خرج وباقي مخو مش فوقو
عقلو وقلبو كل معاها
مش منجم ينحي تصويرتها من مخو
قعد علا بيروه سارح
حتا صاحبوما فاقش بيه
متكي عالكرسيو يخمم فها
-شبيك صاحبي فاش سارح
ستوا قعدت غزرلو ،تنهد و غزرلو
- اا شي شي
-اما نتي ضاهر فيك طايح و بضبط زادا ،
-بربي قيلني انتي زادا، كل وين تشوفني بش تجبدلي حكاية طايح
-لا لا وراس،خويا طايح علا راسك اياشنوا هات الصحيح ههه جابتك للثنية أااه
-تمقعر يا وسيم تمقعر عطاك ربي
-ههههه،والله ماني نفدلك نحكي بالرسمي
يخي مريتش روحك كيفاش غرت وقتلي قربلها عثمان و باسلها يدها
راك قريب تضربو الراجل ولا نسيت
-ايييه كمل فكرني انتي بش عمل أك لي ما يتسماش
-قتلك طايح علا راسك ههههه
-تي شيهمك في والديا يخي ما لاهي كان بيا
-ههه مالا بشكون بش نتلها،
: برا حل دوسي أوكا الدوسيات مكدسة تلها بيه خير ملي مسيب الخدمة و شاددني أنا
:ااحقا اسمعني راو حيدر بش يعرس و بعثلنا invitation
:زادا، ستنا ستنا ، شقتلب ، حيدر بش يعرس هههه حلو برشا
-ههاهه أي حلو ، اذاكا ساساي طربق عليه المنداف ، كيفنا معناها ، لا عاد لا سهريات لا خرجات ولا ولا ، بش تجي ماو
-اي اي تو نشوف ميسون و،نقلك
-ايا نخليك انا نمشي نحل دوسي كيف ما قلت انتي خير ملي قاعد نضيع في وقتي معاك
-بالسلامة
::::::::::::::::::::::::::
دخل للدار
حط الفازت و المفاتح و دخل يلقاها تتفرج في التلفزة
قربلها و عطاها جواب
غزرتلو تسال فيه بعينيها
-شنوة هذا
-حل تو تشوف
حلتو و عينيها وساعت
ضحكت و غزرتلو بش اطير بالفرحة
-ايمن اذايا.....
- مخلاهاش تكمل كلامها وقربلها
-اذاكا يا ليلا l'inscription متاعك في الجامعة متع الطب
انا وياك حياتنا تبدلت برشا بعد حكاية العرس اما نجمت نرجع لحياتي و خدمتي اما انتي ما نجمتش تكمل قرايتك و ما نسمحش لروحي اني نمنعك من قرايتك
نهار لثنين انشالله ترجع تقرا و دجا هاو الفاك قريب
مخلاتوش حتا يكمل كلامو ونقزت عليه عنقتو
طلعت علا تراتش صوابعها بش تنجم توصللو
تعنكشت فيه حتا لين حس انو فقد توازنو وركز بايديه عالطاولة
و هو ما كانش من العاكسين ههه وزاد جبدها ليه يشم في ريحتها
قداش يعشق ريحتها ويموت علا قربها ليه و بدنها كي يتحط على بدنو
محبتش تسيبو-مرسي ايمن ما تتصورشقداه فرحتني
ضحك وزاد عنقها توا عندو تقريب جمعة وهو يجري علا التسجيل متاعها
كان صعيب برشا انو يسجلها في اكبر الجامعات في كندا
اما مفما شي مستحيل كي يبدا مع ايمن بن عمر
عمل هذا الكل بش يشوف الفرحة في عينيها
ضحكتها وفرحتها اطيرو للسما السابعة
و بالنسبة ليه دمعتها و حزنها يوجعوه و يشويوه
دمعتها تاثر فيه لابعد الحدود
مستعد انو يحرق الدنيا وما فيها اما ما تهبطش دمعة من عينيها
موش فاهم وقتاه و كيفاه تعلق بيها و غرق فيها لها الدرجة اما الي يعرفو الي هي ولات قطعة منو
و ما ينجمش يعيش من غيرها
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
