حطو فيلم و قعدو يتفرجو مع اول لقطة رعب ترمات عندو ، قعدت في حجرو و ضمت روحها و دخلت راسها في صدرو
حس بإحساس جديد و هي بين ايديه ريحة شعرها في خشمو و بدنها الي يعشقولاصق في بدنو حس بمسؤولية تجاهها حس روحو خايف عليها زاد لزها ليه جبدها من حزامها عدى ايديه على شعرها و حط راسو على راسها و يديه في شعرها يلعبلها بيه ويشم في ريحتو ،
الي يحس فيه جديد عليه الي يحس فيه قوي ياسر غمض عينيه و تنفس
-ما تخافش ميسون هاني بحذاك
صوتو كان كلو رغبة صوت حنين ما عرفش يسيطر عليه
طلعت عينيها تخزرلو
العين في العين ،يغزرلها مش منجم معادش فيه ....شفايفهاا،عينيها ،شعرها ،...بلع ريقو و بعد عينيه عارف روحو بش يغرق عارف روحو بش يضعف قدامها جبد روحو بسياسة تبسم وقلها
: يا خوافة
هبطت رأسها حاشمة
هههه هاو ساياي سكرناه هالفيلم لي خوفاي مرتي ، هيا توا قوم ارقد هيا
ميسون:باهي
مشات لبيتها و هو نارو مزلت ما تفاطش، قاعد يتهرب منها اما هي ما علابالهاش لي زاد في نارو لي هي مش حاسة بالي عملتو فيه ، بلي تخليه في داخلو و تمشي عدى ايديه على شعرو ورغبتو فيها مليون،
الاحساس هذا رافضو ، موش حاب يستوعبو ، ما يلزموش يحبها ما يلزموش يغرق أكثر رافض فكرة انو يتبع مشاعرو ويحبهاا ، أما تقريب فات الفوت
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
