لبست و هبطت ,دخلت للكوحينة لقاتو يقلي فالأوملات ، جبدت كرسي و قعدت
- يخي تخدم؟ ؟؟
- أي, اما منبطاش , يلزمني نراجع اوموري في الخدمة نتفقد الأجواء في الشركة و نروح ...
-بش نقد وحدي أيمن
-هاو قتلك ما نيش باطي، زيد أوكا tv ولا أطلع للبيرو خوذ الابتوب متاعي ونس بيه روحك
هز الفاست و المفاتح وجا خارج
- أيمن
- وي و تلفتلها
-اعطيني نومروك
أيمن تفلق بالضحك( و يا ويلي من ضحكت أيمن تقتل،ضحكتو ساحرة بأتم نعنى الكلمة )
ميسون : شبيك تضحك
-هههههه لا شي جوست مرتي ما عندهاش نومرويا
-ههه تي أيمن يزي مالبلادة و هات نومروك
أيمن حب يركح عليها : وشحاجتك بيه انتي نومرويا
ميسون: ما نعفش نستحقك سبحان الله
أيمن ضحك و عطاها النومرو وخرج
قاعد في بيروه غاطس في الأوراق المدة الي قعدها في تونس تعطلت فيها خدمتو برشا
دز وسيم صاحبو الباب ودخل
-اااااا عروس
-يخي ما علموكش أدق الباب
-لا معلمونيش
-باهي سي الحاذق فيبالك الخدمة داخلة بعضها علخر؟
-أي فيبالي ماو المدة الي قعدتها انتي تتمعشق خاضت جملة
قحرلو
-شنوا ما كنتش لاهي مع حبيبة الألب، شكون تحبو يخدم في بلاصتك، أناا؟
-باهي صحيتك
-ههههه ،أي عاد اسمعني ، راو يلزمك تعمل حفلة صغيرة في دارك عالاقل
-حفلة شنوة زادا
-تي بربي ..عرست رااك يلزمك تعمل حفلة تستدعى فيها أصحاب الخدمة والشركاء الي عندهم أسهم ، شنوا صاحب الشركة عرس و أصحابو ما يحضروش c'est un peut bizarre non ?
-أووووووف ،باهي باهي توا نشوف
-مش تواااا تشوف ، يلزمكو هكاكا تعرفنا عالمدام
طلع عينيه قحرلو
صحيح وسيم صاحبو و كي خوه أما كي تتجبد ميسون يحس بالعصب و يلهب هكاكا غريزة الغيرة ...غار لدرجة أنو حب يقولو رأهي متاعي ...مرتي،ملكي ،ليا و حدي، موش لازم يعرفها سيادتو
جاوبو و عينيه مغروسة في الأوراق
-أمممممم نشالله
-أيا نخليك صاحبي و كي تبرمج الحفلة قولي باش نعلم الاولاد
أنت تقرأ
❤️🔥🔞"جحيم جسد"🔞❤️🔥
Roman d'amourهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
