قام الصباح و هبط للكوجينة لقاها قاعدة عالطاولة
أيمن صباح الخير
ميسون تلفتت : صباح الخير
أيمن :شتعمل يا بنتي هوني عالصباح
ميسون صوتو و هو بالنوم كوخرها جاوبتو و هي واحلة مع صوتو: كنت نستنا فيك بش نقلك ما فماش حتى شي في الفريجيدار لازمنا نقضيو
أيمن :باهي قوم بدل حوياجك تو تلقاني هوني نستنا فيك
ميسون قالت باه و قامت من على الكرسي ، لابسة بونطوف و شورت ساتان متع نوم و شوميز ساتان ، أيمن وحل كالعاة ، طلعت تجري فالدروج و عينيه مرشوقة فيها كيفاه طالعة تجري و ساقيها الصغار لي يلمعو ياسر هبلوه
حطو القضية في الكوجينة و بدات تحرك في الكوجينة هزت لمت شعرها لفوق و هو مركز معاها اما يبعد في عينيه
نحات الجيلاي ربطتها على حزامها نفضت ايديها ونقزت قعدت عالرخامة
-ايا صاحبي الغول شتحب تاكل
تبسم وعض على شفتو :هههه حلوة صاحبي الغول هذي ،هي و تو انتي تعرف تطيب؟
ميسون: انتي قول ششاهي و أتوا ترا بعينيك
أيمن:ههههه علقليلة ظهرت تصلح لحاجة
:أماااان
و هبطت من فوق الرخامة طفاتو و بدات تقشر في الثوم
:اي اش بشتطيبلنا مالا
: اشمدخلك تو كيف يطيب تعرف
: هههههه ماكش مضهرة لي انتي متغششة جمممممممملة
ضحكت و تلفتت تجبد في الماعون ، أيمن تفكرليلة الكوجينة في جا قدام عينيه منضرها و زينها ليلتها تبسم و عدى ايديه على شعرو
:تحب نعاونك
:هههه و انتيتعرف اطيب
: ميسون قتلك نعاونك مش بش نقوم انطيب
:هههه معناها ما تعرش
:عاد انا عايش وحدي و ما نعرفش نطيب هكاتو
قام فرعسلها شعرها و رجع قعد غطات الطنجرة و مشات في الكرسي الي مقابلو في الطاولي حوطت وجهها بايديها و قعدت تغزرلو غزرة ذوبتو بيها ما فهمهاش تبسم و مبعد عقدحواجبو و قلها
:شبيك
:انت كنت عايش و حدك
:اممم وحدي
:معناها تحب تفسرلي الي انت عمرك ما جبت طفلة لدارك
:تقصد بخلفك انتي
:بطبيعة بخلافي أنا تتبهلل ابراي تو أنا مرتك موش طفلة جايبها على كيفك
تبسم و خزرلها: لا
ميسون استغربت من الاجابةكانت تستنس فيه بش يقلها اي خاتر تعرفو صريح كيف يعمل حاجة يقول عملت، ما كانتش تتوقع انو طفل بزينو هوو عمرومادخل في علاقة مع طفلة
عقدت حواجبها و قتلو
:هكا!!!
-ميسون شنوة تحب تعرف بالضبط اه قلي طول تو نجاوبك
-معناها تحب تفسرلي الي انت عمرك ما حبيت و الا دخلت في علاقة هكا معناها طفل كيفك انت ...امم
تبسم
و خزرلها : هي كمل طفل كيفي انا هههه مفهمتش كيف شنوة معناها
(خزرلها و تبسم بخبث)
:تي ايمن يزي بلا مساطة و جاوبني
-حبيت اي اما منيش بش نروح بطفلة معايا للدار وغمزها
-اممممم تحب تفهمني الي انت عمرك ما طلبت من صاحبتك بش تروح معاك للدار و هي عمرها لا خممت بش تجي ، هكا؟
-انا ما نطلب من حتى وحدة بش تجيني اي سيرتو البدنا الي عارضة رواحها للبيع أنا يقززوني فهمت تو
عملت علاقات صحيح اما ادار هذي حتى طفلة ياسمين ما دخلتها حتى وحدة ( ياسمين أختو)
كان يغزرلها بنظرة ثاقبة بتبسيمة خفيفة بلعت ريقها بالسيف و قعدت تخزرلو في عينيه عينيه دنيا اخرى بحر تغرق فيه فيه فيهم لون ما يتقاومش، كانت ترعش قدامو وجهها مشا ألوان
اما هو لا، كان واثق من نظرتو ليها ، مركز مع عينيها اول مرةطفلة تجبدو بالطريقة
جبدت روحها و قامت
-أحم.... المقرونة. ...المقرونة خلي نشوفها
قامت تجري تفقد في الطنجرة
ضحك و تنهد
كملت حضرتها ،حطتها عالطاولة و قعدت
بداو ياكلو
أيمن : اممممم شنيا هالبنة ، صار طلعت هما انتي ، كان فيبالي راني جيت و خطبتك من قبل و منغير ما يقلي حد
ميسون ضحكت هههه ياخي هاك عرست بيا ديراكت شكون كيفكك
ضحكو الزوز
أيمن هي ونتي
ميسون : امممم ،شبيني انا
:انا حكيتلك علا روحي أما أنت ما حكيتش
:شنوة تحب تعرف
هبطت رأسها تأكل و هو يغزرلها
:انت...حبيت قبل
هبطتالفرشيتة و غزرتلو ، و بلعت ريقها
-لا
حك لحييتو و تبسم
-معناها ما صوحبتش قبل
-ههههه لا
-هههه حلو
و تبسم و رجع ياكل فرحان
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
