Hi ✨
أحقًا تُسَمي ذلك وداعًا !
كان عَزاء ..
بَل كان ' إبادة لجَميع سكان قَلبي '________________________________
شايفين من تتعودون على شخص ،
من تدرون بي موجود بكل وقت ،
رغم كل ظروفه و كل شي يصير ويا ،
تلگو يمكم و بـظهركم ،
يسندكم و يسوي كلشي لـخاطركم ..زين تخيلو هذا الشخص ،
يختفي من حياتكم فجأه ،
بطريقه مؤلمه و مؤذيه ،
يخلف وراهة فرااغ ،
أحزان و آلام كبيرة ،
و يخلف تأنيب ضمير!غيابهة عنّه أثر علينه هوااي ، كلش هوااي ..
و من كل النواحي ، صح انجبرنه نكمل حياتنه ،
بس محد كدر يرجع طبيعي من بعد غيابهة ،
غيابهة خلانه نعرف ان هي شي كلش مهم بحياتنه ..من اول يوم راحت بي ،
و احساس النُقصان ملازمنه ،
بكل لمه ، بكل مناقشه ، بكل مشكله ،
و بكل ضحكه مُتعبه نضحكهة ،
نحس ب نقص ..و اللي يأذي اكثر من احساس النقص ،
تأنيب الضمير!
احساس إني اني السبب ،
ب الي صار وياهة ، ملازمني ،
بسببي عرفوهة!
اني الي صحت ب اسمهة و خليتهم يعرفوهة ..لوما ساحبتني منهم ،
لوما ضحت بنفسهة حتى تنقذني ،
لو ماخذيني اني ببدالهة ، مجان صار بيهة اي شي!حمّلت نفسي مسؤوليه الي صار وياهة ،
رغم عمو و خاله هواي حجو وياي ،
بس ترسخت هل فكره ببالي ،
و تأنيب الضمير ديخيليني اتآكل من الداخل ..عمو و خاله الي انقلبت حياتهم رأساً على عَقِب ،
كلشي تغير بحياتهم ب غيابهة ،
بُعدهة أذاهم ، تعبهم ، كسرهم ، و كبرهم سنين!مااتوقع احد يكدر ينسى تأمين خاله لـديم ،
عند الأئمه!
ولا ينسى دعواتهة و دموعهة عليهة ..
دموعهة الي تنزل بكل مره ينذكر اسمهة ،
و بكل مره يجيبون سيرتهة ..
و رغم الكل عرف بيهة مسافره ،
بس خاله مجانت مقتنعه بهذا الشي ..تجيهة ايام تفقد السيطره على نفسهة ،
تگضيهة تبجي و تنعزل عن الكل ،
و تردد ب خوف و قهر :- بنتي بيهة شي!
اني احس بيهة بنتي متأذيه هسه!
اني اعرفهة ، بنتي صاير وياهة شي ..تتعارك ويه علي و رائد ،
لان مديقبلون يكلولهة هي وين ،
ولا يخلوهة تتواصل وياهة ،
و هي ترزلهم و تكللهم :- ليش متكلولي وينهة ،
ليش متخلوني احجي وياهة ..و هُمَ يبقون محتارين ميدرون شلون يقنعونة ،
و شلون يهدئوهة ..و ايام تكون هادئه و تدعي ترجعلهة بتهة سالمه ،
و مرات تكعد متفائله ، تكول بنتي بخير مابيهة شي!تخلي علي يصفن و يحتار شيحجي ،
و من خوفه عليهة راد يوديهة دكتور ،
بس طبعا هي اعترضت و رزلته و زعلت منه!علي الي الكسره واضحه عليه ،
و تنشاف من بعيييد!
مره سمعته يحجي ويه رائد ،
كال :- غياب ليث ما أذاني بكد غياب ديم ،
ديم كسرت ظهري!
من راحت حسيت روحي وحيد و عاجز ،
حسيت روحي ماعندي سند!
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .