قامت الصباح لقات روحها بين ايديه
معنقها و حاطها في حضنو كي الطفل الصغير
مكبش فيها كانو خايف عليها لا تهرب
قداش حست بالدفا و الراحة وهي بين ايديه
تشم في ريحتو و شايخة بدفا بدنو
كان راقد كالطفل الصغير
ركزت معاه كيما عمرها ما عملت
عينيه المسكرين و شوافرو الطوال،
لحييتو المستوية
شفايفو و الغمازات الي يضهر حتا من غير ما يضحك
تبسمت من غير ما تشعر و عدات صوابعها علا شعرو بخفة
عدات يدها علا لحييتو و ضحكت
فاقت علا روحها نحات يدها بزربة
وحاولت تتملص من بين ايديه
جبدت روحها وقامت مشات لبيتها
حلت الدوش ودخلت
********قام الصباح تكسل
حط يدو يفركس عليها مالقاهاش
هههه باز راي هربت اتكا عاافرش يتبسم
فرحان وزاهي
الليلة الي عداها وهي بين ايديه و في حضنو
وهي في فرشو وقريبة منو لدرجة كبيرة
مجرد الفكرة خلاتو فرحان
الاحساس هذا اول مرة يجربو
و يحسو و يستطعمو
اول مرة يذوق،طعمو
بالي عرف بنات من الانواع الكل
و رقد مع بنات من الانواع الكل
حسبحاجة جديدة معاها
حاجة مش فاهمها و ما يحبش يفهمها كي تجي للحقيقة
بدنها بين ايديه كان عندو طعم اخر
رغم الي ما صار شي بيناتهم وما ممسهاش و حتا ما وصلش يخمم انو يمسها
خاتر مش ايمن بن عمر الي يفرض روحو
علا طفلة
بالي بش تكون عاجبتو اي طفلة عمرو ما طيح من خشمو وتنازل
و عمرو ما بش يطيح و يتنازل
حك لحييتو وقام بش يبدل حوايجو
**********خرجت مالدوش بدلت حوايجها و هبطت حطت الفطور
هي تشرب في قهوتها و هو هبط يحكي في التاليفون و يريقل في الكرافات متاعو
لقات روحها مركزة معاه
مع الشوميز الي بس تطرشق علا بدنو و مفصلتو والي زادتو اغرا
لحييتو الي كل يوم
تزيد تعشقهم
عينيه الي لتوا لا فهمت لونهم
غزرلها و تبسم-صباح الخير
-صباح النور
غزرلها في عينيها
-رقدت مليح لبارح
وتبسم بخبث
قحرتلو تبسمتلو بتمقعير ورجعت تشرب في قهوتها
-ااا حقا اسمعني نسيت بش نقلك
-انشالله خير اش فما
-ليوما راو العرس
،عرس حيدر ماني حكيتلك عليه
-هااايه
-معناها بش تحضر روحك نجي 9
نهزك
شرقت في القهوة و غزرتلو
-لوين بش تهزني
غزرلها بتمقعير
-لغوانتانامو
-منيش نفدلك راو
-يا سلاك الواحلين مش قتلك عرس صاحبي
-اي صاحبك انتي انا شمدخلني
(ميسون تتمقعر)
: باهي ميسون كمل بلادتك في عقلك و مع ال٩ نلقاك حاضرة
:و قتاه بش نلبس تو أنا و وقتاه بش نحضر روحي
وراها المنقالة
وغزرلها
يحكي بكل برود و هدو
يشيخ علها كي تتنرفز
-توا ال8
وزيد عندك نهار كامل بش تحضر فيه روحك
وانا ماشين لعرس صاحبي مشللقمرة
ميسون تبسمت تبسيمت خبث
-مالا تو نلبس،روبتي الروج الي لبستها المرة الي فاتت
جبد النفس بالقوي و خزرلها: شوف هاني مزلت نوسع في بالي
عقدت حواجبها و غزرلتو
-و علاه لا
دخل بعضو و تمهمش
-خلاها و
خرج هز مفاتح الكرهبة ومشا
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
