Hi ✨
وقد تشعر بأن الموقف باقٍ فيك ، رغم أنه عبر ..
______________________________
دخلت للبيت اضحك بسبب نكات أزل السخيفه ،
اختفت ابتسامتي و بهتت ملامحي اول ما شفتهة ..مستحيل!
هي هاي نفسهة لو غيرهة؟!
نفس الملامح ، نفس العيون ، نفس الابتسامه!
معقوله!
زين شدسوي هناا!بلعت ريگي ب توتر و همست :- ذهب!
أزل ب استغراب :- منو؟!!
اجتني نور و هي تقدمت عليه ،
حجت نور و هي تعرفني عليهة :- المحاميه رند!تنقلت نظراتي المستغربه من نور إلهة ،
رجعت باوعت لـنور من كالت :- حضرتهة ،
جانت نقيب سابقا!ابتسمت و كالت :- عادي نكعد نحجي وحدنه؟!
باوعت لأبوي اومئلي ب هدوء ،
بلعت ريگي و اشرتلهة على الاستقبال ..
مشت كدامي و اني بعدني ممستوعبه شديصير ،
اشرتلهة تدخل و اني بقيت ب الباب ،
بعدني تحت تأثير الصدمه ..تنقلت نظراتي المستغربه بين بابا و الشباب ،
المُقدم واكف مقابيل الباب و حُـر يمه ..
دخلت للاستقبال ،اخذت نفس و كعدت مقابيلهة ..
بقينه ساكتين ، و اني گصيتهة گص ب نظراتي!مُحجبه!
ملابسهة طويله و مرتبه ،
ملامحهة هادئه بس متوتره ب نفس الوقت ،
مبتسمه ب خفه و عيونهة تتنقل بيني و بين الكاع ،
تفرك ب ايديهة ب خفه و تبلع ريگهة كل شويه ..تلقائياً اجه ببالي منظرهة ،
من شفتهة اول مره بهذاك المكان!
لبسهة ، كلامهة ، اسلوبهة و ملامحهة ،
كلشي بيهة متغير ما عدى جمالهة!
بعدهة بنفس الملامح الجميله ،
و نفس الطول و الرشاقه ،
و الحجاب و الحشمه زايدتهة جمال!باوعتلهة ب هدوء منتظرتهة تحجي ..
ضحكت ب خفه و كالت :- مادري منين ابدي!
اخذت نفس و كلت :- منو انتِ؟!
و ليش جنتي هناك و بهيج صوره و مظهر!
ابدي منا ..عضت شفتهة ب خفه ،
تنهدت و كالت :- لان هذا المفروض يصير!مسحت وجهي ب تعب ،
باوعت للباب شفت حُـر و المقدم ،
بعدهم واكفين كدامنه و ديكدرون يشوفونه ثنينه!
رجعت باوعتلهة ، متوتره و متدري شلون تحجي!رند :- مادري ، سألي و اني اجاوبج ..
ديم :- بنت ضابط ، انخطفت ..
ودوهة لهذاك المكان ، شكم يوم و لكوهة ..
وره شهر ابوهة بنفسه رجعهة لنفس المكان!
اصدقائه يطلبوهة حتى يذلو ، بس هو مااهتم..
و الي جان يمهة قبل م تجيني صديق ابوهة!
و الي جانت تصيحله عمو!عيونهة احمرت و انملت دموع ،
همست :- مانسيتي!ديم :- لا ولا اتوقع اكدر انسه!
شنو الي جبرج تحجين هيج حجي ،
و تكونين ب هيج مكان!
شنو الي خلاج تكونين ب هيج هيئه و مظهر ،
و تحجين ب اسلوب و الفاظ مقرفه!
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .