هبطت الفاليزات وهبطت ...بعد ما لمتهم ...عطاتهم ...للي يخدو في الاوتيل بش يهبطهم للكرهبة...ومشات وين الرسيبسيون ...لقاتو واقف غادي بش يكمل يخلص ويروحو...بطبيعتو ليوم اخر نهار في الرحلة ومروحين ...غزرلها تبسم
-هيا كان حاضرة نمشيو ...بش ما نوخروش عالطيارة
-اي اي حاضرة سافا ...
..........
وصللو للدار .......ترمات عالكانبي ...وربعت ساقيها ...
-ايمن
حط الفاست متاعو وتلفتلها
-نعم
-تعرف ولله ما احلاها الرحلة...عالاقل كسرت الروتين ..قبل ما نرجع نقرا
-اي ياسر شبابة ...اما الي حاشتي بيه ما صارش ...
غمزها وطلع ....
وخرت راسها وحطتها شعرها ورا وذنيها ...شبيه هذا وشنوة الي حاشتو بيه ...بففف طول عمرو يحكي باللغاز
قامت .. .. تركح في الحوايج في بلاصتهم....
حلت الفاليز وخرجت البيكني ...قعدت تغزرلو وتتبسم ...
بدنها ..قشعر كي تفكرت نهارتها ....ما صار شي بيناتهم صحيح ...اما الاحساس الي حاستو وهي بين ايديه ...احساس تعشقو ...للاول مرة ..شافت رغبة في عينيه غير عادية...حستو شاهيها وهابل عليها ...اما هي ما نجمتش تسلملو روحها قبل ما تتاكد من حبو ليها ....
...خرج لاف منشفة في وسطو ...ومنشفة يشيح بيه في شعرو ....
غزرلها ...وغزر للبيكيني ...الي في يدها
-ميسون
سمعت صوتو ...كالي ضربها الضو ...رجعت الدو بياس في بلاصطو بربثة وقامت ...جات قدامو
-امم
قعد يضحك
-شبيك لاباس
-انا..هه لا لا حمدالله ..ايا نخليك
...هبطت تجري ...
قعد يضحك ...عليها ..تنهد بالقوي ومشا يبدل في حوايجو ...
هبطت وحطت العشاء ...وريقلت الطاولة ....
تلفتتلو ..راتو هابط ..ضحكت ...
-اي ايجا تعشا
-جيت ..يا ميسون جيت
قعد ...وبدا ياكل ....
-ايمن
جاوبها مغير ما يهز راسو ،...
-نعم
قعدت مدة ساكتة ...طلع راسو وغزرلها ...
-ميسون تحب تقلي حاجة ...
-اي
..-نسمع فيك
-لا
-لا ؟
-تي لا معناها اي
-،؟!؟.
حط يدو علا جبينها بتمقعير
-صغرونتي لاباس .هههه
-ايمن نحكي بالرسمي راني ...
-هاي احكي ...شديتك انا
رجع ياكل ...
-نرمين
قالت الكلمة وقعدت تغزرلو
طلع ...راسو ...عقد حواجبو وغزرلها ....
-شكون نرمين
-نرمين...نرمين الي مشات معانا للرحلة
-شبيها
-يخي ..انتي وياها....كنتو
-ميسون لوين تحب توصل ..اسال بوضوح وانا تو نجاوبك
-نرمين ....
-كانت صاحبتي ...وتوا معاد فما شي بيناتنا ...ونسيتها ونحيتها من مخي ...اذايا شحبيت تسال ...
-لا ...
قعد يغزرلها مبهم ...بش تدخلو وتخرجو في الحلة
-ااا مالا شحبيت تعرف ...
-كيفاه تعرفت عليها ....كيفاه وعلاه صوحبتها كان ما حبيتهاش ....
-ااا صاحبي ..شويا شويا ...عليا ..اذوما كل بش نجاوبك عليهم
-اي ...ايمن ..هكا فضول ..نحب نعرف
-حكاية ...وتعدات ...معناها زايد ...نعاودو نجبدو فيها ...وزيد انا ونرمين ما طولناش ..تي مام با عملنا شهرين ...مريقل ..
هبطت راسها تاكل ومزادت حتا ...كلمة ....
شافها اكاكا قلبو وجعو ...يعرفها تتبهنس اما ما يحبش يراها اكاكا ...ستانس بيها ديما تضحك...
وقف عالماكلة وهز راسو وغزرلها
-ما حبيتهاش ...عمري ما حبيتها...
شدت ضحكتها بالسيف وهزت راسها حست قلبها رفرف ...هزت اكتافها و غزرتلو
-نرمال حاجة تخصك....
-ولله لا عاد فاهمك يا طفلة....
-ههه نرمال ما تفهمنيش،خير ...
أنت تقرأ
❤️🔥🔞"جحيم جسد"🔞❤️🔥
Romantiekهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
