Hi ✨
"ما زلنا ، تائهان!
لم يعثر علينا طريق"_________________________________
كال ب نبرة ثابته :- الرائد الحُـر عبدالله سيدي!
خالد :- جنت مُلازم ركن!
شوكت صرت رائد؟!حُـر :- قبل شهر ترقيت سيدي!
خالد :- ليش شعرك طويل؟!
و ليش ما مزين لحيتك؟!حُـر :- آخر قضيه استوجبت مني اكون ب هذا الشكل!
خالد :- شنو اخر قضيه استلمتهة؟!
حُـر :- قضيه سريه مااكدر احجي تفاصيلهة!
خالد :- شكم سنه طولت بيهة؟!
حُـر :- 12 سنه سيدي!
ملامحه جديه و هادئة ،
يحجي ب رسميه و احترام ،
مركز بس على عمو الي ديحجي ويا ب رسميه!خالد :- تعال وراي!
راح للاستقبال و هو التفت عليهم ،
ضحك ب خفه و عيونه تتنقل عليهم ،
عيونه تلمع ب فرح و الراحه واضحه على ملامحه ،
مشة بسرعه من صاح عمو :- وينكك؟!!دخل للاستقبال و الشباب بعدهم صافنين ،
محد مستوعب الي ديصير ،
قبل ساعه جان شخص ميت ،
هسه هو يمهم و كدامهم ،
هدد و تعارك و رزل ، و ديترزل حاليا!دخلت للبيت و شفت خاله و زُمرد ،
الي صدمتهم متقل عن صدمتنه ،
خاله دموعهة تنزل ب هدوء و بعدهة مصدومه ،
عبرتهم و رحت لباب الاستقبال الداخلي ،
وكفت داشوفهم ، كاعدين واحد مقابيل الثاني ..عمو يحجي ب هدوء ،
و هو يرد ب هدوء اكثر ،
ابتسامته ما غابت عن وجهة ،
سأله عمو :- شنو صار ب هاي السنين ،
شلون وصلتلك هاي القضيه ،
و ليش ما حجيت شنو هي من البدايه؟!حُـر :- لواء ، هيج تفاصيل تدري مااكدر احجيهة ،
و خصوصا هسه ، اني بعدني تحت المراقبه!
هاي الاشهر هي تحدد أستمر ب العسكريه ،
او تنسحب مني رتبتي و اخسر كلشي!خالد :- شلون ترقيت؟!
حُـر :- ترقيتي هم احجيهة بعدين ،
هسه مااكدر الولد برة بس يرحون احجيلك كلشي!عمو هز راسه ب هدوء ،
حُـر تنهد ب هدوء و كال :- بعدك ضايج مني؟!خالد :- ضايج من نفسي ..
حُـر :- ليش؟!
انتَ معليك اني السبب ،
سويت كلشي بدون مااوضح ،
بس انتَ تدري سويت هيج حتى متتأذون ..و انتَ حقك تعصب مني و تسوي الي سويته ،
يعني فجأة عرفت بيه متعاقد ويه تجار مُخدرات!
لو اني ب مكانك جان ذبحتني (:عمو تنهد ب تعب و باوعله ب هدوء ،
و هو مبتسم ب هدوء و راحة ،
ثواني و سمعنه عيطه ب صوت مبحوح :- وينةةة!
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .