားခဲ့ပြီ။

သို့သော်ငြား ကျွန်​တော် စိတ်မ​လျှော့ခဲ့ဘူး။

သူ သတိရလာမှာပါ။

သည်စိတ်နဲ့ပဲ ကိုယ့်ကိုယ်ကိုယ်​ဖြေသိမ့်ရင်း ​နေ့ရက်​တွေကို Jeno မရှိဘဲ ဖြတ်​ကျော်ခဲ့ရတာ​ပေါ့။

ကျွန်​တော် အခုဆို အထက်တန်း​တောင် ပြီးပြီ။

Jeno ကျွန်​​တော့်ကို ​ဖြစ်​စေချင်သလို တက္ကသိုလ်​ကောင်းမှာ တက်ခွင့်ရ​အောင် ကြိုးစားဖြစ်ခဲ့တယ်။

Jenoကို အခုထိ သတိ​မေ့​မြော​စေခဲ့တဲ့ တရားခံလည်း ​ထောင်ဒဏ် အပြစ်ကျသွားပြီ။

ရာထူးကြီးတစ်​ယောက်ရဲ့ သား​ပေမယ့် သူကိုယ်တိုင် တရားရုံးမှာ ဝန်ခံလိုက်​​တော့ ပိုလွယ်ကူသွားခဲ့တယ်။