كتمشى لعندو وكتقول
ملي قلتي لي حسن انك انت المسؤول الاول في غياب الباطرون كانتي صادق وانا كدبتك.
وبقى كيشوف فيها وساكت .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقفت حداه وقالت علاش انت ضحيتي بي جزء من مالك وعطيتيه ليا
وعلاش خايف عليا نتقلق
قول ليا حتى مرتك مايمكنش دير عليها هاد الشي كامل.
قال بصوت ضعيف وحزين عاملتك بي هاد الشي حيت اول ماجيت لي الفندق وقفتي في جنبي وقدرتيني انا كنرد ليك غي خيرك انا ماكنبغيش حتى حد يكون ليه الفضل عليا.
شوفي راسك خارجة عندي لزنقة ونتي كتبكي واش ناسيا راسك راك مخطوبة .
غضبت وبدات كتمسح دموعها وقالت حتا انا من هاد اللحضة مابقيتش نبغيك.
وانا كنعرض عليك لعرسي وغادي تجي العرس عندي
وغادي تبقا حتى يسالي العرس.
إلى ماجيتيش غادي نعرفك كتحبني.
وإلى جيتي بقى حتى يسالي العرس باش تشوف الإنسانة لي كتبغي مزوجها واحد غيرك وتتألم كيفما تألمت أنا.
وإلى كنتي فعلا ماكتحبنيش فا غادي يجيك الامر عادي واش موافق.
قال أه موافق.
وهي تمشي بقا كايشوف فيها ومتألم قال في نفسو
عطاك ربي بلاصة في قلبي
مهما ديري وقليل فيا
انا عشقتك وحملت عذابي
نبغيك بزاف بالسيف عليا .
اش داني لوحدة مخطوبة .
وتبسم مع الألم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دازت الايام ووصل يوم العرس.
دارتو اسيا في اكبر قاعة أفراح في طنجة.
وبدات التحضيرات من الصباح .
وصلت السابعة بداو كيجيو الحضور وصلت التاسعة كلشي جاء ماعادا سعد.
وأسيا كتطل على القاعة من المكان المخصص ليها وكتسنى تشوف سعد مبانش وعرفت بلي كيبغيها مقدرش يشوفها مزوجة قداموا من واحد غيرو.
وفي اللحضة لي ردت الستار ديال النافدة ومابقاتش كتشوف في القاعة.
دخل سعد هو ورحمة لابسين مزيان ومتألقين في إختيار الملابس.
شاف أب أسيا سعد فرح ومشا عندوا وقال ولدي سعد مرجبا بكم وأخدهم الي المكان المخصص ليهم .
ودخلت أسيا وحسن وبدات الفرقة الموسيقية .
جلسوا الزوجين في المكان ديالهم و أسيا كتقلب واش جا سعد وهو يبان ليها كيتكلم مع الناس وكيضحك عرفت بلي فعلا هو مامسوقش وأنه ماكيحبهاش.
وبدات حتى هي كتبسم مع كل من شاور ليها بي يده.
أسيا كانت طلبت من منضم الحفل انها تعشى مع الحضور ماشي مع راجلها بوحدهم.
و وصل وقت العشاء جات لي الطبلة المخصصة ليها والعائلة الصغيرة.
والفرقة الموسيقية مشات إلى المكان المخصص لها باش يتعشاو وشغلو الديدجي اثناء العشاء .
بداو الأغاني كيدوزو وهي تطلع الاغنية ديال الشاب نصرو
أعطاك ربي بلاصة في قلبي مهما ديري وقليل فيا أنا عشقتك وحملت عدابي نبغيك بزاف بي السيف عليا .
تذكرت أسيا ملي كان كيغنيها سعد وهي تهز راسها تشوف فيه.
حتى هو ملي سمع الاغنية هاز راسو وبدا يشوف فيها ويذكر ملي كان يغنيها ليها.
وبقى كيشوف فيها ويسمع الاغنية مقدرش يصبر تلفت في اليمين واليسار مابان ليه حتى حد كيشوف فيه ناض خرج لباركو.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
