في الليل سعد مريح مع واحد من المتشردين لي كيجيب ليهم الأكل.
وقال سعد عمي إدريس بغيث نسولك .
قال إدريس سول أولدي .
قال سعد واش ممكن شاب يحب وحدة مخطوبة .
قال إدريس هاد الشي أولدي ماشي من الرجولة وعلى قلة لبنات.
راه بنات الناس موجودين خاص غير بنادم يتقدم ليهم .
قال سعد عندك الحق أعمي .
قال إدريس ونزيدك أولدي راه الرسول عليه الصلاة والسلام كايقول لايخطب المؤمن على خطبة أخيه.
واش نتا أولدي سعد كتبغي وحدة مخطوبة.
قال سعد اه.
قال إدريس نتا أولدي إنسان طيب وكريم وهاذ الأمر ماخصوش يجي منك شوف أولدي سعد انت دابا بين 2 إختيرات إما تبعد من البنت وتطيع نبيك .
وإما تستمر في حب البنت وتطيع قلبك.
سعد قال انا اختار طاعة النبي ديالي عليه الصلاة والسلام.
تبسم إدريس وقال هو هذا سعد لي كنعرف الكرم والرجولة.
داز أسبوع ومشات اسيا عند حسن تلاقات معاه في المقهى قالت ليه على الكلام كامل لي قالت ليها رحمة.
وهو تصدم.
وقالت بي انا الشاب لي تكلمت عليه رحمة هو سعد
وانا غلطت وكيصحاب ليا انت المقصود.
ملي جيتي نهار لخميس انا كنت في المحطة كنتسنى الشاب لي قالت ليا رحمة
وملي شفتك ضنيتك انت ومقدرتش نتكلم معاك ومشيت حتى جيتي سولتيني.
لخص ليك لكلام انا باغا نفسخ الخطوبة أنا منقدرش نعيش بلا سعد انا كانشوف السعادة فقط معاه هو في بالي مسيطر على تفكيري أنا صادقة معاك.
وغير سمح ليا انا عارفة بلي جرحتك.
قال حسن وهو متأثر أنا كنحبك لكن إلى كان كيبان ليك نفسخوا الخطوبة أنا موافق غير خلي حتى يكمل هاد الشهر وتكوني مرتاحة حيت كيبان ليا متوثر ومعرفاش أشنو ديري.
خرجت اسيا من المقهى ومشات لدارها وفي الغد مشات الفندق بكري دخلت مشات عند سعد .
قالت ليه سعد انا باغاك تكون راجلي ديال لحلال وراني غادا نفسخ الخطوبة مع حسن.
بقى كيشوف فيها بي تعجب.
وقال اشنوا كتقولي واش مقدرة أش كتخرجي من فمك.
قالت اه وحتى انت كتحبني ونبرهن ليك هاد الشي.
قال سعد انا كنسمع برهني ليا.
قالت علاش مشيتي على ودي لعيد ميلاد ونتا كتكره الحفلات.
وعلاش كاتعملني مزيان وديما كاتوقف معايا ملي نحتاجك.
قال حيث انا مربي .
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
