قامت تجري تنقز تضحك شايخة بالضحك و هو خالط عليها حالف بش يكسرلها راسها عالي عملتو فيه تي بهذلت بحالو
عياطهم عالي و ضحكاتهم اعلى
_ههههه وينك عاد وريني اش بشتعمل
يجري وراها في الصالة لين لقفها من حزامها و جابها في القاعة و جاء فوقها
ملي كانت تضحك وجهها حمار و دخلت بعضها تفرفط تحتو و هو شايخ عليها
خلي يعذبها كيما عذبتو
وجهها مش الوان و هو فوقها بدنو فوق بدنها ،
انفاسهم الي تخلطت
عينيه مركزين مع عينيها
رغم عنطزتها و هبالها الا انها خوافة و الخوف واضح ن عينيها
هزلها ايديها لفوق و كبس عليهم
زاد ركح بدنو فوقها و حصرها
وشوشلها في وذنيها
_شنعمل فيك انا تو
زادت دخلت بعضها كثر
قربو ليها هبلها
تلهث بالقوي و تبلع في ريقها بالسيف
_ش...ي ..ما... تع.م..لي شي
صوتها متقطع و خايفة اما رغم هذا الكل مستمتعة بقربو ليها خايفةاما متاكدة الى هو مستحيل يخمم يضرها
هو مسكين مش عارف كيفاه شادروحو عليها
على شفايفها الي يرعشو
و بدنها الطري الي يفرفط تحتو
مش فاهم روحو يلزمو يسيبها اما ماينجمش
حاجة اقوى منو مخليتو فوقها يعشق فيهاو مش منجم
يسيبها
نارو شاعلة هو يغزرلها تحتو
بدنو لهب معادش فيه
قربلهاغمضت عينيها بالقوي تبسم وزاد قرب شفايفو من شفايفهايحب يذوقهم
ما عرفش قداه قعد اكاكا شفايفو قريبة لشفايفها اما ما نجمش يوصللهم ويطفي نارو مبعد فاق ما يحبش غريزتو تسيطر عليه كيما كل مرة ، يحب يتعلم يحطها حد
ما يحبش يخسرها و رغبتو كا راجل تكون اقوى منو
تبسم و جبدروحو
يحب يخرج من الموقف الي تحط فيه
_قوم ريما جعت
قامت ضربتو على كتفو و تعدات
نفخ بالقوي و تنهد
حاير في روحو
مشاعرو تمردت عليه برشا بين ليلة ونهار
كان ما شدش روحو راو غلط اليوما ، كل وين يقربلها يحس روحو بش يغلط و يلقف روحو كان في آخر لحظة ، اليوم حب يتعلم يسيطر على روحو فالأول
طلع للبيت يحب يهدي روحو
ولا خايف عليها من روحو
معادش ضامن
روحو شينجم يعمل فيها
هبط يلقاها قاعدة عالرخامة ادندن و حدها ضحك و دخللها
_ااا شعملت
_ما عملت شي
_شنيا ما عملت شي مش قتلك جيعان
_ههه اي اي حتى أنا جيعانة
:مالا ازرب حضرلنا حاجة
_لا موش انا بش نطيب
_أيمن قحرلها
_انتي يا روحي
_ اا انت كثرت على ما وصاوك
ميسون هزت كتافها: الله غالب أنا ساقي مضروبة و تبسمتلو
أيمن موش حابب طريقك إستغلالو ليها خاصة إنو هو وراها لي يخاف عليها برشا
هز صبعو يحذر فيها
_شفت انا ما زالت ما جاتش للدنيا الي بش تتحكم فيا اما يحرزلك
الصبع تحت الضرسة
قام جبد الطنجرة و القلاية و يقص في الخضرة و هي باهتة فيه
في كل تحركاتو و بدنو
كل يوم يزيد يعجبها اكثر كل يوم تزيد تعشق فيه
اما عمرها ما اعترفت بيه لروحها و رافضة انها تعترف بهذا
تلفتلها يلقاها تتبسملو ببراءة
سرح مع عينيها و نسى غشو منها و قعد يتبسملها
مخدر بعينيها و ضحكتها
هما الزوز يحسو في احساس جديد اما رافضين انهم يعترفو حتى لرواحهم
هما الزوز في حرب ....
حرب القلوب💓
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
