العرافة (بالدارجة المغربية)🇲🇦🇲🇦

جزء 1

مدينة طنجة.جالسة العرافة رحمة
فوق الزربية.

وقدامها أوراق الكارطا وفي اليمين ديالها مجمر فيه لبخور .

دخلت عندها مراة .
وقالت انا لي إتصلت بيك لبارح وقالت ليك غادي نجي مع 10h  .

قالت رحمة انا عرفتك انك السيدة لي درتي معايا حيث انا كنخدم غير قليل وحتى حد هنا ماعرفني .

فقط الناس لي عندهم الرقم ديالي هوما لي كيجيو عندي بالميعاد وفي السر .

قالت المرأة حتى أنا خديت الرقم ديالك غير من عند الحاج إدريس لي جا عندك على ود القبول في المحلات التجارية ديالو .

قالت رحمة راه إتصل بيا قبل الإتصال ديالك وعلمني انك جايا لعندي .

حيث ماكنتعاملش مع لي ماكنعرفش وهذا أمر كيخصني ماعليناش شنو عندك أبنتي .

قالت المرأة جيت لعندك على واحد السيد مزوج وانا كنبغيه وبغيتو يتفارق مع مرتو ونتزوج بيه أنا وغادا نتهلا فيك .

قالت رحمة كاين شي حوايج أنا ماكنخدمهمش وهاد الامر منهم .

واش أبنتي على قلة الرجال صبري على الخبزة ديالك حتى يجيب ليك ربي ولد الناس .

قالت المرأة انا راه ماقدراش نصبر وكنتفقص ملي كنشوفهم بجوج كيتمشاو او كيضحكو.

قالت رحمة ملي جيتي لعندي دابا فطرتي ولا ماكتفطريش كاع .

قالت المرأة ضاروري غدا نفطر .

قالت رحمة فطورك أبنتي هو لي ماتقدريش تصبري عليه وماتفطريش اما الراجل تقدري تصبري وتشوفي غيرو .

قالت المراة بان ليا مامعاك كلام وخرجت .

بدا تيليفون ديال رحمة كايصوني.

جاوبت لقات أسيا.
لي هي شابة كتجي عند رحمة مرة مرة وكتساعدها في شغل الدار وكتساعدها ماديا  .

وقالت ليها أسيا انها غدا تدوز عندها من هنا لساعة .