واقف يحكي معا صاحبو
وهي واقفة وحدها بحذا البار،تخمم و مخها تحرق بالتخمام
تخمم فالي جاي كيفاه بش يكون حست روحها بدات تتعلق بيه هالطفل و يمكن بدات تعزو و تحسبو يمكن اكثر من مجرد صديق
اما الحب كانت حاطتو اخر حاجة تنجم تخمم
اخر احتمال ينجم يجي لمخها
خاطرها ورافضة حتا انها تصارح روحها بيه
تضارب و تناقض كبير عاشتو
صراع قاعد يصير في،مخها
تغزرلو و تخمم سارحة
قص علا تركيزها صوت
-تونسية؟
تلفتت تلقاه طفل في الثلاثينات واقف حذاها و يتبسم
لابس كوستوم و ظاهر تونسي
قحرتلو و رجعت تلفتت
-كان كتب
غزر،للبار مان و قلو اعطيني كاس
شد الكاس في يدو،وزاد قربلها،
-انا زادا تونسي
مغير ما تتلفتلو و حاقرتو
-هاني نشوف
اصلا ما تكون كان تونسي
ضحك و قعد يهز فيها ويحط
-معلم حاشتك بحاجة
تلفتو لزوز فرد و قت
يلقاوه ايمن عينيه كانو حمر من كثرة الغش
عروقو كانت ضاهرة من العصب
كابس بيديه و يقحرلو
ميسون خافت من ملامحو الي ما يبشروش بالخير،
تربثت رغم الي هي مش،عاملة شي
غزرلو الطفل وقلو-لا اما ...
ما خلاهوش حتا يكمل كلامو و غزرلو
-انتي كان ما تحبش وجهك يتفسخ
اقلب منضرك
الطفل جبد روحو و تسلوس
اصلا ما فماش لعب مع ايمن بن عمر
خاصة علا حاجة تابعتو
الطفل مشا و هو جبدها من ايديها يكركر فيها وراه لين وجعها
وجهو كان احمر من الغش و كل عضلة في بدنو مكبوسة
معادش يرا في شي
يجبد فيها وراه وهي مش فاهمة شي
تمشي وراه و تتدعثر
-ايمن سيبني شبيك يخي
سيبلي يدي
ما جاوبهاش اصلا لا عاد يشوف لا يسمع لا يفهم في شي
هزها لبلاصة فارغة و دزها عالحيط،
نطرت يدها و هي تغزرلو بغزرة فيها لوم
.-نرمال يخي هكا يدي شبيك هبلت
بدا يعيط سايا فقد اعصابو
وفقد السيطرة علا روحو
-انا الي مش نرمال و الا انتي
-يخي شبيك شعملت انا
.-لا معملت شي تباركلله عليك
مرة واقفتلي وع راجل قدام الفاك قال شنوا أستاذك و توا مع راجل الله اعلم شكونو ما تعرفوش
يخي لاباس في،مخك
خليتك درج جيت لقيتك سا دجا لحمت واحد
طحان انا؟
عينيها وساعو وهي تغزرلو عمرها ما تصورتو بش يكلمها بالطريقة اذيكا
غزرتلو و تكلمت بوجيعة
-هه يخي واعي بروحك فاش قاعد تقول يا ايمن
بدات تعلي في صوتها وتفقد في اعصابها
-نعملك يا سي راجلي الي انا ما عندي ما عملت
هو جا وحدو يتلمط،
جا وحدو ...تفهم شنوا معناها جا وحدو
معناها وين غلطت انا
شنوة ذنبي كان انا واقفة نرمال جا هو،و هو لي حكى أنا اه؟
-والهي ساي نرمال بش يجي
غزرلها من فوق الوطا وبدا،يوري فيها بايديه
- مدام الدنيا كل علا برا بالسيف بش يركز معاك
ويغزرلك و يجي يحكي معاك
-معناها تو وليت انا الغالطة
-اي انت الغالطة انتي الغالطة نرمالمون ما تكلموش
و متحكيش معاه
وكان انتي قبل عندك نرمال تاقف وتحكي مع الرجال
تو نعملك الي توا برشا اومور تبدلت
هالثمانية شهور انتي مرط راجل حتا قدام الناس
وانا منيش طرطور يا للا،بش مرتي انا تاقف و تحكي مع الرجال ومولا الدار مش هوني
و الحكاية هذي حطها في مخك و راني معادش بش نعديها جملة
ومن توا حاول تلتزم بيها بالنسبة للمدة هذي و مبعد كي تخرج من ذمتي اعمل الي يضهرلك
كلامو وجعها ...وجعها وشواها اكثر مالي،تتصور
اصلا عينيها تحبست فيهم الدموع
حست بغصة في قلبها من كثرة ما كلامو وجعها و اثر عليها
صوتها كان مخنوق مالقهرة الي تحس فيها
عمرو حد ما علا عليها صوتو بالطريقة ا
هذي كيما عمل هو
وعمرو حد ما هانها ووصل
وجعها كيما هكا
تكلمت بالسيف و دموعها سبقوها رغم قوتها و جبروتها
ورغم انو دموعها غالين مش بالساهل انها تبكي
الا انو الغصة غلبتها
تبكي و تتكلم بالشوية
-انا ما عندي ما عملت و ما غلطتش وما عندو علاش بش يركز معايا
ديجا الصالة معبية كلها بنات و معرين زادا
دونك ما فماش اعلاه بش. يركز معايا
دموعها قهروه و هدوها قهرو اكثر
ما كانش يحب يوجعها والا يضرها
اما غيرتو غلبتو
عينيه ضلامت كي راها واقفة مع الطفل
الدم طلع لراسو
ونبرة الحزن الي في صوتها ودموعها الي مانجمتش تخبيه زادو وجعوه اكثر
حس روحو ضعف وصوتو حن
قربلها و حط شفايفو علا وذنيها
-يركز وراسك يركز
حط يدو علا حزامها وحصرها مع الحيط
يركز ...خاطرك ازين وحدة...وخاطرك ابن وحدة...واحلا وحدة...خاطرك تخرج الراجل من عقلو....
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
