دازت 3 ايام .
جا الاب ديال اسيا في السيارة ديالو عندها باش يشوفها.

دخل عندها للمكتب سلم عليها وبقا كيتكلم معاها.
جابت اسيا أتاي والحلوة وكملو كلامهم .
خرجت معاها اسيا حتى وصل لسيارة ديالو توادعت معاه .
ورجعت بقات مع الشيفان .
سعد كيشوفها ماشي نورمال .
مشاو الشيفان باش يتغداو.
وسعد مامشاش يتغذى وجا عند اسيا.
قال قبل مايجي السيد كنتي عادية وملي جا وخرج تبدل حالك مالك .
قالت هداك بابا وسكتت .
قال كملي كلامك مالك سكتي .
قالت غير امور عائلية ماكاين لاش نبرزطك بيها .
قال انا زميل ديالك في العمل وكنعتابر كاع لي خدامين هنا عائلتي غير خودي راحتك وتكلمي ربما نساعدك .
قالت بابا مخاصم مع ماما مامطلقينش وماكيجيش لدار أكثر من 7 سنوات قالت وهاذ الامر مأثر عليا في حياتي .
قال واش ممكن نساعدك .
قالت وشنو غادي دير باش تقنعو نتا راك مزال ماكتعرف بابا.
تبسم وقال حتى باباك مازال ماكيعرف سعد .
قالت راك تايق في راسك .
قال اكيد والتيقة ديالي هي لي خلاتني ندخل عندك للمكتب ونقدم ليك النصيحة المرة لي فاتت .
تبسمت وقالت واخا نشوفو سعد شنو غادي يدير .
قال ملي تدوز 3 أيام عيطي عليه يجي عندك لفندق .
دازت 3 أيام جا اب أسيا ودخل عندها للمكتب .
سعد كان كيغسل لماعن بان ليه باباها دخل وهو يتعطل شويا ومشا لعندهم دق عليهم وقالت أسيا دخل .
دخل سعد سلم على اسيا
وسلم على الاب .
والاب قال انا أولدي الاب ديال أسيا .
قال سعد ان أعمي مدير الفندق وتبسم وقال غير كنضحك اعمي انا كنغسل هنا غير لماعن.
تبسم الاب وقال ماشي عيب أولدي لمهم هو الرزق يكون حلال .
قال عندك الحق أعمي بغيث أعمي نتكلم معاك على موضوع كيخصك .
الأب تعجب وقال مرحبا أولدي .
قال سعد شنو لي كيخليك انك تبقى بعيد على دارك .
قال الأب هذاك موضوع طويل أولدي .
قال سعد ماغديش نقول ليك قول ليا المشكل ديالك ولكن مهما كبر المشكل .
غادي يكون أصغر من أنك تخرج من دارك أكثر من سبع سنوات بدون رجعة .
ديرني أعمي بحال ولدك وقبل مني النصيحة.
قال الاب قول أولدي انا كنسمع ليك.
قال سعد الحياة أعمي قصيرة
والإنسان ماكيعرفش واش يموت ليوم او الغد او الأسبوع الجاي .
شاف سعد في أسيا وقال ماتخليش
بنت كتكبر بوحدها بدون اب.
دابا هي كتجي في الصباح الى العمل ديالها وكتبغي تسمع من الاب ديالها الله يسهل عليك أبنتي ماكتلقاهش .وملي كتجي من العمل لدار كتبغي تكلم مع باباها ماكتلقاهش والبنت كتحتاج الاب ديالها في كل امورها ولكن اسيا ماكتلقاهش معاها .نتا أعمي ربما ولا يجيك الأمر عادي انك بعيد على دارك .
ولكن كل يوم كايدوز وهاذ البنت كتألم
فيه كونها كتحس بالوحدة ولو ان الام دياها معاها وألم ثاني ان الأسرة ديالها متفرقة وكل حد في جيه .
اسيا بدات كتبكي والاب شافها كتبكي وتأثر .
وشاف سعد في اسيا كتبكي وقال حتى لي أي وقت غادي يبقاو ينزلو هاذ الدموع من بمتك بسبب ذنب مادرتوش هي ولكن كتعاني كأنها هي السبب وشاف سعد في الأب وقال سمح ليا أعمي طولت عليك ولكن قبل مانمشي عندي ليك سؤال واش تقبل ترجع لمرتك .
الاب بقا ساكت .
وسعد قال إذن نتا ماقبلش وهو يتم خارج .
الاب شاف في بنتو مزال كتبكي وقال اه أولدي نقبل.
سعد فرح ورجع وقال الامر دابا ساهل .
قال الاب نتا أولدي مازال ماكتعرف مرتي .
تبسم سعد وقال ماشي سعد أعمي لي كايتقال ليه هاذ لكلام . تبسمت أسيا .
وكمل سعد كلامو وقال النساء ولو يوصلو للغضب لي ماكيتصورش على لبال .
يقدر الراجل غير بكلمة منو او تصرف لطيف منو إتجاهها كأنه حيد جبل من فوق راسها .
رغم القسوة لي كاتشوف من زوجتك
فا في داخلها لطافة ماكتصورش .
لمهم بلا مانكثرو لكلام وفي الحقيقة راه كثرنا لكلام .
وبداو كيضحكو .
تبسم سعد وقال هاذ الشي لي بغيث نشوف الإبتسامة في وجوهكم .
عندي ليك خطة خود أعمي الكدوات بحال لي كنتي كتجيب لمرتك في بداية الزواج
وعطيهم لي اسيا تفتحهم لماماها ومتدخلش نتا
حتى تفتح اسيا لكدوات.
ودخل طلب من مرتك السماحة.
دار الاب هداك الشي لي قال سعد ورجعت العلاقة مزيانة مع بعضهم من جديد.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
