أيمن :نرا فيها هابطة ،علامات التعب الكل ظاهرةعليها، أما مزالت بنفس زينها ما تبدلتش، نفس العينين اللي يسحرو حتى و هوما حمر مالبكاء و خشمها الأحمر الصغرون و فمها الوردي المليان، كانت الكلها فالاكحل ،كانت منهارة اما متصنعة القوة ،كيما عرفتها ديما كانت قوية في كل المشاكل لي تعرضها ، ما كانتش توري ضعفها ،تنهدت ودورت وجهي نغزر للشباك تعدات ربع ساعة والا اكثرو مبعد جاء عدل المنفذ و قرالنا الوصية الي كانت كاللغز ..كلام داخل في حيط الراجل يقرى وانا ما فهمت شي دخلت في حيط كلام كبير الراجل يحكي على عرس و ورثة وووو ... تلفتلها نلقى عينيها ضايعة هي بيدها مش فاهمةشي ترمش في عينيها وشوافرها المبلولين بزربة وتغزرلي تحاول تفهم الاجابة
ميسون:مش فاهمة شي الي فهمتوا انو حياتي بش تتبدل، و لو كان نرفض العيلة بش تتشرد ،
تلفتت، ريت أيمن ضاهريغلي من داخل اما من برا كان هادى حك لحييتو بعصب و قال
-تنجموا تفسرولى شكان يخلوض
-يا ولدي هاك سمعت وصية مماتك قاتلك ما نأخذ الاملاك إلا ما تعرسو انت وميسون
: امي انا من رأي نمشي بهواها نأخذ الاملاك مبعد طلقو
-أيمن: تحكي على عرس راو مش لعبة
-يا وليدي عناش حل آخر والا نتشردوا في الشارع و الاملاك يمشيو للجمعية
نفخ بعصب و حط ايديه في مكاتبو و تلفت للشباك فما غش كبير في
عينيه عدا ايديه على شعر مبعد تلفت :أي و خدمتي و كندا ..
هذا يتسمى لويان ذراع ..واحد جاي بش يعزي تراصاتلو عروس
سامحوني يخي اما نوع متع كلام هذا ..ماينجم حد يحطني تحت الامر الواقع!!
سكتو الكل وهووما يسمعوو فييه
ميسون كيف كيف ،قعدت ساكتة و متكلمتش جملا تغزرلو كيفاه منرفز و عندو الحق ..نفخت بالقوي حكت شعرها مش فاهمتة ومش مستوعبة .. :ما فهمتش مماتي علاه عملت اكاكا علاه دخلتني في حكاية كيما هكا فاش خممت كي حطت وصية كيما اكاكا و شبيها عمرها ما جبدتلي عليها والا حكاتلي مخها خدم في برشا حكايات قمت بالسيف نكركر في ساقيا تكرير نحب نرقد نحب نرتاح نحب نبكي يزي ما شديت روحي و تصنعت القوة في نهار هبطت على راسي المصايب اذوما الكل
-بنتي وين ماشية
نحب..ن.ر.ق.د-
صوتها كان مخنوق و متقطع تحب تعيط، و تعبر عالي في قلبها الكل تحب تخرج الوجيعة لي في وسطها تحب تحكي ، تحب تقول لجدايتها يزي ما شويتني عليك كي مشيت و زيد شويتني كي ف حطيتني قدام الأمر الواقع، تحب تحكي معاها و ترجع بالوقت ، تحب تقلها علاه عملت فيا هكا موش حفيدتك اما لي تحبها و تحب تراها فرحانا ..
حطت راسها عالمخدة ..وحتى الدموع ماحبوش يهبطو ..زعما شنوا لي يستنا فيك يا ميسون ، تنهدت تنهيدة تهد الجبال
أنت تقرأ
❤️🔥🔞"جحيم جسد"🔞❤️🔥
Romansaهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
