العرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔.
مقت...
جات اسيا لخدمة وهي فرحانة ان الامور العائلية ديالها تصلحت .
مشات عند سعد سلمت عليه وقالت ماعمري ننسى خيرك بابا رجع لماما.
قال سعدالحمدلله.
قالت فعلا نتا يتيق فيه الإنسان .
قال شكرا ليك على هاذ لكلام .
وتمت غادا للمكتب وبقا يشوف فيها وقال في نفسو انا صلحت بيناتهم فقط باش ملي نجي لداركم نخطبك .نلقى باباك في الدار ونخطبك من عندو ماشي نخطبك من عند ماماك .
سعد ماكيخطبش النساء من عند النساء وهو يتبسم .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
داز أسبوع وجا الباطرون عند اسيا وقال ليها غادي يجي وفد من الارجنتين في الغد والطلب ديالهم هو الاكل الإطالي ونبغيك أ اسيا تحمري ليا وجهي وتكون الاطباق متميزة بحال الاكل الأسيوية لي درتي المرة لي دازت انا راني كانتيق فيك .
قالت شكرا على التقة ديالك وإن شاء الله مايكون غير الخير .
الله يوفقك أبنتي .
وفي الغد جات آسيا قبل من الخدامة وبدات كترتب الأفكار ديالها باش غادي تبدا والاكل لي غادا توجد مع الشيفان من بعد مرور ساعة .
جاو الخدامة الى الشاف ديالهم دار حادتة سير.
وصل الخبر بحال الصاعقة على اسيا حيث هو الشخص المتميز في الطبخ الإيطالي.
في ديك اللحضة كيدخل سعد وهو كيغني .
شافتو اسيا وجات لعندو شاف الخوف فيها وماقال والو .
وهي تقول سعد راني عندي مشكل كبير.
قال عليك بالخيط لبيض.
بعدت منو وبقات شادة في راسها .
وهو كاع ممسوق وكمل الغناء ديالو وكايقول.
نقل فؤادك حيث شئت من الهوى ***ما الحب إلا للحبيب الأول
كم من منزل في الأرض يألفه الفتى
***و حنينه أبدا لأول منزلِ.
وبقا كيعاودها.
شافتو كاع ممسوق وتعصبت وبركت في الدس على رجليها وبدات كتبكي.
شاف فيها بركا .
قرب حداها وبرك قدامها في الدس على رجليه وتقابل مع وجهها وقال ببرودة الى كان عندنا مشكل كنواجهوه ونحاولو نحلوه ماشي كنبركو في الدس ونبداو نبكيو .
قالت وهي كتبكي مقدراش تخرج الهدرة راه الامر ماشي بالسهولة لي كتصور راني إلى فشلت في هاد الطلب غادي يطردوني .
بقات فيه من الطريقة الطفولية لي كتبكي بيها وكتكلم وقال بصوت ضعيف انا هنا تيقي بيا و متخافيش غادي ندير المستحيل باش مانشوفش هاد الدموع مرة اخرى.
دار شاف في الخدامة لقا كلشي كايشوف فيه حشم وناض ومد ليها يدو باش ينوضها .
غير مدت يدها جر يدو وبدات كتضحك وكلشي كيضحك .
سعد بدا كيوجد الأكل الإيطالي وكلشي كيعونو.
وهو كيخدم بزربة .
اسيا كاتشوف فيه وعرفت انه محترف في الطبخ من خلال السرعة ديالو وضبط المقادير .
بقا كيحضر في الأطباق حتى كمل وعطا لي اسيا والخدامة يذوقو من الأكل . عجبهم وبداو الخدامة كلشي كيصفق عليه.
قالت اكي غادا نقدم ليهم الاكل ونرحب بيهم بي الاسبانية.
قال سعد واش ممكن تقبلي اني انا نقدم الاطباق ونرحب بيهم .
قالت وهي متفاجاة واش عندك اللغة الإسبانية .
قال اه عندي .
قالت واخا نتا دير هاذ المهمة الله يعونك .
قال آمين .
مشا لمكان المخصص لضيوف ياله بغا يدخل من الباب وقال ربي يسر لي أمري.
بدأ كيقدم الاطباق وشويا بدا كيتكلم على عضماء الارجنتين بحال تشي جيفارا و مرادونا والارجنتنين عجبهم الحال والباطرون عجبوا الحال.
وعيط الباطرون على اسيا باش يشكرها على الطبخ وانه كان لذيذ وطريقة تقديم الاطباق كانت رائعة .
جات اسيا .
وبدا يشكرها وقاطعاتو وقالت ماشي أنا لي طيبت راه سعد هو لي طيب.
الباطرون تفاجأ وقال ماقلش ليا انه محترف في الطبخ .
عيط على سعد وقال ليه انت كتعرف طيب وماقلتي ليا والو .
تبسم سعد انا جيت الى طنجة فقط باش نحركَْ إلى اروبا ماباغيش نعيش في هاد الارض .
قال الباطرون غير بقا اولدي معانا ونعطيك أكثر ملي يعطيوك في اوروبا نتا تبارك الله عندك اللغات وطباخ ماهر وباغي تبقى تعاني مع الحريكَْ شوف واش توصل الى اوروبا او تموت وسط البحر .
سعد كاعما مامسوق لكلامو ولكن جا في بالو اسيا وهو يقول واخا أ احمد مايكون غير الخير .
