قعدو يمشيو وهي وراه ...كانت كل ما تمشي تغزر للبلايص و تزيد تبهت فيهم اكثر ...مبهمة مع الشلالات والخضار
سرحت مع الوردة ..عجبتها وتضربت فيها مش نرمال جبدها لون الروردة بطريقة غير عادية
مشاتلها تجري قعدت علا ركايبها وقعدت تغزرلها ومثبتة فيها ...نوع متع ورد اول مرة تشوفو ...وتكتشفو...قعدت تغزرلها مدة طويلة ..قطفتها وقامت فرحانة ...قامت وتلفتتت وراها تلقا روحها وحدها ......وحدها في غابة كبيرة ..دارت من الشيرات الكل ما تلقا كان الخلا ..ما لقات حتا حد ثن القروب ..حتا ايمن ما لقاتوش ...حست بروحها عكشت في بلاسطها...ساقيها معادش منجمة تاقف عليها من الخوف والرعب الي تحس فيهم ...قلبها تقبض ...ويدها بردت
...قلبها ضرب بطريقة غير عادية ..قدمت شويا وبدات تعيط اما مالقات حد..عيطت ...عيطت وما سمعها حد ..حست روحها وحدها ..عينيها ضلامت.ما نجمتش حتا تبكي من الغصرة والغصة الي تحس فيها ضاعت...ضاعت في الغابة وربي تستر
بدات تقدم وتفركس علا حد مالقروب،متاعها ..تفركس علا ايمن ..وينو تحبو معاها ...تحب تعنقو من الخوف الي حاستو ..خاطر عارفة ما يخرجها من حالة الرعب الي هي فيها ..كان تعنيقة منو
.............
تلفت ودار فقدها وحسها سكتت ...مش مستانسة تقعد ساكتة ثنية كاملة
مش مستانسة تقعد ما تضحكش وتفدلكش ...تلفت يفركس عليها مالقاهاش ...ذور وجههو في الجهات الكل ما لقاهاش
قلبو عصر عليه ووجهولخلخ
مغير ما يشعر عيط بالقوي
-ميسون
تلفتولو كل وغزرلو مش فاهمينو شبيه
-مروان ميسون لقدام؟
-لا ماهيش لقدام ..مش خليناها تمشي وراك
سايا معادش فيه ...من الخوف..اول مرة يخاف اول مرة ..يحس بالرعب بالطريقة هذي
وخر لتالي ورجع يجري يشوف ويفركس ...تقسمو كلهم يفركسو عليها
وهوبش يهبل،....مجرد فكرة انو ينجم يصيرلها حاجة تخليه يهبل ،،،مجرد التفكير انو يمكن يخسرها..بدنو يقشعر ويحس اعصابو تلفت..النفس ضياق عليه وهو يفركس عليها ..روحو معاها ..دنيتو ضايعة ويفركس عليها...يمكن يموت كان ما يلقاهاش ...مستعد يخسر كل شي ..الا انو يخسرها ..والا تتمس شعرة منها
قداش نقم علا روحو وكره اللحضة الي سيبها فيها
كيفاش غفل عليها وخلاها وحدها ...
يمكن كان يصيرلها حاجة مش بش ينجم يسامح روحو
دخل بين الشجر يفركس عليها ويعيط بالقوي
-ميسون...ميسون
حاس روحو بش يهبل ..كل ما يناديلها وما تجاوبوش ..يزيد يدخل بعضو اكثر
كل ما يزيد يقدم وما يلقالهاش اثر ..قلبو يزيد يعصر عليه ويهبل ...
يمكن اصعب احساس تنجم تحسو..وتتعدا بيه ..مش منجم يعمل شي ..يفركس ..يفركس ..وحاس روحو مشات معاها ...حاس ببدنو ..بش ايطيح...ايمن الي ما تهدوش الجبال ..حاس روحو بش تتهد ..حاس روحو بش يطيح عالقاعة ويبرك لوطا
صوتو بحاح من كثر ما عيطلها ونادالها...كبس في راسو بالقوي وعدا ايديه علا شعرو وتنهد تنهيدة تهد الجبال ...مخنوق مخنوق .وش منجم يسيطر علا روحو ...يلزمو يلقاها ...يلزمو يلقاها والا بش يهبل
تلفت سمع صاحبو
-ااا ايمن ما فماش
عمل براسو اي ..مش منجم حتا يتكلم ويقول ما لقيتهاش ..الفكرة اصلا مش قابلها هبط راسو وتنهد
-تو نلقاوها صاحبي ..اكيد تلقاها ما بعدتش برشا
أنت تقرأ
❤️🔥🔞"جحيم جسد"🔞❤️🔥
Romanceهيا girls , هاني جيتكم 🙋🏻♀️ نعرف بطيت عليكم برشا ،et surtout في كرونيك "عشق محرم" أذاكا علاش جبتلكم كرو شدو بيها ايديكم بش ما تبقاوش شايحين هي قديمة موش جديدة و⛔️ ماهياش متاعي ⛔️( موش عارفة مولاتها شكون أول ما نلقا إسمها نحطهولكم ) ♻️أما أنا نحت...
