وفي الصباح آسيا مشات للخدمة دازت عند سعد هو الاول وقالت سعد شويا ودوز عندي للمكتب بغيث نتكلم معاك .
سعد قال واخا .
بعد نصف ساعة مشا سعد عندها للمكتب دق عليها .
قالت دخل .
دخل سعد بدون مايتكلم
قالت ريح أ سعد .
ريح سعد .
وقالت واخا تعطيني لاكارط ديالك .
سعد بلا مايتكلم عطاها لاكارط .
شافت لاكارط لقات فيه الإسم سعد والسكن الدار البيضاء .
ردت ليه لاكارط وبقات كتبكي .
إستغرب منها وقال مالك أ اسيا شنو عندك .
قالت والدموع في عينيها قول ليا الحق ولو مرة في حياتك واش نتا سميتك حسن وجيتي من الرباط وكنتي لابس جاكيط أسود وسرول أبيض وكنتي داير محفضة كحلة في ضهرك .
سعد كأن الضو ضربو حيث كلامها صحيح وباش يخفي الصدمة ديالو بدا يضحك بلا مايجاوبها.
قالت جاوبني أسعد واش كلامي صحيح .
قال خيالك واسع انا الإسم ديالي سعد علاش غادي ننكر الإسم ديالي وانا كزاوي من حي مولاي رشيد .
قالت صدقتك . وقول ليا شكون جابك أول مرة للفندق .
قال الباطرون هو لي جابني اول مرة هنا .
قالت هاذ الشي لي بغيث نعرف منك شكرا لك وسمح ليا .
قال ماشي مشكل وخرج وهو حيران كيفاش عرفت عليه هاذ الشي كامل.
اسيا بغات تسول الباطرون ولكن في هاذ الفترة كان مسافر .
وصل وقت الخروج من الدوام.
خرجت اسيا
وتبعها سعد باش يعرف شكون قال ليها هاد المعلومات.
اسيا غير خرجت مشات لدارهم .
وكل مرة كيسالي الدوام سعد كيتبع آسيا حتى لمرة مشات عند العرافة دخلت بقات كتكلم معاها وخرجت اسيا .
وسعد بقا باش يعرف واش جات عند شي حد من عائلتها .
حتى جات سيارة من نوع الرفيع هبطوا منها 2 ديال الرجال وبداو كيتكلموا وسعد دار راسو دايز من حداهم باش يسمع ليهم وسمعهم كيقولوا رحمة الخدمة ديالها مزيانة.
وعرف ان اسيا كتجي عند العرافة.
سعد تسنى الرجال حتى خرجو.
وهو يقرى اية الكرسي ودخل عند العرافة.
وقال ليها انا هو حسن لي قلتي لي اسيا غادي يجي من الرباط لابس جاكيط أسود و سروال أبيض وعندوا محفضة كحلة.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
