قال سعد واش ممكن تسمع مني إقتراح للفندق .
قال لباطرون حنا هنا أولدي عائلة وانا الهذف ديالي نزيد نطور الفندق أكثر قول أولدي الإقتراح ديالك .
قال سعد مثلا شركة ماكدونالدز في البداية الأولى ديالها كانو كيبيعو البرجر ومعاه بزاف ديال الأشياء كانت المداخيل ديالهم متوسطة ولكن ملي ولاو مختصين فقط في البرجر وطوره حققو مداخيل خيالية.
قال احمد عندك أولدي الحق سبب النجاح ديالهم هو البرجر واخا دابا زادو عليه بعض الأشياء.
قال سعد بصح مؤخرا زادو عليه أكل ثاني.
لمهم نساو امريكا ونرجعو لبلادنا.
لباطرون تبسم.
وقال سعد نكمل ليك كلامي في الأحياء الشعبية كتلقى واحد عندو محل ديال الأكل.
كايدير فيه لوبيا والحوت .ولكميلة .والطواجن .
في الغالب ماكيكونش ناجح .
وكتلقى شخص عندو محل كايكون مختص في حاجة وحدة وكيطورها كايكون ناجح أكثر.
مثلا كايكون كيبيع فقط الحوت مقلي.
كلشي الناس كايقولو ياله نمشيو عند مول لحوت .
وكذالك لي كايكون مختص في طواجن .
وفي الغالب الناس ماكيقولوش ياله نمشيو ناكلو عند داك المحل لي كايبيع كلشي وكايمشيو عند الشخص المختص في أكلة معينة حيث كايكون متميز فيها .
قال لباطرون وي عند الحق غير ان الفندق طريقة العمل ديالو ماشي بحال المحلات .
قال سعد انا متافق معاك كل مكان والطريقة العمل ديالو ولكن الطريقة الناجحة هي الأولى انها تطبق في جميع المحلات .
قال لباطرون وشنو المعمول أولدي دابا .
قال سعد نتا ملي كيجيو الناس ديال الإسبان كتوجد الأكل الإسباني .
وكذالك الدول الأخرى كتوجد ليهم الأكل الخاص بيهم .
انا إقتراحي ان هاذ الفندق يختص فقط بي أكل واحد
مثلا الأكل الإطالي ويطيب جميع الأصناف ديالو هذا أفضل .
ودير إشهار عند المختصين للفندق ديالك .
وحتى الأجانب غادي تكون عندهم فكرة على الفندق ديالك من ناحية الطبخ .
وغادي يقولو نمشيو للفندق لي كيطيب الأكل الإيطالي او الإسباني مثلا .
الباطرون قال الفكرة ديالك عجبتني وصراحة حنا الناس لكبار خاصنا نتركو المجال لي الشباب والأفكار ديالهم لي كتواكب العصر لي حنا فيه .
تبسم سعد وقال بالعكس حنا محتاجين لناس لي أكبر منا راه حنا كنتعلمو غير منكم.
قال لباطرون الله يرضي عليك أولدي سعد .
مع مرور الوقت لباطرون دار بكلام سعد وتزاد النجاح ديال الفندق.
وقرر باش يدير لسعد نسبة من المدخول ديال الفندق .
عيط لباطرون على سعد للمكتب ديالو بدون ماتشوفو آسيا .
جا سعد ودخل للمكتب الباطرون رحب بيه .
وبدا يتكلم معاه وقال لباطرون من ليوم أولدي سعد ماغديش تبقى تغسل لماعن
غادي تولي غير مراقب للفندق وكنتشاور معاك في الأمور ديال الفندق وغادي ندير ليك نسبة من مدخول الفندق حيث الأفكار ديالك ساهمت في نجاح الفندق أكثر.
سعد بان ليه انه غادي يبعد على اسيا بهاذ التكليف لي عطاه وهو يقول انا خاليني غير كيفما كنت ودير ليا النسبة لي قلتي الله يكثر خيرك .
تبسم لباطرون وقال شوف نتا أولدي الأمر لي رتاحيتي ليه .
قال شكرا ليك وعندي طلب من النسبة لي درتي ليا زيد لي اسيا في الخلصة ديالها
راه ساعدتني بزاف حتى وصلت لهاذ الشي لي درتي معايا دابا .
قال لباطرون هاذ الشي باش كتعجبني أ سعد ولد أصيل تبارك الله .
وسعد قال ليه ماتقولش اني انا لي زدتها من عندي خاليها تعرف انك نتا لي زدتيها من عندك .
داز اليوم وفي الغد جات اسيا عند سعد وقالت ديالمن الشعر لي قلتي داك النهار باش كنت كنبكي.
قال سعد ديالي.
تبسمت وقالت وا سعد را الشعر لي قلتي قريناه باش كنا صغار
واو اش كدير لكدوب.
قال ماكتيقيش بيا شغلك هذاك شحال فيك ديال الحسد .
سمعي سمعي لكلام كيف داير . وهو يقول الإهتمام اهم من الحب .
فلو خيروني بين الحب والاهتمام سأختار المال وتبا لهم جميعا.
قالت وهاد لكلام ديالك.
قال سعد لا ديال جوني ديب الممتل الأمريكي المعروف .
قالت عارفة غير بغيث نشوف واش غا تكذب عوتاني .
قال كون عرفتك معرفاش كون قلت ديالي.
وهي تبدا تضحك.
مشا كل واحد لمكان العمل ديالو .
بعدما انتهى الدوام أسيا مشات لدارها بعد 3 ساعات تفكرت شي حوايج في الخدمة ورجعة في الليل للفندق في الطاكسي.
نزلت من طاكسي وهي جايا لباب كتشوف من بعيد سعد مريح في البرد مع المتشردين وكيعطيهم الماكلة لي كياخد من فلوسو وكان كيقول ليهم كنكلها أنا.
وهو يشوفها سعد وجاء عندها
عرفها شافتو كيعطيهم لماكلة وقال لماكلة لي كناخد بي نصف التمن كنبيعها ليهم زايدة باش نستفد حيت الشهرية ماكتقدنيش.
قالت انت كتكذب هما ناس متشردين مين غادي يجيهم لفلوس .
وهو يدوز واحد من المتشردين وقال الله يخلف عليك ا سعد ديما كتكرمنا الله يكرمك .
سعد حس بالإحراج وقال وهو متأثر انا عشت غير في الخيرية وماعنديش لوالدين ديالي .
فين ماكيتعامل معايا شي حد مزيان كنقدر داك الشي بزاف انا عارف الإحساس ديالهم دابا.
وهاد الناس ماحتاجين وانا كنحاول نساعدهم ولو غير بشويا ديال الماكلة.
ثأثرت ملي عرفاتو عاش غير في الخيرية وقالت انت إنسان نقي وانا فخورة اني عرفتك الله يكثر من أمتالك ومشات دخلت للفندق.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
