Hi ✨
القوة ليست في النسيان القوة أن تتذكر ولا تتأثر ..
________________________
كاعدين ب السياره ، دنرجع للمزرعه ..
باوعت لـقُصي الي مرجع راسه على الكُشن ،
ملامحه مشدودة و مغمض عيونه ،
فكه يتحرك ديگزگز و يضغط على اسنانه ،
عصب هواي ، فشر و عيط ، كسر و ضرب!صارت مشكله جديده ب اخر صفقه ،
اشترة سلاح و باعه لتاجر ثاني ،
بس ماجان يدري ان هذا التاجر ..
حيستخدم هاي الاسلحه ضد الجيش العراقي!باله كلش مشوش ب اخر فتره ،
من يوم الي علگ حميد ب باب مزرعته ،
لليوم هواي تخربط شغله و تفكيرة ،
هواي اغلاط صارت عنده ب اغلب الصفقات ،
و نتائج هل اغلاط سلبيه عليه!وصلنه للمزرعه ،
نزلنه و هو دخل للبيت ..أكرم :- شنسوي هسه ، لازم نحجي ويا!
محمد :- شنحجي؟!
أكرم :- مادري بس ع الاقل نخفف عنه ،
شوفه شكد متأذي ..دخلنه ورا جان مخلي ايده على جبينه ،
نزلهة و ضغط على عيونه ،
نزلهة ضغط على فكه ..
فتح دگم قميصه و كام يمسح ب رگبته ..قُصي ب تأنيب :- اني شلون اغلط هيج غلط!!
شلون ما انتبهت ، لك بكل مره ادقق لدرجه ،
حتى الناس الي تشتري السلاح بعدين ..
اجيب ملفاتهم و اعرفهم منو ،
و ليش يردون السلاح ،
شلون هسه بعت بدون ماادقق!محمد :- هاي هي الشغله صارت و انتهت ،
لتأذي نفسك اكثر .. خلي نتعلم درس منهة ،
و ننتبه للمرات الجايه ..قُصي ب عصبيه :- يادرسس ،
لك الشباب ماتت من ورااييي ،
شباب ب عمر الورد!
دتدافع عن بلدهة ب روحهة و عمرهة و حياتهة ..
اجيت اني انطيتهم سلاح حتى يموتوهمم!كلشي ديسوون ،
حتى يخلصون بلدهم و ناسهم ،
من ال*** امثالنه ،
و باع اني شداسوي!
باع همَ وين و انيي وين!يحجي ب حرگه و قهر ..
يمسح على رگبته و صدره ،
ياخذ النفس ب الگوه ،
و ايده دترجف من العصبيه و القهر ..أكرم :- قُصي هذا شغلنه شنسوي يعني؟!
و مجبورين نكمل بي حتى نوصل للي نريده!عافنه و طلع للحديقه ..
محمد :- مدافهم ليش لهل درجه عصب ،
مو اول مره يبيع سلاح ، ولا اول مره يغلط!أكرم :- معصب من القهر و تأنيب الضمير!
يشوف نفسه بنص الاعمال الخارجه عن القانون ،
بينما هو جان يكدر يكون ويه الشباب ،
الي دتدافع عن بلدهة! ، بدل م يكون ضدهم!محمد تنهد و مسح وجهة ب تعب ،
كال ب تعب :- هسه شنسوي؟!أكرم :- منسوي شي ،
نعوفه يهدئ و يرتب افكاره وحده ،
بعدين نرجع نشتغل ويا منين ما وكفنه ..
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .