Hi ✨
ليست كل العواصف تأتي لعرقلة الحياة ،
بعضها يأتي لتنظيف الطريق ._______________________
رفعت راسي من انفتح الباب بقوه!
الكل التفت على الباب ،
دخل شاب و حجه بسرعه :- حضره القاضي ،
الملفات و الاوراق و المقطع الي يمك كلهن مُزورات!دخل للقاعه و وكف يم مصطفى ،
بدة يحجي و يوضح ،
ب ايده ملفات و اوراق انطاهة للقاضي ،
و طبعا المحامي الثاني اعترض ،
و سأل منين جبتهم؟!كال ب حده :- اكو شكم ضابط ،
متفقين و ماخذيهن خافيهن ،
و مزورين باقي الملفات!طبعا هو ذكر اسماء الضباط ورتبهم ،
و طلب من القاضي يصدر امر تحقيق ،
و يتحاسبون ب تهمه التزوير و اخفاء الحقائق!المحامي صار وجهة اصفر ،
و بعد ميعرف شلون يجاوب ،
القاضي قرا الملفات الجديده ،
و رجعو يتناقشون و يحجون ..وصل للقرار ، رجعنه و كفنه ،
و اني رجعت اردد دخيلك ياخو زينب ..القاضي يحجي و اني واكفه على اعصابي ،
ايدي ترجف و لازمه ايد رائد بقوه ،
طلعت روحي يله نطق القاضي :- براءة!!شهگت ب خفه و عيوني دمعت ،
باوعت لـعلي الي رأسا باوعلي و ابتسم ،
كلهة ثواني و رائد سحبني و طلعني من القاعه ،
و اني اسمع ضحك الولد و فرحتهم ب برائه علي!رائد يمشي بسرعه و اني امشي وراه ،
وهو يكلي :- سكتي سكتي مو هسه سكتي!صعدنه ب السياره ،
و بعده ديكول سكتيي مو هسه ،
مادري وين ديوديني ،
بس طول الطريق ،
احس نفسي طايره من الفرح!
ارجف و اضحك و عيوني مدمعه!وصلنه للحديقه ،
نزلت بسرعه و رائد وراي ،
وكفت يم المي اخذت نفس عميييق ،
التفتت على رائد ،
عطت ب فرح و حضنته ،
هو شالني فرني و يعيط و يضحك بصوت عالي ..نزلني و اني حضنته و بجيت ،
هو يمسح على راسي ،
فتره و بعدني عنه ،
و كال ب ضحك :- دكاااافيييي لعبتي نفسي ،
دموعج و مخاطج على قميصييي ، كااافييييي ..ضحكت و مسحت دموعي ،
التفتنه من سمعنه صوت سياره ،
جان مصطفى و جايب علي ويا!مشه علي ب اتجاهنه ب هدوء و هو مبتسم ،
راحله رائد حضنه و مادري شلون شاله و فره!
و علي يضحك ، نزله و اجه علي عليه ..باوعتله و عيوني مدمعه ،
و كف كدامي و هو مبتسم ب خفه ..علي ب هدوء :- مشكوره على كل تعبج ،
و كل شي سويتي الي ، يا رفعه راسي!كلامه اثر بيه و خلاني ابجي ،
ضحك و حضني و اني ماصدكت ،
حضنته ب قوه و بجيت ،
و هو يطبطب على ظهري ب حنيه ..
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .