ملي قربت لدارهم نزلت باش تقدا بعد الحاجيات.
وهي راجعة لدارهم كتسمع صوت لطيف كايقول السلام وعليكم .
دارت شافت شكون لي قال ليها السلام كتلقى نفس الشخص لي شافت في المحطة حسن .
قالت عليكم السلام .
قال واش ممكن نسولك .
قالت اه ماشي مشكل .
قال ياله نزلت من الطاكسي ومعرفتش فين نلقى الدار رقم 215 في هاذ الحي الى كنتي من الساكنة ديالو .
قالت اه دار الأستاذ معاذ .
قال اه باش عرفتيه.
قالت جارنا الى كنتي ضيف عندو راه رحل .
تبسم وقال لا ماشي ضيف عندو .
الدار ديالو شراها بابا وعطاها ليا كادو بمناسبة التخرج ديالي.
قالت راه الدار غير قريبة وانا غادا لتما الى بغيثي نوريها ليك .
قال اه الله يكثر خيرك .
مشا معاها وهوما ساكتين وصلاتو وقالت هي هاذي الدار.
قال شكرا ليك الناس ديال طنجة تبارك الله لطاف .
قالت نتا ماتعملتيش معاهم كاملين باش تقول هاذ لكلام لمهم هانتا لقيتي الدار لِكتقلب عليها .
قال في نفسو وربما لقيت حتى لبنت لي كنقلب عليها .
تبسم وقال كنعاود نشكرك وهو يمد ليها يدو وقال الإسم ديالي حسن .
عجبها لحال ان الاسم طلع كيف قالت رحمة .
وهي تشوف في يديه وشافت في عينيه وقالت انا آسيا بدون ماتسلم عليه وهي تمشي .
وبقا كايشوف فيها غادا وقال في نفسو هاذ الزين مايكون غير ليك أبا حسن .
والام ديال أسيا كاتشوف فيهم من لباركو .
دخلت اسيا ومشات عندها ماماها وقالت راه شفتك مع لولد جيتو تبارك الله غزالين .
قالت واااا ماما راه غير السيد سول على دار عمي معاذ و وريتها ليه.
وهاذ الصواب راه تعلمتو منك .
قالت الام انا علمتك الصواب ديريه مع الناس ولكن ماشي مع لمبوكَْصين العفريتة.
ونتي تعاملتي معاه غير على زينو .
اسيا حشمت وتبسمت وهي تقول انا الزين ديالي هي نتي أماما وباستها في خدها.
ودخلت لبيتها وبقات مريحة وكتفكر فيه وقالت الى كان حسن من نصيبي راه هادي هي الدنيا ومافيها .
الزين والأدب أكثر حتى من لي كنتمنى .
دازت 3 ساعات وهي غير في بيتها عيطت عليها ماماها .
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
