Hi ✨
"يشاهِدُها بطريقة مُميّزة ،
كأنه يستريحُ بالنّظر إليْها مِن تَعَب ما."___________________
مرت فتره طويله و هادئه ،
قطع الهدوء صوت بچي عالي!
صوت بچي طفلة!
اي اي ، هذا صوت طفلة!كمت مفزوعه لباب المطبخ ،
ام ماجد اجت بسرعه لزمتني ،
قُصي منبهة إني مااطلع!بس مكدرت اسيطر على نفسي ..
و اني اسمعهة تبجي ب صوت عالي ،
الواضح عليهة خايفه!بعدت ام ماجد و طلعت بسرعه ،
تتبعت الصوت ..
شفت واحد شايل طفله تبجي ،
ديحاول يسكتهة بس هي مستمره بالبجي!محمد واكف بصفهم ،
فتح عيونه من لمحني ،
اجه عليه بسرعة و كال :- وين طالعه رجعيي للبيت!ديم :- منو هاي ، ليش دتبجي ، خطفتوهة؟!!!
انصدم من كلمتي ،
و بسرعه كال :- لاا ، هاي بنته ،
امشي رجعي للبيت ليجي قُصي يكلب الدنيا علينة!مهتميت لكلامه ،
اجيت داعبره و اروح للطفله ،
خله ايده كدامي بُعد مسافه ..
و همس ب عصبيه :- ديم رجعي لتخبلينه ،
وين رايحه!!ديم ب عصبيه :- وخرر ايدك ،
شوفهة شلون دتبجييي!تنقلت نظراته لمحيطنه ،
التفت على الرجال و كال :- جيبهة خليهة يمه ..- و استاذ قُصي؟!!
محمد :- استاذ قُصي راح يسحلنه بالحالتين! ، جيبهة ..
اخذ الطفله منه و هي مستمره بالبجي ،
اخذتهة منه و حضنتهة ب قوه!
مشيت للبيت و محمد يمشي وراي ،
لحدما دخلت للمطبخ ..غسلتلهة و هي تشهگ ،
كعدتهة ب الصاله ،
حجيت وياهة احاول اسكتهة ،
و ام ماجد جابتلهة مي ،
بعد مُده هدئت ..
سالتهة ب ابتسامه :- شنو اسمج ..مسحت عيونهة و كالت ب طفوليه :- ميمي!
ديم :- يعني مريم؟!
- لا ميار!
ابتسمت و لزمت ايدهة ب هدوء ..
باوعتلي و كالت :- انتِ شنو اسمج؟!ديم ب ابتسامه :- ديم ..
صفنت تحاول تستوعب الاسم!
بعدين ابتسمت و كالت :- وااااو اسمج حلو ..و لأول مره بعد مده طويله ،
حسيت ب احساس لطيف ..
ضحكت ب خفه و كلت :- و انتِ اسمج يجنن ..ديم ب هدوء :- الي جان شايلج بره ،
هذا منو؟! ، ابوج؟!ميار :- اي ، بابا القديم!
استغربت جملتهة ،
سألت ب استغراب :- بابا القديم؟!ميار :- اي!
ديم :- شلون يعني؟!
ميار :- مو هو و ماما حيجيبون نونو! جديد ،
اني هم حجيب بابا جديد!
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .