من بعد مرور ثلاث أيام جا حسن لدار آسيا وهي كانت مزال في العمل وريح مع الاب ديالها
وقال حسن جيت أعمي باش نسمع الرأي ديالك .
قال الأب مرحبا اولدي .
قال حسن بابا قال ليا انه باغي يدير العرس في تركيا وهو غادي يتكلف بجميع الامور من الفندق والقاعة والتنقل ديالكم.
قال الاب الله يكثر خيرو
غير هاذ الامر خاصك تناقشو مع أميمة وتشوف الرأي ديالها حيث كيتعلق بها اما انا وماماها موافقين على لي بغات بنتنا .
قال حسن اكيد غادي نتكلم معاها في الموضوع غير قلت غير بغيث نشوف الرأي ديالك أ عمي في الأول .
قال الأب تبارك الله عليك أولدي هاذ الشي من حُسن التربية ديالك .
قال حسن ربي يحفضك أ عمي .
دازت ساعة وجات أسيا من العمل دخلت وهي تشوف حسن تفاجأت وقالت ماقلتيش ليا راك غادي تجي ليوم .
قال بغيث نديرها ليك مفاجأة .
تبسمت وسلمت على باباها وجلست .
الاب قال غادي نخليكم نقضي شي امر بزربة وهو القصد ديالو غير يخليهم يتكلمو في راحتهم ومشا ريح مع مرتو .
حسن بدا يسول اسيا على العمل ديالها .
وبقاو كيتكلمو شويا .
وقال حسن انا جيث باش نقول لك ان بابا قال ليا باش نديرو العرس في تركيا شنو كاتقولي في هاذ الأمر .
اسيا فرحت ومابينتش ليه وقالت خاص نتشاور مع بابا وماما ونشوف الرأي ديالهم .
قال حسن قبل ماتجي تكلمت مع باباك وقال ان الامر كيرجع لي اسيا ولي بغات اسيا انا وماماها موافقين عليه .
آسيا فرحت وقالت اه موافقة .
قال حسن فرحتيني ملي وافقتي
وأمر اخر كنتمنى تقبليه هو ان الاب ديالي قرر يتكفل بجميع الامور من عندو.
السفر والفندق وكلشي .
آسيا بقات ساكتة .
وقال حسن هل من إعتراض سيدتي .
ضحكت وقالت لا سيدي .
داز أسبوع .
اسيا مشات عند رحمة .
دخلت عندها وهي فرحانة
رحمة غير شافتها عرفت انها جايا تقول ليها خبر يفرحها .
وقالت خالتي رحمة جابت ليك واحد لخبار غادي تفرحك .
قالت رحمة فرحيني أبنتي .
قالت اسيا الاب ديال حسن قرر باش يدير لينا العرس في تركيا وهو يتكلف بجميع الامور .
قالت رحمة وهي مصدومة اش كاتقولي أبنتي .
قالت أسيا علاش أخالتي واش ماعجبكش العرس يكون في تركيا .
قالت رحمة حسن أبنتي لي قلت ليك ماعندوش والديه هو مقطوع من شجرة .
اسيا تصدمت وبقات كاتشوف في رحمة ومصدومة
وهي تبدا تبكي واثناء البكاء ديالها ماكيجي على بالها غير سعد هو لي معندوش وليديه
وهو لي من اول يوم حست كأنها كتعرفو من زمان
وهو لي احدث تغيير في حياتها وحياة أسرتها.
ومشات لدارها كتبكي.
أنت تقرأ
العرافة (بالدارجة المغربية)🇲🇦🇲🇦
Romanceالعرافة رحمة كتقول لي اسيا على فارس احلامها الإسم ديالو حسن وبعد المواصفات وكلام خاص عليه وكتلاقى اسيا بيه وبعد مدة كيخطبها. دازت فترة قصيرة كيجي شاب الإسم ديالو سعد يخدم في الفندق لي كتخدم فيه اسيا وكتلقى فيه اغلب المواصفات لي قالت العرافة 🤔. مقت...
