قاعدة عالكرسي وتغزر للبحر ..حست روحها تحب تقعد وحدها شويا و خلاتهم
كل ما يقربلها وتحس نفس الاحساس
احساس انها تحبو يعاود يقلقها مرة اخرى ...هي تحبو سايا تاكدت من مشاعرها اما مش حابة تصارح روحها ومزالت عايشة في تناقض بينها وبين روحها
هزت عينيها للبحر وغزرتلو غزرة طويلة ...حست الوقت رجع بيها عشرة سنين لتالي ..حست كالفلاش باك تعدا قدام عينيها
كيفاه غرقت صاحبتها ..حاجة ما نساتهاش و مش منجمة تنساها
صحيح خوفها مالبحر بدا يتنحا ..اما موت صاحبتها حاجة مزالت ماثرة عليها برشا
تصويرة صاحبتها وهي تغرق جات قدام عينيها...صوتها وهي تعيط ..ضرب في وذنيها
سكرت وذنيها بايديها وضمت ساقيها لصدرها ..تبكي ...تبكي بالساكتة
قهرة..قهرة ووجيعة كبيرة حاسة..بيها
رجع بيها الوقت لتالي ..رجعت للماضي الي كل ما تحاول ما تنجمش تهرب منو
ما تنجمش تهرب من الاحداث الي صارو فيه
برشا وجيعة وبرشا تخمام
بكات ...بكات لين فرغت قلبها وحست روحها بدات تتفرهد ..والغمة بدات تتنحا علا قلبها
.....فركسها عليها بعينيه مالاقاهاش قاعدة مع البنات
هبل وحس قلبو تقبض ..ما يحملش بعدها ..ما يحملش غيابها..يحبها ديما قدام عينيه وما تغيبش عليه
سأل عليها البنات ..قالولو راي مشات وين الباراسولات
طيش الي في يدو ومشالها
وقف وراها و قعد يغزرلها
شعرها هابط علا ضهرها
ضامة ساقيها للصدرها وقاعدة
قربلها و شدلها كتفها
هزتلو راسها مفجوعة ومبعد اطمنت كي راتو هو
-ا.ي.من ..
شاف عينيها ..حمر..ضاهرة كانت تبكي
مجرد فكرة انها كانت تبكي والا دمعة هبطت من عينيها خلات قلبو يعصر عليه و يفد
قعد حذاها وعينيه وساعو
-ميسون.
شبيك يخي كنت تبكي..شبيك نرمين قتلك حاجة
..شعقدت حواجبهاوغزرتلو كانت شاكة الي كانت فما حكاية بيناتهم من غزرات نرمين لايمن
اما توا الشك ولا يقين
غزرتلو و عينيها وساعو
علاش بش تقلي نرمين ..يخي..علاش بش تكلمني
حس روحو حصل..اصلا كي راها تبكي ما جا لمخو كان الي يمكن نرمين كلمتها والا قالتلها حاجة توجعها ..اصلا يعرفها تغار عليه اما حس روحو تسرع
تمهمه وغزرلها
-لا ..قلت ..يمكن
-ايمن امان ما تخبيش عليا
اصلا حسيت الي كانت بيناتكم حكاية قبل امان احكيلي
-نرمين..نرمين كانت صاحبتي قبل اما قصيناها عنا مدة طويلة
حست قلبها وجعها وعصر عليها
وخرت لتالي وتنفست بالقوي
معناها الطفلة اذيكا قربت لايمن
الطفلة اذيكا ايمن قلها نحبك وقربلها
مجرد الفكرة بركا خلاتها تشدها الغصة متع البكاء
ما لقات شتقول وقعدت تغزرلو ساكتة اما عينيها فيها برشا وجيعة
تغزرلو ساكتة ..وغزرة عينيها قتلتو
-علاش ما قتليش
قعد ساكت وما جاوبهاش ..يغزرلها بركا
ضحكت بوجيعة وتلفتتلو
-اصلا شكوني انا بش تحكيلي
وشمدخلني انا في حياتك
ما خلاهاش تكمل كلامها وقرب شفايفو لشفايفها وجبد شفايفها بسنيه
-انتي دنيتي
رجع حط شفايفو علا شفايفها و مصهم بالقوي
انتي حياتي ...انتي مرتي ...ومتاعي انا
قعد يبوس فيها ومستمتع بلذة شفايفها،
...شفايفها كلاهم ماكلة من كثر وقوة الي يحس فيه ..غريزتو و احساس لدرجة انو ما ينجمش يبعد عليها
الا ما سمع صوت
تلفت وهي جبدت روحها منو
لقا صحابو لتالي واقفين
مروان:ااا معلم حسو بينا شويا مناش كلنا معرسين راو هاهاها
عادل:هاهاها انتوما معرسين صحيح اما عندكم بيت ااا خويا فتقو مواهبكم غادي
نرمين كانت تغزر وتغزل ،...الغيرة قاتلتها..وعينيها تعماو بالغزول
ميسون حست كانو سطل ماء بارد تصب عليها
حشمت وذابت بالحشمة و جهها حمار و دمها طلع
جبدها من يدها وطفاهم كل وطلع للبيت
هو ما يقلقوش وما يهمو في حد اما حسها وحشمت..ودخلت بعضهامعادش فيها بالحشمة
طلعو للبيت وسكر الباب وجبدها ليه وحط شفايفو علا وذنيها
-سامحني..ميسون سامحني ..حاجة اقوى مني
ما نجمتش نشد روحي
قعدت عندو وحست ساقيها سايا معادش،منجمة تاقف علا ساقيها
باسها من راسها وخرج للبالكون ..ضربتو النسمة ويحب يبرد النار الي شعلت فيه
معادش مسيطر علا روحو ..معادش مسيطر علا غريزتو
هبلتو..هبلتو ومعادش فيه
أنت تقرأ
❤️🔥🔞"جحيم جسد"🔞❤️🔥
Romansهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
