Hi ✨
فَـهل تُـداوينَ قلبـي بـاللـقـاءِ كَرمـاً؟
فـمْا لِـقلبـي دواءٌ غَيـر لُـقياكِ!
_________________________
رفعت راسي داباوع على الشبابيك ،
ثواني و جمدت ب مكاني ،
فتحت عيوني ب صدمه من الي داشوفه ،
هاي صدك لو اني داتخيل!!!
مسحت وجهي و عيوني ،
داتأكد ان مداتخيل و هي فعلا موجودة!
رجعت اباوع على شباك المكتبه ،
شفتهة موجودة!
كاعدة على الحافه يم الشباك المفتوح ،
حاضنه نفسهة و منزله راسهة ،
دقايق و رفعت راسهة و وجهة كله دموع ،
اخذت نفس عميق و شهگت ب قهر!
بعد فترة من التأمل قررت اروح يمهة ،
وصلت للباب و شفت سيارتهة واكفه ب الگراج ،
اني سيارتي خليتهة ب نهايه الشارع مدري ليش!
دادخل للبيت و صفنت ،
اني راح ابقه هنا ، زين و هيَ؟!
و الـلواء يدري بيهة هنا لو لا؟!
قاطع تفكري اتصاله!
يا ستار ادري تقرا افكاري لو شنو ..
رديت ب هدوء ،
خالد ب هدوء :- وينك؟!
حُـر :- احم ، لحظه اريد اكول شي ..
خالد :- شكو شبيك؟!
حُـر :- شوف هو مادري شلون ،
بس اني هسه ب المزرعه وو ..
خالد :- ب المزرعه؟!
ديم كالت راح اروح هناك!
حُـر :- احم ، اي اجت!
خالد :- اجت؟!
حُـر :- مادري لـواء ،
اني جنت كاعد ورة البيت ،
و فجأة لكيت سيارتهة ب الگراج!
خالد :- اي؟!
حُـر ب حرج :- اي .. احم شسوي؟!
خالد :- شتسوي؟!
حُـر :- اطلع من المزرعه و اخليهة وحدهة ،
لو خاف خطر عليهة يعني ..
من التوتر و الاحراج احس غرگت ب العرگ!
كمت امتمت و مادري شنو احجي ،
انوب احس الـلواء حس عليه ..
خالد :- مادري ..
حُـر :- احم هسه اني شسوي؟!
خالد :- دير بالك عليهة!
عضيت شفتي ب احراج ،
تحمحمت و كلت :- ب أمانتي!
خالد ب مكر :- عود رجعهة انتَ!
مو تخليهة ترجع وحدهة ، لو رائد يجيبهة!
حكيت طرف حاجبي ب احراج ،
همست :- تمام لـواء اني ارجعهة!
نهى الاتصال و اني زفرت ب توتر ،
شهل فشله هاي!
هاي لو اكرم يدري جان شهرنه شهيرة!
اخذت نفس اهدئ نفسي ،
واكف كدام باب المكتبه المفتوح شويه ،
مديت راسي شفتهة كاعدة و تباوع للسماء ،
اجه ببالي منظرهة من اول مره كعدت هنا ،
نفس هاي الكعدة و اني واكف نفس الوكفه ،
اخذت نفس لآخر مرة ،
دكيت الباب و هي شهگت ب خوف!
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .
