وجات اسيا عند سعد .
وقالت ليه واش مكتعياش من لكذوب كاتقول لحسن انت المسؤول الاول في غياب الباطرون
وعندك النسبة في الفندق وكتكذب ونتا مرتاح واش ماكتحس بوالو ونتا كتكذب .
قال سعد شنو بغيتي نقول ليه أنا لي كنتسخر ليهم وكنغسل لماعن نطيح من قيمتي وهو اصلا علاش غادي يطرح عليا هاذ السؤال
عارفني كنخدم في الفندق وصافي.
قالت انت إنسان كتكدب وغادي تبقا ديما كتكذب.
قال سعد رغم الغضب لي في عينيك انتي إنسانة لطيفة وغادى تبقاي ديما إنسانة لطيفة وهو يدور ومشا ومشات وهي غضبانة .
وفي الغد بقات مأثرة بي الجملة لي قال سعد وحارت.
وهي تمشي عند رحمة العرافة.
دخلت عندها اسيا وسلمت عليها وقالت اسيا جيث أخالتي باش نسولك على المدينة لي جا منها حسن.
قالت رحمة جا أبنتي من الرباط ياك الأمور هانيا او عندك شي مشكل .
تبسمت اسيا باش تغطي على الحيرة ديالها وقالت لا غير حيث ماعمري سولتك على هاذ الأمر وبغيث نعرف وصافي .
قالت رحمة ماشي مشكل ابنتي مرحبا.
ومشات اسيا لدارهم .
في الغد جات اسيا للفندق
ومشات عند سعد وقالت سعد واخا نسولك .
تبسم سعد وقال شكون لي منعك .
قالت مين جيتي أ سعد لطنجة .
قال سعد من كازا.
قالت انت فيك لكذوب مغاديش نتيقك .
قال سعد شغلك هداك علاش كتسولي.
قالت غير بغيت نعرف.
قال بما انك سولتيني فأكيد كاين شي امر وملي قلتي فقط بغيثي تعرفي هذا كيبين انك كتكذبي وماشي غير سعد لي كيكذب وهو يضحك .
اسيا تبسمت ومشات دخلت للمكتب واتصلت بي حسن قالت كنت مريحة وجيثي في بالي وقلت اواه انا ماكنعرف حتى حسن مين جا لطنجة وبغيث نسولك فين كنتي كتسكن قبل من طنجة.
حسن إستغرب من سؤالها وانها في الصباح وكتسولو على السكن ديالو
دار ليها خاطرها وقال كنت كنسكن في الرباط وقلتها لك ديك المرة واش نسيتي .
قالت اه نسيت سبحان الله .
قال واش نتي بخير المور هانيا.
قالت اه وي الحمدلله غير سولتك وتأكدت ان حسن هو لي قالت العرافة .
ومشات عند سعد وقالت بما انك نتا كتقبل مني كل الأسئلة وكتجاوبني غادي نسولك سؤال كيتعلق بحياتي وغادي تجاوبني بلا كذوب
سعد واش انت كتحبني.
تفاجأ من كلامها وهو يدير راسو مامسوقش وضحك وقال
غادي نقول ليك كلام وانا كنتأسف ليك هذا هو أغبى سؤال كنتسأل عليه في حياتي .
قالت وا غير جاوبني .
قال سعد واش قلت لك اني كنحبك.
قالت لا.
قال سعد انا ماحبيتكش حتى وانا ماعرفكش مخطوبة باقي غير دابا ملي عرفتك مخطوبة.
قالت صافي مزيان وسمح ليا على هاذ السؤال ومشات وقالت اواه دابا عاد رتاحيت.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
