وفي اليوم التالي دخلت اسيا تشوف الشهرية واش دازت ليها حتى لقات لفلوس أكثر من الشهرية ديالها وقالت انه كاين شي خطأ لقاتها وهزت تليفون واتصلت بي الباطرون
وقالت احمد راه لقيت الشهرية وقبل ماتكمل كلامها .
قال لباطرون اه وي نسيت معلمتكش أبنتي أني قررت نزيدك في الشهرية ديالك بي سباب العطاء ديالك وتفانيك في العمل.
قالت شكرا على التقدير ديالك للعمل ديالي .
من بعد ماخرجت الفلوس مشات زارت رحمة العرافة
وخدات ليها بعض الملابس والحاجيات .
دخلت عندها اسيا سلمت عليها وبداو كايتكلمو.
وسولتها رحمة على حسن.
قالت اسيا تلاقيت معاه وتعرفت عليه ومن بعد جاء خطبني من دارنا .
قالت رحمة علاش مقلتيهاش لي وهادي خبار كتفرح ومخبياها عليا.
قالت اسيا داز داك الشي بسرعة
وقلت حتى للعرس وتجي عندي.
قالت رحمة ماشي مشكيل الله يوفقك أبنتي لمهم تكوني فرحانة .
قالت اسيا امين أخالتي
بغيت نقول ليك شي كلام .
قالت رحمة قولي ابنتي واش غدا تحشمي مني .
قالت اسيا مؤخرا جا واحد الشاب كيخدم معانا سميتو سعد إنسان لطيف وجميل .
ومع التعامل معاه وتعرفت عليه أكثر لقيتو قريب ليا بزاف وساندني شحال من مرة وحياتي تحسنت معاه وحتى حياة بابا وماما .
و وليت معجبة بيه وماعرفتش ماندير .
قالت رحمة سمعي يابنتي حسن مايقدر يوصل لقدر ديال الحب ديالو ليك حتى واحد
وغادي يكون بيناتكم تفاهم وإنسجام .
وغادى تكوني سعيدة معاه وديروا وليدات وهادي هي الحياة أبنتي بسيطة وهي لي كيتمناو كاع بنات الناس وأكيد كتمناها أسيا.
الراجل جا خطبك ونتي وافقتي والأمر إنتهى .ماشي بي سبب الإعجاب ديالنا بي شاب شكلوا زوين نتخلاو على لي خاطبنا.
قالت اسيا عندك الصح أخالتي .
قالت رحمة ملي عندي الصح غادا تواعديني انك تنساي سعد.
قالت اسيا انا كنواعدك .
قالت رحمة واعديني ابنتي انك متفرطيش في حسن.
قالت انا كنواعدك منفرطش فيه.
وعطاتها اسيا لفلوس وخرجت وهي فرحانة وعرفت انها فعلا في ماكتحبش سعد فقط معجبة بيه حيث كايتعامل معاها مزيان وهو إنسان لطيف .
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
