دخلها وهو محملها بين ايديه ..مش منجم يسيبها ...واصلا ما يحبش يسيبها
هي غمضت عينيها بالقوي وتعنكشت في صدرو ..خوفها ورهبتها الي عندها سنين ..تحب تنساهم وهي بين ايديه ..عقدتها تحب تنحيها،وهو غمرها بحنيتو ..حنيتو الي مالاهاش حدود
والي كل مرة تخليها تزيد تغرق وتعشق فيه
قداه عز عليها وهو محملها و يسايس عليها
خايف ...خايف عليها تقول بنتو الصغيرة
حاسس الي هي حاجة منو ..قطعة من بدنو..حاجة تابعتو ويحب يحميها..يخبيها في صدرو ..يحطها في قلبو ويسكر عليها فيه
مزالت متعنكشة فيه ومغمضة عينيها ..حاشية راسها في رقبتو ومدورة ايديها علا كرشو
حملها وشًدلها فخاضها بين ايديه و حطهم علا حزامو
و قدم بيها لين دخللها لقاع البحر
-ميسون
-.....
-ميسون ..حل عينيك..قتلك انتي معايا
ماتخافش ..عدا ايديه علا كرشها كالمخدر وباسها من خدها بحنية
حركة لا ارادية ما نجمش يقاومها
خلاتها تحل عينيها و تغزرلو في عينيه ..تغزرلو وعينيها يحبو يقولو برشا كلام
حاسة روحها...مرتاحة..حاسة روحها فرحانة
وطايرة معاه
بحنيتو نساها خوفها الي ما نجمتش تنحيه عندها عشرة سنين جاء هو و نحاهولها و خلاها تحس بالامان
مغير ما تشعر زادت عنقتو ليها و كبشت فيه اكثر..قداشها مستمتعة بحضنو ولمستو وبكل حاجة فيه
لحيتو...وبدنو وكل حاجة فيه...ضحكتو الي تخليها تنسا الدنيا ومافيها ...عينيه الزرق الي يحسسوها بالراحة والامان
جبدها وشدلها راسها بين ايديه
-ما تخافش ميسون ما تخافش
شدتلو ايديه وهي تتبسم
-منيش خايفة ايمن ..معاك ما نخاف من شي
ضحك وزاد جبدها بش يزيدو يدخلو
يعومو وهي مكبشة فيه
مش مسيبتو جملا ...مدورة ساقيها عليه و شادة رقبتو بايديها
رغم الي هي رتاحت سايا ومعادش حاسة بالخوف
اما ما تحبش تسيبو جملا ماذابيها تقعد ديما هاكا
ما تحبش تحرم روحها من حضن ايمن ولمستو
وهو ما كانش معاكسها
اصلا مش عارف روحو كيفاش شاد،روحو عليها
كيفاه شاد،روحو علا شفايفها المبلولين
والا كيفاه مزال حارم روحو من بدنها الي بين ايديه
فخاضها الي شادهم بين ايديه و بش يهبل عليهم
صدرها الي كل ما تتنفس يتهز و يتنفض
و خرجو من عقلو ..ومش منجم يشد روحو
شاهيها ...شاهيها عالخر ومش منجم يكنترولي غريزتو
اول مرة تصير معاه ...اول مرة طفلة تسيطر عليه بالطريقة هذي ...اول مرة طفلة يحس روحو مقيد بها
حس روحو معادش فيه اصلا عملت فيه الي ما يتعملش
كل ما تزيد تقربلو والا تتعنكش فيه
يحس قلبو بش يخرج من بلاصطو
لازمو يهرب..لازمو يهرب والا بش يغلط
-ميسون هيا نخرجو
غزرتلو وماذابيها معادش تخرج مالي كانت ما تحملش البحر ولات تعشقو وهي بين ايديه
عملتلو اي براسها
جبدها من ايديها و بدا يكركر فيها وراه
خرجو من البحر تلفتلها وغزر لصدرها ومبعد دور راسك
-طلع خلعتك وغطي صدرك بش نرجعو بحذا الاولاًد
حست روحها حشمت وزادت كبست في ايديه
ستوات خلعتها و مشات وراه
.........
وصلو بحذا الاولاد وهي قعدت
قلبها مزال يدق ...يدق بالفرحة والحب
كل ما تتذكر حنيتو ولمستو يزيد يدق بالقوي وتحس بدنها رعش
وتغزرلو تلقاه مثبت معاه و مش مسيبها
عادل:اا وين مشيتو صاحبي والا احنا ما نضحيوش
-مروان:يا ولدي اش بش يعمل بينا احنا
قحرلو ومجاوبوش ورجع تلفت يغزرلها
مش ينجم يبعد عينيه علاها
منضرها وهي مبلولة
ملمس بدنها وهي بين ايديه
صدرها..شفايفها..كل حاجة فيها خلات بدنو يلهب وحاسس روحو هابل عليها وعلا التاتواج الي في صدرها
والي في رقبتها
حك لحيتو وغزرلها
أنت تقرأ
❤️🔥🔞"جحيم جسد"🔞❤️🔥
Romansهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
