رحمة تفاجأت وقالت اهلا أ ولدي .
سعد ماتسوقش لترحيب ديالها وقال
دابا آسيا مخطوبة من شخص اخر.
واش بغاها تفسخ الخطوبة ديالها وتزوج بيا انا باش يتحقق كلامك .
بقات ساكتة .
وكمل كلامو وقال واش نتي ماكتخافيش من الله سبحانه
شنو ذنب داك السيد لي جا خطبها على سنة الله ورسوله.
قالت انا هادي هي الخدمة ديالي باش كنعيش .
قال واش على قلة لخدامي كتعصي الله وتلعبي بالناس وتكذبي عليهم باش تاخدي منهم فلوس حرام.
قالت صافي هاذ الشي علاش جاي لعندي إوا كملتي كلامك ونوض خرج .
وخرج وهو غاضب ومشا الفندق.
ودازت 5 أيام وجا الباطرون .
مشات لعندوا اسيا قالت بغيت نسولك أ احمد .
قال مرجبا قالت فين تلاقيتي سعد اول مرة .
قال لقيتوا ناعس حدا الفندق بان ليا شاب جميل ماشي ديال التكرفيس وتكلمت معاه لقيتوا شاب متقف وخدمتو هنا .
قالت شنوا كان لابس قال جاكيط أسود و سروال أبيض وتوسخوا ليه وماعندوش فاش يبدل حيت قال ليا تسرقت ليه المحفضة في المحطة.
قالت شنوا كان اليوم لي تلاقيتي فيه معاه .
قال لباطرون كان الخميس في الليل كان عندك نتي ديك الساعة كونجي.
قالت باش خدمتيه معانا بشي ديبلوم او شي وتيقة .
قال لا هو مكان عندوا حتى وتيقة كان جاي لطنجة غي باش يحرق إلى الغربة وعاد قديت ليه الاوراق
قال ليا سميتي سعد وعايش في كازا .
وعلاش كتسولي هاذ الشي كامل .
قالت غي بغيت نتعرف عليه أكثر.
قال الباطرون سعد يليق بك أ اسيا.
تبسمت وقالت شكرا لك .
وخرجت ومشات عند سعد
وقالت انت حسن.
قول الصراحة راني عرفت من الباطرون كلشي.
قال اه انا حسن وجيت من الرباط كنت دزت لكازا عند صديق ودعتو بزربة وجيت لطنجة نهار لخميس لي كنتي فيه كونجي صافي هاد الشي لي باغا.
قالت انت كتحبني وكتراوغ مابغيش تقول الصراحة.
غضب وقال واش باغا تحمقيني فقط حيث عرفتي مين جيت يعني كنحبك إلى كنتي كتشربي شي دوا
راك نسيتي مشربتيهش ليوم وخرج بعد عليها.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
