العرافة (بالدارجة المغربية)🇲🇦🇲🇦

الجزء 17

 سعد سمع بي ان الشباب ولاو كيمشيو عند العرفات غضب ومشى عند رحمة.

دخل عندها.
قال ليها بي سبابك غادي يفسخ حسن الخطوبة
وبي سبابك غادى تدمر أسيا وحسن والأسرة ديالهم.

علاش كديري بحال هاكدا كاع الناس ولاو عارفين انا العرفات كيستاعنو بي الشياطين علاش متخليوش الناس يعيشوا حياة طبيعية ماتدخلوش فيها بي الكذِب ديالكم .

بي سبابكم غادي الشباب يضعف الإيمان ديالهم.

سعد دمعتو نزلت وقال بصوت ضعيف علاش  كديري هاكدا الواليدة .

ملي سمعاتوا قال الواليدة متمالكتش راسها وبدات كتبكي
وقالت بي صوت ضعيف مع البكاء أنا أولدي معنديش حتى واحد لا أبناء ولا زوج ولا عائلة وانا غير كارية ومكنلقى مانكل إلى  من هاد الشي لي كندير او تساعدني أسيا
وانا كبرت على الخدمة.

أترث فيه وقال سعد  ربي كبير
غير حبسي الواليدة هاد الشي وتعيشي معايا في البرطمة ديالي
مايخصك حتى خير.

حتى أنا معندي حتى حد الا الله سبحانه ديريني بحال ولدك وسكني معايا.

.بقات ساكتة .

وقال هاد الشي راه غادي يحاسبك عليه ربي سبحانه
بعدي من هاد الشي
وعيشي معايا بحال لواليدة ونعيشو بالفلوس ديال لحلال .

وافقت ومشات عاشت معاه ومبقاتش كتقوم بي عملها.

 مشى سعد إلى الفندق بقى خدام وهو يجي عندوا أحد الطباخين

قال ليه سعد تكلم لي اسيا في المكتب.
مشا سعد عندها ودخل.

قالت سعد نديرو انك ماكتحبنيش شنو العيب لي فيا خلاك ماكاتحبنيش.

قال سعد أسيا خالينا من هاد لكلام نتي راك ماشي في سن المراهقة نتي راك وليتي مراة.

قالت ونتا دابا علاش كتهرب من الجواب غير جاوبني .

قال غادي نجاوبك بلسان شخص مراهق ماكنحبكش حيث قلبي ماشي بي يدي هو كل مرة لمن كيميل.

قالت ولو كان قلبك بيدك كنتي غادي تحبني .

بدا كيضحك وقال والله إتا ضحكتيني.

قالت انا راه كايبان ليا الامر منطقي مدام كتعامل معايا مزيان فأنت كتحبني.

  وهو مستمر في الضحك
وقال على  أي منطق كتكلمي عليه واش منطق مرسي الزناتي في مدرسة المشاغبين فيقي أ اسيا راه حنا مكنمتلوش في المسرح راه
حنا في حياة يا إما تعيشيها أو تعيشك هيا.

كل مرة نضحك مع بنت تقول سعد كيحبني.

كل ما أقول لبنت أنتي جميلة تقول سعد كيحبني.

كل مانعامل بنت بي لطافة كتقول سعد كيحبني سكت شويا وقال  أسيا سيري عيشي حياة طبيعية وخلي عليك الأفلام وخرج .