كانوا يحكيو عالتحضيرات و انا مش معاهم كانو مش عرسي و مالا عرس هه كنت ضايعة و سارحة نغزر لتصويرةمماتي كأني كنت نسأل فيها ..علاش عملت في هكا شنوا الحكمة حسيت بغصة في قلبي هبطت من عيني دمعةمسحتها طول طول عمري كنت ما نحب نوري ضعفي لحد كنت ديما الطفلة القوية الي تتكى عليها العايلة كل كنت يا جبل ما يهزك ريح
حسيت بايدين دافيةفوق يدي ..يدين حنينة هبلتني حنيتها تلفت نلقاه أيمن عينيه ذابلين و نص تبسيمة على شفايفو
-ما تحط شي في بالك ما يدوم حال يا صغرونة تو كل شي يتعدا
تبسمتلو و ضعت في عينيه بدني لخلخ لحمي قشعر من حنينة لمستو من كلامو
امي:مالا غدوا امشيو شوفو الروبة باهي بنيتي
تبسمتلها و عملتلها براسي باهي طلعت لبيتي
أيمن:ريتها كيفاش ضايعة كيفاش سارحة ريت دمعتها الي ما نجمش نستحملها مغير ما نشعر حبيت نطمنهاشديتلها يدها و سرحت في عينها الخضر حسيت بروحي ترهوجت من غزرتها لحزينة مخبية برشا وجيعة و قهر عندها الحق لا يزي مماتها توفات لا يزي لقات روحها في صفقة هي ما عندها حتى دخل فيها
الي كنت نحس فيه كنت ديما نفسو بالشفقة أما توا ما عاد فاهم روحي عينيها....عينيها هبلوني رهوجني خلاوني كل ما نغمض غينيا يجيو قدامي غميت على راسي بالقوي هه فاش تخلوض يا أيمن أنتما نجم حتى وحدة تحركلك شعرة مش بش تجي صغرونة اطيحك على راسك حطيت راسي عالمخدة نحب نخرجها من مخي جملا
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
