ميسون..متربعة عالفرش هي وياسمين...
تلعب بخصلات شعرها وسارحة ....وكل ما تتفكر ايمن تتبسم
وحدها ....
...ياسمين تغزرلها وباهتة فاها ،حطت ايديها علا خدودها وقربتلها
-اما انت ضاهر فيك تكربصت سايا ..
تنهدت بالقوي واتكات عالفرش ...ضحكت وقربتلها
-تكربصت وتشقلبت، وجيت فلوس يا ياسمين ..والله هبلني خوك ولله
-ههه بطبيعتو ،مهبل البنات هو ..اما المرة هذي حتا هو طايح علا راسو ضاهر فيه
....خزرتلها ميسون ..ستوات قعدتها ...وقلبت شفايفها
-يخي هو عرف برشا بنات .ياسمين
-تي اشيهمك فيهم البنات انتي ، هوا توا مع شكون ..ماو معاك انتي والاخرين انساهم
-بفف كل ما نخمم قلبي يعصر عليا ولله
-ما تخممش عزيزتي ..رتح عصابك ،ههه خويا ونعرفو طايح علا راسو وما في عينو بالا ..
.-هههههه
-شكونو هذا الي طايح علا راسو
تلفتو لزوز يلقاوها ..نرمين ..
ميسون..قعدت باهتة، تغزرلها ..مش فاهمة شي، ...اشتعمل هذي هوني وشمجيبها لدار ايمن ؟
العصب طلعلها لمخها وفدت ما تحملهاش ومالي مشاو للرحلة وشافتها كيفاه تتلوصق علا ايمن ..كرهتها....وما نجمتش حتا تحملها ....
دارتلها ياسمين
-نرمين هاك هوني ....
-امم عزيزتي هاني هوني ،جيت بش انطل علا ايمن ،،،..قلي مروان الي هو هبط لتونس لبارح اذاكا علاه حبيت نشوفو ...اا حقا وينو ..هو
-خرج مع الاولاد ...
-امم..مالا تو نستناه ...
خرجت وخلات ميسون ترحي ...اصلا كان قعدت ثانية اخرى ...راي قامت ...جبدتها من شعرها ...اللكزة هذي
دارت لياسمين خزرتلها
-شتعمل هذي هوني
-ولله ما نعرف هاي استدعان روحها بروحها ..
-سامحني جايا اطل علا ايمن ..بصفتها شكون ...مالا رقعة هذي
-ههه باه باه اسكت بركا ما توترش اعصابك ،تي ما يتلفتلهاش ايمن .جملا ...
-هاو بش نمشي نجبدها من شعرها انا توا
-ههه وانا معاك
-نحكي بالرسمي راني
-ياا اي حتا انا نحكي بالرسمي هاي هاي صاحبي ...نقومولها ...
قعدت تغزل في البيت ،تمشي وتجي مالغزول والعصب الي راكبها..
من طبيعتها تكرهها هالطفلة وما تحملهاش اصلا اي طفلة ادور بايمن...ما تنجمش تحملها
حطت ايديها علا حزامها وقعدت ماشية جاية في البيت ....
اول ما سمعت صوت ايمن جاي خرجت وشافت نرمين مشات تجري ..تعنكشت فيه
-ايموني وينك توا هكا تهبط لتونس وما تقليش
-مم والله لاتلهيت ..هاك هوني انت ...
حست ..بالنار تشعل فيها .نار نار الغيرة خذات نفس بالقوي ومشاتلهم ..جبدتو من يدو وتبسمتلو باستو من رقبتو وضحكت ..وهو باهت فيها مش فاهم شبيها جبدتو منهاوناحتلها يدها
-حاشتي براجلي شويا كان ما يقلقكش
تلفتت ضحك ،غمزتو وجبدتو وراها ....خلات نرمين مبهمة بش تطرشق بالغيرة ..ما خلاتهاش حتا تتكلم ..،ايمن ..يغزرلها ويضحك ..باهت فيها كيفاه تتصرف ..طلعت حتى هي تغير الحلوفة
دخلتو ..للبيت وسكرت الباب ...
ربعت ايديها وغزرتلو
-شمجيبها هذي لهنا
-شكون ..نرمين ...والله ما نعرف علمي علمك ..جيت نلقاها هنا
-وعلاه جات
-هاني كيفك يا ميسون..حتا انا قعدت باهت كي ريتها ...
حطت ايديها في حزامها وخزرتلو
-معناها جات وحدها هي ....
-ميسون بربي ما تبداش تهز و تنفض ،هاك ريت قدامك
-نهز و ننفض يعني أنا ، باهي يا أيمن
باهي .
خرجت ،طربقت الباب وراها وخلاتو باهت مش فاهمها ...
شبيها
حك رقبتو ونفخ ما توتر ،ما كان ناقص كان نرمين هو توا
......
هابطة في الدروج بدنها يخض وحدو ،مالعصب والغزول ......
مش عارفة شبيها تصرفت اكاكا
مع ايمن اما الغيرة عماتها ...ما حملتش كي رات لخرا معنقتو ،بطبيعتها....تكره ريحة الانثى كي ادور بايمن
كلو الا ايمن....
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
