Hi ✨
هم لا يعرفون ما معنى أن تكون شخصاً
يتجاوز كل شيء وهو صامت ،
يتجاوز ويتجاوز بكل هدوء ،
حتى يعتقد من يراك أنك لم تتعثر يوماً ..-------------------------------------------------------
صافنه و دموعي على خدي ..
شصار هسه ،
يعني شنو هسه اخذوهة!
شلون ، ليش ب هل سهوله اخذوهة؟!!زين وين اخذوهة؟!
هي هسه وين ، شلونهة؟!
راسهة انضرب ب الباب!
تأذت؟! ، خشمهة طك دم؟!
انهارت؟! ، بجت؟!
خايفه هسه لو شدتسوي؟!
شديسوون بيهة ..باوعت لـنور ،
منتچيه على حايط الحديقه!
يمكن ايدهة انلوت من انشمرت!
صافنه على الحديقه و دموعهة تنزل ب هدوء ،
ما طلعت صوت من فتحت عيونهة لحد هسه ..الصوت الوحيد الي ينسمع ، صوت خاله حنان!
بچيهة! ، شهگاتهة! ، عياطهة ب اسم ديم!
خاله فقدت!
من سحبوهة وراحو ،
كامت تضرب على وجهة! و راسهة!
و على بجيه وحده و هي تردد ب اسم ديم!
وين اخذتو بنتييي ، جيبولييي بنتيييي ..نزلت راسي ابجي!
ماعدنه غير البجي هسه ،
رفعت راسي من سمعت صوت رائد ،
صاح ب قلق :- هاي شصاايررر؟!!عاگد حواجبه و عيونه تتنقل بيناتنه ،
ب نظرات خوف و قلق ،
ركضتله خاله تشهگ و تبچي ..لزمت قميصه ب قوة ،
و كالت ب قهر :- رائد اخذو بنتييي رائد ،
اخذوهةة رائد ،
شيردون منهة ولك ستوهة رجعت تعيش ،
ولك رائد اخذوو ديييم رائددد ، رائد اخذو بنتيييي!وكعت ب الگاع ،
رائد لازمهة و هو بعده مذهول!
بعده ممستوعب كلام خاله ، اجه علي ..صدمته متقل عن صدمه رائد ،
ركض لخاله يشوفهة شبيهة ،
نظراته تتنقل بيني و بين نور ،
سأل ب قلق :- شكوو ، شصاير!رائد باوعله و بلع ريگه ب توتر ،
ميدري شنو يكول ،
و هو اصلا بعده ممستوعب الصار!انتبه على نور و مكانهة ،
جانت جوه الحايط الي عليه اثار الرمي ،
و كُله حُفر و طلق!راح يمهة ،
قرفص كدامهة يشوفهة شبيهة ،
و يسألهة :- شبيج ، صارلج شيي ، شكو شصاير!فجأة رفع راسه عاگد حواجبه ،
كال ب استغراب :- ديم وين؟!خاله ارتفع صوت بچيهة و شهگاتهة!
يعرف ديم مستحيل تكعد ،
و مستحيل متكون متواجده ب هيج وضع ،
حتى تحمي امهة و خواتهة ..باوعلي و رجع باوع لـنور ،
الي همست ب صوت مبحوح :- اخذو ديم!
علي اخذو ديم ..وسع عيونه ، و رجفت شفته!
نظراته تتنقل بيناتنه ب عشوائيه ..
همس :- شلون؟! ، منو اخذهة؟!نور :- مادري ، اخذوهة!
هيج سحبوهة كدامنه!شهگت و گالت :- علي اخذوهة من وراي!
همَ جانو حياخذوني بس هي اجت سحبتني ،
و اخذوهة! ، عليي جان لازم ياخذوني انيييي ..
أنت تقرأ
ديم الحُـر
Actionيَضنون قوتي عناداً ويَرون صلابتي وقاحةً لا يَعلمون إن كلماتهم السيئة تَجعل مني إنسانةً صامدةً ولا تُؤثر على سُكوني! ولن تَهدم أسوار عَزيمتي! فالشَجاعة طَبيعةً بَشرية لا يَمتلُكها إلا القليل . و إنَ الإنسان خُلقَ حُر .