ديم الحُـر

8

Hi ✨

هم لا يعرفون ما معنى أن تكون شخصاً
يتجاوز كل شيء وهو صامت ،
يتجاوز ويتجاوز بكل هدوء
حتى يعتقد من يراك أنك لم تتعثر يوماً.

           ________________________

حاضنه نفسي و بعدني على نفس الگعده!
اني وين يربي ، شجابني هنا ،
مادري شسوي ،
حتى اخاف اتحرك من مكاني ،
طلعو البنات و بقيت وحدي ..

بعد مُده طويله ،
اجتني الي اسمهة ذهب ،
لابسه بجامه ستن ب اللون السمائي الفاتح!
جابتلي ملابس و شامبو و عطور و أشياء ..
انوب كعدت تشرحلي و تعلمنيي!!
ب كل هدوء و لطافه ..

و اني مكدرت افتح حلگي ب ولا حرف ،
الخوف سيطر عليه ب صوره كامله ..

وراهة اجت لميعه وياهة صينيه بيهة اكل ،
و هم حجت وياي بس ب اسلوبهة المقرف!
عافوني و طلعو و بقيت وحدي ..

فزيت من انفتحت الباب
رفعت راسي لميعه و وياهة بنيه!
لميعه :- كومي عيني ،
يله سبحي و بدلي حيجي رجلج!

ضحكت و البنيه تضحك وياهة ،
باوعت للصينيه مجنت ماكله منه ،
اصلا مشفت شنو بيهة ..

لميعه :- ليش ما اكلتي ،
محتاجه طاقه مو تتخربطين على الرجال!

البنيه ضحكت و كالت :- يله كومي ،
حتى اسويلج شعرج و مكياجج!

شجعت نفسي ،
و حاولت البس قناع البرود و القوه!
سميت بسم الله ب كلبي و كلت :- طلعو براا!

لميعه :- اهوووو ، حتبقى *** و تدوخني!

التفت على البنيه و كالت :- رتبيهة و كملي ،
و تعالي كليلي ، مالي خلگ *** راسي مسطور!

طلعت و وياها الصينيه ،
بقت البنيه ، حاولت وياي ،
يله حبيبتي و يله عمري!
كومي وياي لتخافين ، هل شي كلش عادي!!

انفجرت ب وجهة :- شنوو العادييي ،
شنو العادييييي ، طلعييي برااا!

- هاي شبييج ، شهل تصرفات الهمجيه هاي ،
لا حبيبتي لازم تكونين رقيقه و لطيفه!
و ..

بعدهة دتحجي ،
شمرت عليهة علبه مدري شنو!
و عطت :- طلعييي برااا!

طلعت بسرعه و قفلت الباب!
الاصوات برا غريبه ،
الي يسمعهة يحس نفسه كاعد ببيت عادي!
هاي الي تصيح شمسوين اكل ،
و الي يتعاركون علمود شاحنه ،
و طبعا ثلث ارباع الحجي فشار!
اكو اصوات بنات و شباب!

وكفت بنص الغرفه ،
اني لازم اطلع منا و بسرعه ،
عدلت ملابسي و لفيت شالي كلش زين ،
بديت ادور شي يساعدني اطلع من هل مكان ..

رحت لميز الجرارات الصغير ،
مخلي بصف الچربايه ،
دافتح الجرار و تراجعت ..
اخذت طرف شالي و غطيت ايدي!
ماريد اخلي اي اثر او بصمه الي بهذا المكان المقرف!