في الغد جات اسيا للخدمة ديالها وبعد مرور ساعتين جا إتصال لاسيا من صديقة ديالها قالت ليها انها عندها عيد الميلاد وغادي تدير حفلة وبغيثك تجي نتي وخطيبك حيث الحفلة من الشروط ديالها كل صديقة ديالي تجي مع الزوج دياها او الخطيب .
اسيا شكرتها على الدعوة اتتهت المكالمة .
واسيا بدات كتفكر وقالت في الغالب حسن غادي يكون مشغول.
إتصلت بيه وقالت ليه على الحفلة.
قال ليها عندي ديبلاصمو منقدرش نجي وإعتذر ليها وقال انه يعوض ليها هاذ الأمر .
اسيا ماعرفت مادير ومابغاتش تتصل بالصديقة ديالها وتقول ليها انها ماغداش تجي حيث الخطيب ديالها ماكاينش .
وفكرت انها تقولها لسعد وماقدرتش ووصل يوم الحفل.
وفي الآخير مابقا عندها حتى حل وهي تمشي عند سعد.
قالت سعد بغيثك تمشي معايا لعيد ميلاد صديقة ديالي.
قال ومالك كتكلمي ونتي مخلوعة انا كيصحاب ليا غير باغا تجري عليا من العمل .
ضحكت .
وكمل كلامو وقال انا اكره الحفلات ولكن غادي نمشي على اجلك فقط حيث نتي الشافة ديالي .
ضحكت وقالت سعد انت إنسان لطيف مخسرك غير لكذوب.
قال سعد انا إنسان لطيف وبوكوص ماتنسايش الكلمة الأخِرة هي الأهم .
تبسمت وقالت اه غير ماتبقاش تكدب وهي تقول ليه نصيحة.
قال غادي ندير بي كلامك .
في العشية سعد مشا لبس لكلاص وجا عندها شافتوا داخت حس بيها
وقال مبغيتش نأثر عليك بزاف ولكن الجمال من عند الله.
ضحكت بلا ماتكلم ومشاو للحفل .
دخلو إلى مكان الحفل وكلشي مبهور بي الأناقة والجمال ديالهم.
وجاو صحبات اسيا سلموا عليها وعلى سعد .
وقالوا تبارك الله جيتي غزالة مع خطيبك .
قال سعد انا ماشي خطيبها انا فقط راجلها وبقاو كيضحكو وقال انا فقط زميلها في العمل.
وشاف في أسيا وقال انا كاع عندي الزهر باش يكون هاد الجمال كامل من نصيبي .
اسيا تبسمت وهبطت راسها من الخجل.
وبقاو كيتكلمو سعد ماعجبوش كلام لبنات غير داير ليهم لخاطر.
ملي مشاو قال لي اسيا ها علاش قلت ليك كنكره لحفلات ماكتعرفهم ماكيعرفوك ويقولو ليك نتا جميل نتا كدا وعاد المواضيع التافهة .
تبسمت وقالت واش بصح كنبان ليك جميلة .
قال ناسيا كاع هاذ التخربيق لي كايقولو مفكرة غير كلمة جميلة .
راه غير كبرت بيك قدامهم اما لي كيعرف سعد هو لي عندو الشرف وعندو الزهر .
قالت وقول الصراحة .
قال اه نتي تبارك الله جميلة وزادك أدبك وذكائك جمال على جمال
وحتى نتي راك عارفة راسك زوين او ماعندكمش لمرايا في الدار .
ومشاو الى الطبلة الخاصة بيهم وريحوا .
من بعد شويا بدا كل واحد من المدعوين كاينوض للمكان لي فيه المكرفون وكايتقابل مع المدعوين وكيقول كلمة في حق البنت لي عندها عيد الميلاد.
دازو لبنات ووصل الدور على اسيا باش تكلم وبغات تنوض وهو يقول سعد انا غادي نتكلم في بلاصتك .
قالت اسيا هي الصديقة ديالي انا ونتا ماكتعرفهاش.
قال سعد اش فيها مايتعرف وهي لبسا كاع معري شوفي لبسك نتي كيف محترم.
تبسمت .
وناض شد المكرفون
وقال مغاديش نقول كيفما قالو لي قبلي انا بغيث فقط نقول ليك إستمتيعي بالحياة وعيشي لي نفسك ولي سعادتك ولي اهلك فقط.
وماتخلي يدخل لحياتك حتى حد سوا بنت او ولد الى انك تجربيهم .
أنا قريت في مواقع التواصل نصيحة كاتبها أحد الاشخاص وعجبتني وبغيث نتشاركها معاكم ليوم .
والشخص كايقول كل واحد فينا ملي كيبغي يشري كرسي.
واش اول كرسي كيبان ليه كيشريه اكيد لا حتى كيقلب مزيان وكيريح فوق الكرسي وكيشوف واش واخد راحتوا عاد إلى رتاح ليه كيشريه.
كدلك الناس مادخلش في حياتك حتى حد في الاول بدون متجربهم او تعرفهم مزيان .
هدا كلام جميل لكن ماشي كلامي.
ولو قلت انه كلامي بدون مانذكر اني قريتو عند شخص اخر غادي تايقوني.
لكن قالت لي إنسانة انا كل واحد عطاه الله الإبداع ديالوا فمتسرقش إبداعات الناس وتنسبها ليك وتكذب على الناس بلا ضمير.
وحتى انت عندك الإبداع ديالك فقط إبحت عليه وغادي تلقاه والسيدة الجميلة لي قالت لي هاد الكلام رفع اصبع ديالوا ونعت في اسيا
وكلشي شاف فيها وبدى يصفق عليها.
أسيا حست بالخجل وفي نفس الوقت حست بشيء إتجاه سعد .
أنت تقرأ
العرافة (بالدارجة المغربية)🇲🇦🇲🇦
Romansaالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
