خلاهم ...وطلع للبيت...حس روحو تاعب وبدنو ..مدقدق ..رما بدنو عالفرش ...ورقد...
........
قعدت مع مروان وحيدر وياسمين يحكيو ..اما حستو متقلق كي طلع ..حستو مش قد بعضو ...قبل ما يطلع ما قال حتا كلمة ...حستو متقلق وعقلها قعد عندو .....
.-ميسون:ايا نخليكم يا جماعة
.-ياسمين:لا عاد زيد اقعد مزالنا ما شبعناش،بيك عاد
.-حيدر:يا بنتي خليها ..راجلها يستنا فيها
.-مروان :هاهاهاه يحب يشبع بيها حتا هو
تبسمتلمهم وطلعت
حلت الباب تلقاه متلكمت عالفرش راقد ...وجههو احمر وينكت بالحرق..سمعتو يان ...تنطرت مشات تجريلو ..حطت ايديها علا رقبتو وجبينو ...تلقاه سخون عالخر ..تفجعت
-ايمن...ايمن ..امان شبيك
تململم وزاد تلكمت علا روحو
-شي يا ميسون بردان .....
قامت من حذاه ومشات جابتلو بطانية ..غطاتو بيها...حطت يدها علا مريولو تلقاه ينكت بالعرق ...
-ايمن...ايمن..امان قوم خنحيلك المريول بش يزيد يمرضك
-امم...
ما نجمش حتا يحل عينيه
-يا ربي شنعمل انا تو
دخلت بعضها ومعادش فاهمة شتعمل...ايمن بالنسبة ليها قوتها والي الحيط الي تتكا عليه ..وكي يمرض هو ..تمرض معاهو تتوجع اكثر منو ...
جبدتو بالشوي ..وناحاتلو المريول وهو دايخ بالنوم والتعب مش فايق بشي ..لقات روحها مركزة مع بدنو وتعدي في ايديها علا صدرو بحنية ....
فاقت من غيبوبتها وضحكت علا روحها وعلا تفكيرها وين مشا ....لبستو مريول نضيف ورقدتو ..غطاتو بالقدا وقامت تحضرلو في كمادات ..لوجت ..لوجت ما لقاتش ..لين ماعاد بيها وين وهبطت للريسبسيوون وخذات كمادات
طلعت حطتهمفي الماء البارد
قربتلو وحطتهملو علا راسو بالسياسة..حستو تحرك وتململ في بلاسطو ...حطت يها علا خدو تعدي فيها بحنية ..كملت حطتلو الكمادات ...وقامت تفركس علا دواء في ساكها ...طلبت مروان
-الو مروان
-اا اهلا ميسون لاباس ..اشفما
-ايمن مريض ..ويلزمني شكون يمشي للفارماسي يشريلي امان تنجم تجيني
-اي اي بالطبيعة
جاها مروان عطاتو اش بش يشيرلها ورجعت قعدت حذا ايمن ...تغزرلو وتتبسم وحدها كل ما تتذكر بدنو عنقتو وحطت راسها علا
صدرو بعد ما عطاتو الدواء ..سخانتو بدات اطيح وتنقص ...عنقتو ورقدت عندو وهي تعشق فيه
اتكات علا مرفقها وبدات تعدي في صوابعها علا وجهو ...جبينو ..خشمو ..عينيه ...شفايفو...
عدات ايديها علا شفايفو وحست روحها ذابت ..تبسمت وحدها وقعدت تغزر لشفايفو مدة طويلة ...ومبعد هبطت راسها ومسحت عليها بشفايفها وباستهم بوسة خفيفة ....والبوسة قوات وبدات تمص في شفايفو ...وتطعم فيهم ..كانها اخر مرة بش تذوق طعمهم
اصلا اخر مرة خاطر مستحيل تنجم تعملها وتبوسو وهو فايق ...مش منجمة تسيطر علا روحها وقعدت تبوس فيه لين حست بروحها تقطع عليها النفس ومعادش تنجم ...بعدت عليه ..وقعدت عالفرش ..حطت يدها علا صدرها الي يتهز ويتنفض كانها تحاول تهدي في،روحها وجها..حمار .وحست روحها سخنت..تلفتتلو تلقاه راقد ..ضحت وقامت من حذاه خاطر مش واعية علا روحها فاش قاعدة تعمل
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
