قبل هاذ الفترة سعد كان كيقلب على الشقة يشريها من بعدما بدا كياخد النسبة لي إتفق عليها مع الباطرون.
لقى شقة وشراها وفرشها .
وقال قرب الوقت تعمرها معايا اسيا هاذ الشقة ورفع يدو الى السماء وقال يارب يسر لي هاذ الامر وتكون أسيا ليا .
ورجع حسن الى الدار بعدما إنتهى الديبلاصمو ديالوا. وفي المساء خرج حسن مع اسيا يتعشاو في مطعم قرب البحر وبقاو كيتكلمو مع بعض واسيا فرحانة .
في الغد جات اسيا للخدمة مبتسمة وناشطة بان ليها سعد قالت صباح الخير سعد.
قال سعد صباح النور اسيا وعرف ان شي امر حاصل من ضحكها الزايد ليوم.
دخلت للمكتب.
وسعد بقا مسوس من جيهتها وهو يمشي لعندها دق الباب
وقالت دخل.
دخل سعد وقال اسيا ممولفاش كتدخلي بي ديك الطريقة واش الامور هانية.
قالت اه الحمد لله انا ياله بديت نفهم الحياة .
قال تعطلتي في فهمها.
قالت أنك تعطل افضل من انك ماتفهمش كاع.
قال وي متافق معاك هاني خارج.
قالت سعد كنشكرك.
قال على شنو .
قالت على اي حاجة درتيها ليا انت إنسان رائع بغيت نسولك ا سعد واش ماباغيش تتزوج.
قال غير نلقى شي وحدة لي تستاهلني ونتزوج.
قالت واو لعياقة مكتبغيش تفرق عليك. قال لكن انا مرتاح معا لعياقة وهي لي كتخليني تايق في راسي وخرج.
دازت ساعة وخرجة اسيا ومشات عند سعد
وقالت ليه بغيتك تقول ليا كادو نقدموا لي شخص متلا.
قال الكدوات عطا الله غي واحد قدميه وصافي.
قالت وانت شنو كيعجبك يقدم ليك الشخص .
قال الشكلاط او الحلوة اما الى كان يعطيني تحفة او سفونير غير يخليهم عندو.
ضحكت وقالت يا سعد مضروب غي على كرشك.
قال وانتي لي خليتي سبعين عمل وخدامة في الطبخ ممضروباش على كرشك .
ضحكت وقالت انت شرير ومشات ..
ملي سلات اسيا الدوام ديالها مشات عند محل خاص بالشكلاط تقدات كيفما قال سعد .
وعطاتو لحسن وهو عجبوا الفعل لي دارت وقال فكرة واعرة هادي.
قالت صراحة ماشي فكرة ديالي.
قال حسن شكون طيحها عليك .
قالت أخ في العمل إسموا سعد .
قال را تكلم ليا باباك عليه وعاود لي على الافعال الزوينة لي دار معاكم.
خاصني نتلاقى معاه انا معجب به واخا معمري تلاقيت معاه.
قالت في اي وقت ممكن تجي للفندق وتلاقا معاه.
قال إن شاء الله .
وفي نفس الوقت سعد هاز وردة ومقابل مع المراية وكيحاول يلقى الطريقة لي غادي يقدمها بيها إلى اسيا ويقول ليها كنبغيك وكايبدل الحوايج وكايشوف الملابس لي تجي مع التقديم ديال الوردة.
داز الليل.
وجا سعد في الصباح بكري ووقف في الباب وكيتسنى اسيا توصل باش يقدم ليها الوردة .
دازت حوالي ساعة وسعد كاع ماحاس بالوقت من الفرحة والخوف انها ترفض .
وهي توصل اسيا في سيارة BMW ووقفت بعيد من سعد بلا ماتشوفو .
وسعد بقى كيشوف شكون لي في السيارة وهي تبان ليه اسيا مع شاب جميل.
وهي تنزل من السيارة وقبلت يدها وأشارت بيها لي الشخص لي في السيارة.
سعد الارض لعبت بيه ماعرف يمشي او يبقى واقف.
وعرف من حركتها انا هذا حبيبها او خطيبها
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
