Hi ✨
كأن الورد قبل لقاكِ غصنٌ ، فيزهرُ حين تلمسه يديكِ.
_______________________
تلمست الگلادة الي زينت عُنقي ،
ابتسمت متنهدة ب راحة ،
رفعت راسي من انفتحت باب غرفتي ،
دخلت امي للغرفه كعدت يمي ،
كالت ب هدوء :- ماما اريد احجي وياج ب شي ..استغربت هدوئهة و اسلوبهة ،
اخر مره حجت وياي هيج من خطبوني لـعلي!
شنو انخطبت مره ثانيه لو شنوو؟!ام زُمرد :- ماما علي شلونه وياج ،
يعني شلون يتصرف وياج ، شلون يحجي وياج؟!زُمرد ب استغراب :- زين ماما ،
عادي يحجي طبيعي ، ليش؟!ام زُمرد :- انتِ شفتي ابوج ضايج؟!
زُمرد :- اي شبي؟!
ام زُمرد :- ماما ابوج خايف عليج من علي!
زُمرد ب تفاجئ :- خايف عليه من علييي!
مو جان فرحان من اجه خطبني ،
و كال علي خوش رجال و راح يدير باله عليج ،
شتغير هسه؟!ام زُمرد :- اي ،
بس اليوم من علي حجه ويه عمتج هيج ،
و قبل شكم يوم تعارك ويه ولد عمج ،
ابوج خاف عليج!كال هاي شلون راح تعيش ويا ،
اذا هو على كل شي يعيط و دائما معصب ،
زُمرد متتحمل هيج!
و صارلهم شهرين! مخطوبين ،
لا يطلعون سوة ، لا يكعدون سوة ،
حتى هو ميجي لهنا ، يعني ولا عبالك مخطوبين!زُمرد :- انتِ كلتيهة صارلنه شهرين مخطوبين ،
بس شهرين ، يعني مو هواي ،
بعدين هو عنده شغل و اني عندي دراسه ..ام زُمرد :- اي ، بس هو حتى هنا ميجي ،
اجه مره وحده ، بس انتِ ترحين يمهم ،
هم ميصير هيج ، و كل منشوفه معصب و متنرفز ، عبالك ميريدج و مجبور عليج!رمشت استوعب الي دتحجي ،
هذوله من كل عقلهم ،
حجيت ب هدوء :- ماما و الله علي حباب و يحبني! ، بس ميعرف يعبر ، صح بسرعه يعصب ،
بس والله ولا مره عصب عليه ،
و ولا مره عيط عليه لو أذاني ..هو هيج من البدايه هادئ و ميحجي هواي ،
و هسه يستحي يبين حبه لو يحجي ،
و هو هواي يحب بابا و يحترمه ،
دائما من يخابر يكول يله كافي ،
عيب من عمي عود بعدين نحجي ..و اذا على الطلعات ،
ف هو دائما يكول ،
مااريد ألهيج و أأخرج عن دراستج ،
زين لنفرض لو يوميه جاي يمنه ،
و يوميه طالعين ما جان حيضوج و يحجي عليه؟!سِكتت من شافت كلامي صح ،
كملت ب هدوء :- انتو اكثر الناس تعرفون علي ،
هذا طبعه و هذا هدوئه يعني مو شي جديد ،
بعدين ترا ما صارلنه هواي هنَّ شهرين ترا ،
حتى ما لحكنه نتعود على وضع المخطوبين!المهم هو يحبني و اني مرتاحه ويا ..
حتى باعي شنو جابلي اليوم ..
طلعتلهة الگلادة ، باوعتلهة و ابتسمت ..
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .